ਸਮਾਜ ਵੀਕਲੀ ਯੂ ਕੇ-
ਸੱਬ ਸਿੱਖਣ ਕੋ ਹੁਕਮ ਹੈ ਗੁਰੂ ਮਾਨਯੋ ਗਰੰਥ…..ਸਰਬੰਸਦਾਨੀ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ
ਅਮ੍ਰਿਤ ਦੇ ਦਾਤੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਹਾਰਾਜ ਜੀ ਦੇ ਪ੍ਰਕਾਸ਼ ਦਿਹਾੜੇ ਦੀ ਖੁਸ਼ੀ ਸਮੇ ਗੁਰਦਵਾਰਾ ਸ਼੍ਰੀ ਗੁਰੂ ਹਰਿਕ੍ਰਿਸ਼ਨ ਸਾਹਿਬ ਜੀ ਓਡਬੀ ਲ਼ੈਸਟਰਸ਼ਾਇਰ ਵਿਖੇ ਸ਼ਨਿਚਰਵਾਰ 4 ਜਨਵਰੈ ਨੂੰ ਸ਼ਾਮ ਦੇ 7 ਵਜੇ ਸ੍ਰੀ ਅਖੰਡ ਪਾਠ ਅਰੰਭ ਕੀਤੇ ਗਏ ਜਿਨ੍ਹਾ ਦੇ ਭੋਗ ਗੁਰਪੁਰਬ ਵਾਲੇ ਦਿੰਨ ਸੋਮਵਾਰ 6 ਜਨਵਰੀ ਨੂੰ 5 ਵਜੇ ਪਾਏ ਗਏ। ਇਸ ਸਮੇ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੀ ਸੇਵਾ ਗੁਰਦਵਾਰਾ ਸਾਹਿਬ ਦੇ ਜਨਰਲ ਸਕੱਤਰ ਗੁਰਜੀਤ ਸਿੰਘ ਸਮਰਾ ਜੀ ਅਤੇ ਪਰਿਵਾਰ ਵਲੋਂ ਕੀਤੀ ਗਈ।
ਸਰਬੱਤ ਦੇ ਭਲੇ ਦੀ ਅਰਦਾਸ ਉਪਰੰਤ ਗੁਰਦਵਾਰਾ ਸਾਹਿਬ ਜੀ ਦੇ ਕੀਰਤਨ ਜੱਥੇ ਨੇ ਸੰਗਤਾਂ ਨੂੰ ਨਿਰੋਲ ਕੀਰਤਨ ਨਾਲ ਨਿਹਾਲ ਕੀਤਾ ਅਤੇ ਕਥਾਵਾਚਕ ਜੀ ਨੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਜੀਵਨ ਬਾਰੇ ਜਾਣਕਾਰੀ ਦਿੱਤੀ।
ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਮਾਤਾ ਜੀ ਦਾ ਨਾਮ ਮਾਤਾ ਗੁਜਰੀ ਜੀ ਸੀ ਅਤੇ ਪਿਤਾ ਜੀ ਦਾ ਨਾਮ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਸੀ। ਇਨ੍ਹਾਂ ਦਾ ਪ੍ਰਕਾਸ਼ ਸ੍ਰੀ ਪਟਨਾ ਸਾਹਿਬ ਬਿਹਾਰ ਵਿਖੇ 1666 ਨੂੰ ਹੋਇਆ ਸੀ। ਗੁਰੂ ਜੀ ਦੀਆਂ ਸਪੁੱਤਨੀਆ ਦੇ ਨਾਮ ਅਜੀਤ ਕੌਰ ਜੀ, ਸੁੰਦਰ ਕੌਰ ਜੀ ਅਤੇ ਸਾਹਿਬ ਕੌਰ ਜੀ ਸਨ। ਗੁਰੂੂ ਗੋਬਿੰਦ ਸਿੰਘ ਜੀ ਨੇ ਸ੍ਰੀ ਪਾਉਂਟਾ ਸਾਹਿਬ, ਜਮਨਾ ਕੰਢੇ 1684 ਅਤੇ ਮੁਕਤਸਰ ਗੁਰੂ ਕੀ ਕਾਸ਼ੀ ਦਮਦਮਾ ਸਾਹਿਬ 1706 ਨੂੰ ਪਵਿੱਤਰ ਨਗਰ ਵਸਾਏ। ਗੁਰੂ ਜੀ ਨੇ ਜਾਪੁ, ਅਕਾਲ ਉਸਤਤਿ, ਚੌਪਾਈ, ਬਚਿੱਤਰ ਨਾਟਕ, ਸਵੈਯੇ, ਸ਼ਬਦ ਹਜਾਰੇ, ਜਫਰਨਾਮਾ ਜੀ ਦੀ ਪਾਵਨ ਬਾਣੀ ਦਸਮ ਗ੍ਰੰਥ ਵਿੱਚ ਰਚੀ।
ਸਤਵਿੰਦਰ ਸਿੰਘ ਲਾਂਗਰੀ ਜੀ ਨੇ ਸਾਰੀਆਂ ਹੀ ਸੰਗਤਾਂ ਨੂੰ ਧੰਨ ਧੰਨ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਗੁਰਪੁਰਬ ਦੀ ਖੁਸ਼ੀ ਤੇ ਲੱਖ ਲੱਖ ਵਧਾਈਆਂ ਦਿੱਤੀਆਂ ਅਤੇ ਰਸੋਈ ਵਿੱਚ ਸੇਵਾ ਕਰਨ ਵਾਲਿਆਂ ਦਾ ਧੰਨਵਾਦ ਕੀਤਾ।
ਖਾਲਸਾ ਏਡ
ਗੁਰਪੁਰਬ ਦੀ ਖੁਸ਼ੀ ਨੂੰ ਮੁੱਖ ਰੱਖਦਿਆਂ ਖਾਲਸਾ ਏਡ ਵਲੋਂ ਸੰਗਤਾਂ ਦੀ ਸੇਵਾ ਲਈ ਇਸ ਸਾਲ ਦਾ ਪਹਿਲਾ ਸਟਾਲ ਲਗਾਇਆ ਗਿਆ ਜਿੱਸ ਵਿੱਚ 6 ਸਾਲ ਉਮਰ ਦੇ ਜੋਰਾਵਰ ਸਿੰਘ ਵਿਰਕ ਨੇ ਸਟਾਲ ਸਜਾਉਣ ਵਿੱਚ ਸੇਵਾ ਕਰਕੇ ਗੁਰੂ ਜੀ ਦੀਆਂ ਖੁਸ਼ੀਆਂ ਪ੍ਰਾਪਤ ਕੀਤੀਆਂ ਅਤੇ ਕਿਹਾ “ਮੈਨੂੰ ਗੁਰਦਵਾਰਾ ਆ ਕੇ ਸੇਵਾ ਕਰਨੀ ਬਹੁੱਤ ਚੰਗੀ ਲੱਗਦੀ ਹੈ”। ਓਡਬੀ ਗੁਰਦਵਾਰਾ ਸਾਹਿਬ ਅਤੇ ਗੁਰਦਵਾਰਾ ਦਸਮੇਸ਼ ਸਾਹਿਬ ਜੀ ਜਿਪਸੀ ਲੇਨ ਵਲੋਂ ਕੁੱਲ ਮਿਲਾ ਕੇ ਸੰਗਤਾਂ ਵਲੋਂ £251 ਖਾਲਸਾ ਏਡ ਲਈ ਸੇਵਾ ਕੀਤੀ ਗਈ। ਖਾਲਸਾ ਏਡ ਦੇ ਸੇਵਾਦਾਰ ਭਾਈ ਬਲੰਿਦਰ ਸਿੰਘ ਜੀ ਨੇ ਕਿਹਾ “ ਜਿਨ੍ਹਾਂ ਸੰਗਤਾਂ ਨੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਗੁਰਪੁਰਬ ਸਮੇ ਆਪਣੇ ਵਲੋਂ ਸੇਵਾ ਕੀਤੀ ਹੈ ਉਨ੍ਹਾਂ ਸੱਭ ਦਾ ਬਹੁੱਤ ਧੰਨਵਾਦ। ਵਾਹਿਗੁਰੂ ਜੀ ਸੱਭ ਨੂੰ ਖੁਸ਼ੀਆਂ ਅਤੇ ਤੰਦਰੁਸਤੀ ਦਾ ਦਾਨ ਬਖਸ਼ਣ ਜੀ”।
ਮੁੱਖ ਸੇਵਾਦਾਰ ਵਲੋਂ ਧੰਨਵਾਦ।
ਗੁਰਦਵਾਰਾ ਸ੍ਰੀ ਗੁਰੂ ਹਰਿਕ੍ਰਿਸ਼ਨ ਸਾਹਿਬ ਜੀ ਦੇ ਮੁੱਖ ਸੇਵਾਦਾਰ ਭਾਈ ਹਰਜਿੰਦਰ ਸਿੰਘ ਰਾਏ ਜੀ ਵਲੋਂ ਬੀਬੀਆਂ ਦੇ ਜੱਥੇ ਦਾ ਅਤੀ ਧੰਨਵਾਦ ਕੀਤਾ ਜਾਂਦਾ ਹੈ ਜਿਨ੍ਹਾਂ ਨੇ ਤਿੰਨੇ ਦਿੰਨ ਤਨ ਮਨ ਧੰਨ ਨਾਲ ਸੇਵਾ ਕੀਤੀ।
ਜਿਨ੍ਹਾ ਜਿਨ੍ਹਾਂ ਸੰਗਤਾਂ ਨੇ ਗੁਰਦਵਾਰਾ ਸਾਹਿਬ ਹੋ ਰਹੀ ਮੁਰੰਮੱਤ ਵਿੱਚ ਯੋਗਦਾਨ ਪਾਇਆ ਹੈ ਉਨ੍ਹਾਂ ਦਾ ਬਹੁੱਤ ਬਹੁੱਤ ਧੰਨਵਾਦ ਕੀਤਾ ਜਾਂਦਾ ਹੈ। ਪ੍ਰਮਾਤਮਾ ਸੇਵਾ ਸਿਮਰਨ ਸੰਗਤ ਚੜ੍ਹਦੀ ਕਲਾ ਦਾ ਦਾਨ ਬਖਸ਼ਣ ਅਤੇ ਦਿੰਨ ਦੁਗਣੀ ਰਾਤ ਚੌਗਣੀ ਤਰੱਕੀਆਂ ਬਖਸ਼ਣ ਜੀ।
ਸੱਭ ਸੰਗਤਾਂ ਜੀ ਨੂੰ ਬੇਨਤੀ ਹੂੈ ਕਿ ਲੋਹਵੀ ਦੀ ਖੁਸ਼ੀ ਵਿੱਚ 13 ਜਨਵਰੀ ਨੂੰ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ 4-6 ਵਜੇ ਤੱਕ ਹੋਣਗੇ। ਇਸ ਸਮੇ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ, ਗੁਰੂ ਕੇ ਲੰਗਰ ਅਤੇ ਦੇਗ ਦੀ ਸੇਵਾ ਗੁਰਵਿੰਦਰ ਸਿੰਘ ਅਤੇ ਪਰਿਵਾਰ ਵਲੋਂ ਹੋਵੇਗੀ।
ਜਿਹੜੇ ਪਰਿਵਾਰਾਂ ਦੇ ਘਰ ਬੱਚੇ ਬੱਚੀ ਦੀ ਪਹਿੱਲੀ ਲੋਹੜੀ ਹੈ, ਉਨ੍ਹਾ ਨੂੰ ਗੁਰਦਵਾਰਾ ਸਾਹਿਬ ਵਲੋਂ ਸਨਮਾਨਿੱਤ ਕੀਤਾ ਜਾਵੇਗਾ।
ਰਿਪੋਰਟ – ਤਰਲੋਚਨ ਸਿੰਘ ਵਿਰਕ
