ਸਿਡਨੀ — ਭਾਰਤ ਅਤੇ ਆਸਟ੍ਰੇਲੀਆ ਵਿਚਾਲੇ ਸਿਡਨੀ ‘ਚ ਖੇਡੇ ਜਾ ਰਹੇ ਟੈਸਟ ਮੈਚ ਦੇ ਪਹਿਲੇ ਦਿਨ ਮੈਦਾਨ ‘ਤੇ ਉਸ ਸਮੇਂ ਤਣਾਅਪੂਰਨ ਸਥਿਤੀ ਬਣ ਗਈ ਜਦੋਂ ਭਾਰਤੀ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਅਤੇ ਆਸਟ੍ਰੇਲੀਆਈ ਬੱਲੇਬਾਜ਼ ਸੈਮ ਕਾਂਸਟੈਂਸ ਆਪਸ ‘ਚ ਭਿੜ ਗਏ। ਇਹ ਘਟਨਾ ਆਸਟ੍ਰੇਲੀਆ ਦੀ ਪਾਰੀ ਦੇ ਤੀਜੇ ਓਵਰ ਵਿਚ ਵਾਪਰੀ ਕਿ ਬੁਮਰਾਹ ਗੇਂਦਬਾਜ਼ੀ ਕਰ ਰਹੇ ਸਨ ਅਤੇ ਉਸਮਾਨ ਖਵਾਜਾ ਸਟ੍ਰਾਈਕ ‘ਤੇ ਸਨ, ਜੋ ਸ਼ਾਟ ਖੇਡਣ ਵਿਚ ਸਮਾਂ ਲੈ ਰਹੇ ਸਨ। ਨਾਨ-ਸਟ੍ਰਾਈਕ ‘ਤੇ ਰਹੇ ਕਾਂਸਟਸ ਬੇਵਜ੍ਹਾ ਬੁਮਰਾਹ ਵੱਲ ਆ ਗਏ, ਜਿਸ ਕਾਰਨ ਬੁਮਰਾਹ ਗੁੱਸੇ ‘ਚ ਆ ਗਏ ਅਤੇ ਕਾਂਸਟਸ ਵੱਲ ਚਲੇ ਗਏ। ਦੋਵਾਂ ਖਿਡਾਰੀਆਂ ਵਿਚਾਲੇ ਗਰਮਾ-ਗਰਮ ਬਹਿਸ ਹੋਈ, ਜਿਸ ਤੋਂ ਬਾਅਦ ਅੰਪਾਇਰ ਨੂੰ ਦਖਲ ਦੇਣਾ ਪਿਆ।
ਹਾਲਾਂਕਿ, ਥੋੜ੍ਹੀ ਦੇਰ ਬਾਅਦ ਇੱਕ ਹੋਰ ਘਟਨਾ ਵਾਪਰੀ। ਬੁਮਰਾਹ ਨੇ ਖਵਾਜਾ ਨੂੰ ਗੇਂਦ ਸੁੱਟੀ ਜੋ ਡਾਟ ਰਹਿ ਗਈ ਪਰ ਅਗਲੀ ਹੀ ਗੇਂਦ ‘ਤੇ ਖਵਾਜਾ ਨੂੰ ਸਲਿਪ ‘ਚ ਕੇਐੱਲ ਰਾਹੁਲ ਨੇ ਕੈਚ ਆਊਟ ਕਰ ਦਿੱਤਾ। ਖਵਾਜਾ ਦੇ ਆਊਟ ਹੁੰਦੇ ਹੀ ਬੁਮਰਾਹ ਕਾਂਸਟੈਂਸ ‘ਤੇ ਉੱਚੀ-ਉੱਚੀ ਚੀਕਦੇ ਨਜ਼ਰ ਆਏ। ਹੋਰ ਭਾਰਤੀ ਖਿਡਾਰੀਆਂ ਨੇ ਵੀ ਕਾਂਸਟੈਂਸ ਦੇ ਸਾਹਮਣੇ ਵਿਕਟ ਦਾ ਜਸ਼ਨ ਮਨਾਇਆ, ਸਿਡਨੀ ਟੈਸਟ ਦੇ ਪਹਿਲੇ ਦਿਨ ਦੀ ਸਮਾਪਤੀ ਤੱਕ ਆਸਟਰੇਲੀਆ ਨੇ 3 ਓਵਰਾਂ ਵਿੱਚ 1 ਵਿਕਟ ਗੁਆ ਕੇ 