ਆਰ ਸੀ ਐਫ ਇਮਪਲਾਈਜ ਯੂਨੀਅਨ ਨੇ ਜਨਮ ਭੂਮੀ ਟਰੇਨ ਦੇ ਪਹਿਲੇ ਸਟਾਪ ‘ਤੇ ਸ਼ਾਨਦਾਰ ਸਵਾਗਤ ਕੀਤਾ

 ਕਪੂਰਥਲਾ, (ਸਮਾਜ ਵੀਕਲੀ) (ਕੌੜਾ)– ਜਨਮਭੂਮੀ ਐਕਸਪ੍ਰੈਸ 19107/19108 (ਭਾਵਨਗਰ ਤੋਂ ਊਧਮਪੁਰ) ਦਾ ਅੱਜ 17 ਫਰਵਰੀ ਨੂੰ ਸਵੇਰੇ 9:19 ਵਜੇ ਆਰ ਸੀ ਐਫ ਹਾਲਟ ਸਟੇਸ਼ਨ ‘ਤੇ ਰੇਲਗੱਡੀ ਦੇ ਪਹਿਲੇ ਰੁਕਣ ‘ਤੇ ਆਰ ਸੀ ਐਫ ਇਮਪਲਾਈਜ ਯੂਨੀਅਨ ਵੱਲੋਂ ਸ਼ਾਨਦਾਰ ਸਵਾਗਤ ਕੀਤਾ ਗਿਆ। ਇਸ ਇਤਿਹਾਸਕ ਪਲ ਨੂੰ ਯਾਦਗਾਰੀ ਬਣਾਉਣ ਲਈ ਆਰ.ਸੀ.ਐਫ ਦੇ ਮੁਲਾਜ਼ਮਾਂ ਨੇ ਦੁਪਹਿਰ ਸਮੇਂ ਸਟੇਸ਼ਨ ‘ਤੇ ਪਹੁੰਚ ਕੇ ਰੇਲ ਗੱਡੀ ਦਾ ਅਤੇ ਰੇਲ ਦੇ ਲੋਕੋ ਪਾਇਲਟ, ਸਹਾਇਕ ਲੋਕੋ ਪਾਇਲਟ ਅਤੇ ਟਰੇਨ ਮੈਨੇਜਰ ਦਾ ਜ਼ੋਰਦਾਰ ਸਵਾਗਤ ਕੀਤਾ।

 ਇਸ ਮੌਕੇ ਆਰ ਸੀ ਐਫ ਇਮਪਲਾਈਜ ਯੂਨੀਅਨ ਦੇ ਜਨਰਲ ਸਕੱਤਰ ਸਰਵਜੀਤ ਸਿੰਘ ਨੇ ਕਿਹਾ ਕਿ ਆਰਸੀਐਫ ਦੇ ਇਤਿਹਾਸ ਵਿੱਚ ਇਹ ਇੱਕ ਅਹਿਮ ਮੀਲ ਪੱਥਰ ਹੈ। RCF ਹਾਲਟ ਸਟੇਸ਼ਨ ‘ਤੇ “ਜਨਮਭੂਮੀ ਐਕਸਪ੍ਰੈਸ” ਅਤੇ “ਸਰਬੱਤ ਦਾ ਭਲਾ” ਰੇਲਗੱਡੀਆਂ ਦਾ ਰੁਕਣਾ ਸਾਡੇ ਕਰਮਚਾਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਇੱਕ ਵੱਡੀ ਪ੍ਰਾਪਤੀ ਹੈ, ਇਹ ਸਾਡੇ ਸੰਘਰਸ਼ ਅਤੇ ਇਕਜੁੱਟਤਾ ਦਾ ਨਤੀਜਾ ਹੈ, ਇਸ ਲਈ ਅਸੀਂ ਪਿਛਲੇ 30 ਸਾਲਾਂ ਤੋਂ ਹਰ ਰੇਲਵੇ ਅਧਿਕਾਰੀ ਅਤੇ ਢੁਕਵੇਂ ਪਲੇਟਫਾਰਮ ‘ਤੇ ਦਿੱਲੀ ਅਤੇ ਜੰਮੂ ਲਈ ਸਿੱਧੀਆਂ ਰੇਲਗੱਡੀਆਂ ਦੀ ਮੰਗ ਕਰਦੇ ਆ ਰਹੇ ਹਾਂ, ਜਿਸ ਲਈ ਅਸੀਂ ਰੇਲਵੇ ਬੋਰਡ ਅਤੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਦਾ ਧੰਨਵਾਦ ਕਰਦੇ ਹਾਂ।  ਮੁਲਾਜ਼ਮਾਂ, ਉਨ੍ਹਾਂ ਦੇ ਪਰਿਵਾਰਾਂ ਅਤੇ ਇਲਾਕਾ ਨਿਵਾਸੀਆਂ ਲਈ ਇਹ ਵੱਡੀ ਰਾਹਤ ਹੈ, ਆਰ ਸੀ ਐਫ ਇਮਪਲਾਈਜ ਯੂਨੀਅਨ ਇਸ ਲਈ ਉਨ੍ਹਾਂ ਨੂੰ ਵਧਾਈ ਦਿੰਦੀ ਹੈ।

 ਆਰ ਸੀ ਐਫ ਇੰਪਲਾਈਜ਼ ਯੂਨੀਅਨ ਦੇ ਪ੍ਰਧਾਨ ਅਮਰੀਕ ਸਿੰਘ ਨੇ ਕਿਹਾ ਕਿ ਅੱਜ ਸਾਰੇ ਆਰਸੀਐਫ ਮੁਲਾਜ਼ਮ ਵਧਾਈ ਦੇ ਹੱਕਦਾਰ ਹਨ। ਇਹ ਸਾਡੀ ਮੁੱਖ ਮੰਗਾਂ ਵਿੱਚੋਂ ਇੱਕ ਸੀ। ਆਰਸੀਐਫ ਇਮਪਲਾਈਜ ਯੂਨੀਅਨ ਨੇ ਲਗਾਤਾਰ ਰੇਲਵੇ ਬੋਰਡ ਦੇ ਹਰੇਕ ਅਧਿਕਾਰੀ, ਜਨਰਲ ਮੈਨੇਜਰ, ਮੈਂਬਰ ਪਾਰਲੀਮੈਂਟ, ਵਿਧਾਇਕ, ਕੇਂਦਰੀ ਰੇਲ ਰਾਜ ਮੰਤਰੀ ਰਣਦੀਪ ਸਿੰਘ ਬਿੱਟੂ ਨੂੰ ਮਿਲ ਕੇ ਮੰਗ ਕੀਤੀ ਕਿ ਇਨ੍ਹਾਂ ਰੇਲ ਗੱਡੀਆਂ ਦਾ ਆਰਸੀਐਫ ਹਾਲਟ ਸਟੇਸ਼ਨ ‘ਤੇ ਰੁਕਣਾ ਯਕੀਨੀ ਬਣਾਇਆ ਜਾਵੇ। ਇਸ ਦੇ ਲਈ ਆਰ.ਸੀ.ਐਫ ਇਮਪਲਾਈਜ ਯੂਨੀਅਨ ਦੀ ਤਰਫੋਂ ਅਸੀਂ ਰੇਲਵੇ ਬੋਰਡ ਦੇ ਸਾਰੇ ਅਧਿਕਾਰੀਆਂ, ਸੰਸਦ ਮੈਂਬਰਾਂ, ਸਾਡੇ ਵਿਧਾਇਕਾਂ ਅਤੇ ਕੇਂਦਰੀ ਰੇਲ ਰਾਜ ਮੰਤਰੀ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਾਂ। ਸਾਡਾ ਸੰਘਰਸ਼ ਮੁਲਾਜ਼ਮਾਂ ਦੇ ਹਿੱਤਾਂ ਲਈ ਹੈ ਅਤੇ ਇਹਨਾਂ ਟਰੇਨਾਂ ਦਾ ਠਹਿਰਾਵ ਇਸ ਦਿਸ਼ਾ ਵਿੱਚ ਇੱਕ ਅਹਿਮ ਕਦਮ ਹੈ। ਅਸੀਂ ਭਵਿੱਖ ਵਿੱਚ ਵੀ ਅਜਿਹੇ ਯਤਨ ਜਾਰੀ ਰੱਖਾਂਗੇ ਤਾਂ ਜੋ ਆਰਸੀਐਫ ਦੇ ਕਰਮਚਾਰੀਆਂ, ਉਨ੍ਹਾਂ ਦੇ ਪਰਿਵਾਰਾਂ ਅਤੇ ਉਨ੍ਹਾਂ ਦੇ ਆਲੇ-ਦੁਆਲੇ ਦੇ ਲੋਕਾਂ ਨੂੰ ਬਿਹਤਰ ਸਹੂਲਤਾਂ ਮਿਲ ਸਕਣ।

 ਇਸ ਮੌਕੇ ਆਰ.ਸੀ.ਐਫ ਇੰਪਲਾਈਜ਼ ਯੂਨੀਅਨ ਦੀ ਤਰਫੋਂ ਮਨਜੀਤ ਸਿੰਘ ਬਾਜਵਾ ਕਾਰਜਕਾਰੀ ਪ੍ਰਧਾਨ, ਜਸਪਾਲ ਸਿੰਘ ਸ਼ੇਖੋਂ, ਭਰਤ ਰਾਜ, ਦਲਬਾਰਾ ਸਿੰਘ, ਸੰਦੀਪ ਸਿੰਘ, ਅਰਵਿੰਦ ਕੁਮਾਰ ਸਾਹ, ਸਾਕੇਤ ਯਾਦਵ, ਚੰਦਰਭਾਨ, ਸ਼ਿਵਰਾਜ ਮੀਨਾ, ਜਗਜੀਤ ਸਿੰਘ, ਗੁਰਨਾਮ ਸਿੰਘ, ਅਵਤਾਰ ਸਿੰਘ, ਹਰਪ੍ਰੀਤ ਸਿੰਘ, ਅਸ਼ਵਨੀ ਕੁਮਾਰ, ਨਿਰਮਲ ਸਿੰਘ, ਅਨਿਲ ਸਿੰਘ ਪ੍ਰੇਦ ਕੁਮਾਰ, ਐਸਸੀ ਐਸਟੀ ਐਸੋਸੀਏਸ਼ਨ ਤੋਂ ਆਰਸੀ ਮੀਨਾ, ਆਰ.ਸੀ.ਐਫ.ਐਸੋਸ਼ੀਏਸ਼ਨ ਤੋਂ ਸ਼੍ਰੀ ਪ੍ਰਦੀਪ ਕੁਮਾਰ, ਯੂਰੀਆ ਤੋਂ ਤਰਸੇਮ ਸਿੰਘ, ਕਰਨੈਲ ਸਿੰਘ, ਵੀ.ਪੀ ਸਿੰਘ, ਸ਼ਰਨਜੀਤ ਸਿੰਘ, ਕਰਨੈਲ ਸਿੰਘ, ਡਾ: ਲਖਵਿੰਦਰ ਸਿੰਘ, ਦਿਲਬਾਗ ਸਿੰਘ, ਜਗਦੇਵ ਸਿੰਘ ਆਦਿ ਵਿਸ਼ੇਸ਼ ਤੌਰ ‘ਤੇ ਹਾਜ਼ਰ ਸਨ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj