(ਸਮਾਜ ਵੀਕਲੀ)
ਬਾਬਾ ਨਾਨਕ ਸੀ ਸ਼ਾਂਤੀ ਦਾ ਪੁਜਾਰੀ ,
ਚੜ੍ਹੀ ਰਹਿੰਦੀ ਸੀ ਨਾਮ ਦੀ ਖੁਮਾਰੀ ।
ਇਨਕਲਾਬ ਦੇ ਸੀ ਮੋਹਰੀ ,
ਗਰੀਬ ਗੁਰਬੇ ਨਾਲ ਸੀ ਸਾਂਝ ਨਿਆਰੀ।
ਕੱਤਕ ਦੀ ਪੂਰਨਮਾਸ਼ੀ 1469 ਨੂੰ ,
ਆਇਆ ਸੀ ਬਾਲ ਮੁਖੜਾ ਚਮਕਦਾ।
ਲੋਕਾਈ ਨੂੰ ਸੋਧਣ ਲਈ ,
ਚਿਹਰੇ ਦਾ ਨੂਰ ਸੀ ਦਮਕਦਾ ।
ਮਾਤਾ ਸੁਲੱਖਣੀ ਪਿਤਾ ਕਾਲੂ ਮਹਿਤਾ ,
ਭੇਜਿਆ ਮੋਦੀਖਾਨੇ ਵਪਾਰ ਲਈ ।
ਤੇਰਾ ਤੇਰਾ ਬੋਲ ਕੇ ਸਾਰਾ ਮਾਲ ਤੋਲਤਾ ,
ਘਾਟੇ ਦੀ ਪੂਰਤੀ ਹੋਈ ਜਦੋਂ ਸਾਰ ਲਈ ।
ਫਿਰ ਆਹਰੇ ਲਾਇਆ ਪਸ਼ੂ ਚਾਰਨ ਲਈ ,
ਗੁਆਂਢੀ ਉਲਾਂਭਾ ਦਿੱਤਾ ਖੇਤ ਉਜਾੜਤਾ ।
ਰਾਮ ਨਾਮ ਜਪਦਿਆਂ ਜਦੋਂ ਬਿਰਤੀ ਟੁੱਟੀ ,
ਹਰਿਆ ਭਰਿਆ ਸਾਰਾ ਖੇਤ ਦੁਬਾਰਾ ਉਗਾ ਦਿੱਤਾ।
ਅਮਰਜੀਤ ਸਿੰਘ ਤੂਰ
ਪਿੰਡ ਕੁਲਬੁਰਛਾਂ ਜ਼ਿਲਾ ਪਟਿਆਲਾ
ਫੋਨ ਨੰਬਰ : 9878469639
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