9 ਦੌੜਾਂ ਬਣਾ ਲਈਆਂ ਸਨ। ਆਸਟ੍ਰੇਲੀਆ ਦੀ ਪਹਿਲੀ ਵਿਕਟ ਖਵਾਜਾ ਦੇ ਰੂਪ ‘ਚ ਡਿੱਗੀ। ਇਸ ਤੋਂ ਪਹਿਲਾਂ ਭਾਰਤ ਦੀ ਪਹਿਲੀ ਪਾਰੀ 185 ਦੌੜਾਂ ‘ਤੇ ਸਿਮਟ ਗਈ ਸੀ। ਭਾਰਤ ਲਈ ਰਿਸ਼ਭ ਪੰਤ ਨੇ ਸਭ ਤੋਂ ਵੱਧ 40 ਦੌੜਾਂ ਬਣਾਈਆਂ ਜਦਕਿ ਰਵਿੰਦਰ ਜਡੇਜਾ ਨੇ 26 ਦੌੜਾਂ ਦਾ ਯੋਗਦਾਨ ਪਾਇਆ। ਗੇਂਦਬਾਜ਼ੀ ਵਿੱਚ ਇੱਕ ਵਿਕਟ ਲੈਣ ਤੋਂ ਇਲਾਵਾ ਬੁਮਰਾਹ ਨੇ ਬੱਲੇ ਨਾਲ ਵੀ ਅਹਿਮ ਯੋਗਦਾਨ ਪਾਇਆ ਅਤੇ 17 ਗੇਂਦਾਂ ਵਿੱਚ 3 ਚੌਕਿਆਂ ਅਤੇ 1 ਛੱਕੇ ਦੀ ਮਦਦ ਨਾਲ 22 ਦੌੜਾਂ ਬਣਾਈਆਂ। ਇਸ ਮੈਚ ‘ਚ ਰੋਹਿਤ ਸ਼ਰਮਾ ਦੀ ਗੈਰ-ਮੌਜੂਦਗੀ ‘ਚ ਵੀ ਬੁਮਰਾਹ ਕਪਤਾਨੀ ਕਰ ਰਹੇ ਹਨ।
ਦੋਵੇਂ ਟੀਮਾਂ ਸਿਡਨੀ ਟੈਸਟ ਲਈ
ਭਾਰਤ: ਜਸਪ੍ਰੀਤ ਬੁਮਰਾਹ (ਕਪਤਾਨ), ਯਸ਼ਸਵੀ ਜੈਸਵਾਲ, ਕੇਐਲ ਰਾਹੁਲ, ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਰਿਸ਼ਭ ਪੰਤ, ਰਵਿੰਦਰ ਜਡੇਜਾ, ਨਿਤੀਸ਼ ਰੈੱਡੀ, ਵਾਸ਼ਿੰਗਟਨ ਸੁੰਦਰ, ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸਿਰਾਜ ਅਤੇ ਪ੍ਰਸਿਦ ਕ੍ਰਿਸ਼ਨ।
ਆਸਟਰੇਲੀਆ: ਪੈਟ ਕਮਿੰਸ (ਕਪਤਾਨ), ਉਸਮਾਨ ਖਵਾਜਾ, ਸੈਮ ਕੋਨਸਟੈਨਸ, ਮਾਰਨਸ ਲੈਬੁਸ਼ਗਨ, ਸਟੀਵ ਸਮਿਥ, ਟ੍ਰੈਵਿਸ ਹੈਡ, ਬੀਓ ਵੈਬਸਟਰ, ਐਲੇਕਸ ਕੈਰੀ (ਡਬਲਯੂ.ਕੇ.), ਮਿਸ਼ੇਲ ਸਟਾਰਕ, ਨਾਥਨ ਲਿਓਨ, ਸਕਾਟ ਬੋਲੈਂਡ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
