ਬੰਗਾ (ਸਮਾਜ ਵੀਕਲੀ) (ਚਰਨਜੀਤ ਸੱਲ੍ਹਾ ) ਤਰਕਸ਼ੀਲ ਸੁਸਾਇਟੀ ਪੰਜਾਬ ਰਜਿ ਇਕਾਈ ਬੰਗਾ ਦਾ ਸਰਬਸੰਮਤੀ ਨਾਲ ਗਠਨ “ਗੁਰਦੇਵ ਸਿੰਘ ਮਾਨ ਫਰੀ ਟਿਉਸ਼ਨ ਸੈਂਟਰ” ਵਿਖੇ ਕੀਤੀ ਗਈ ਮੀਟਿੰਗ ਵਿੱਚ ਹੋਇਆ l ਇਸ ਵਾਰ ਵੀ ਪਿਛਲੇ ਮੁਖੀ ਹਰਜਿੰਦਰ ਸੂੰਨੀ ਨੂੰ ਹੀ ਦੁਬਾਰਾ ਜੱਥੇਬੰਧਕ ਮੁਖੀ ਦੇ ਤੌਰ ਤੇ ਚੁਣਿਆ ਗਿਆ l ਵਿੱਤ ਵਿਭਾਗ ਮਾਸਟਰ ਜਗਦੀਸ਼ ਰਾਏ ਪੁਰ ਡੱਬਾ,ਮੀਡੀਆ ਵਿਭਾਗ ਮੋਹਣ ਬੀਕਾ, ਮਾਨਸਿਕ ਸਿਹਤ ਮਸ਼ਵਰਾ ਵਿਭਾਗ ਸੁਖਵਿੰਦਰ ਲੰਗੇਰੀ ਅਤੇ ਸਭਿਆਚਾਰਕ ਵਿਭਾਗ ਦੇ ਮੁੱਖੀ ਦੀ ਜਿੰਮੇਵਾਰੀ ਪਰਮਜੀਤ ਖਮਾਚੋਂ ਨੂੰ ਦਿੱਤੀ ਗਈ।ਨਵੀਂ ਟੀਮ ਚੁਣਨ ਤੋਂ ਪਹਿਲਾਂ ਇਕਾਈ ਦੇ ਪਹਿਲੇ ਅਹੁਦੇਦਾਰਾਂ ਵਲੋਂ ਲੰਘੇ ਦੋ ਸਾਲਾਂ ਦੀਆਂ ਕਾਰਗੁਜ਼ਾਰੀ ਰਿਪੋਰਟਾਂ ਪੇਸ਼ ਕੀਤੀਆਂ ਅਤੇ ਕਾਰਜਾਂ ਬਾਰੇ ਚਰਚਾ ਕੀਤੀ ਗਈ l ਚਰਚਾ ਚ ਬਲਜੀਤ ਖਟਕੜ, ਸੁਖਵਿੰਦਰ ਲੰਗੇਰੀ, ਸਤਨਾਮ ਸਿੰਘ ਖਟਕੜ, ਸੁਰੇਸ਼ ਕਰਨਾਣਾ,ਕੁਲਵਿੰਦਰ ਖਟਕੜ, ਰਮੇਸ਼ ਚੰਦਰ ਹਿਉਂ, ਸੰਤੋਸ਼ ਖਟਕੜ,ਰੂਬੀ ਬੰਗਾ, ਹਰਚਰਨ ਨੌਰਾ ਅਤੇ ਨਿਤਨ ਮੁਕੰਦਪੁਰ ਵਲੋਂ ਹਿੱਸਾ ਲਿਆ ਗਿਆ l ਪੇਸ਼ ਕੀਤੀਆਂ ਰਿਪੋਰਟਾਂ ਨੂੰ ਸਰਬਸੰਮਤੀ ਨਾਲ ਪ੍ਰਵਾਨ ਕੀਤਾ ਗਿਆ।ਇਕਾਈ ਦੇ ਅਹੁਦੇਦਾਰਾਂ ਦੀ ਚੋਣ ਵਿਸ਼ੇਸ਼ ਤੌਰ ਤੇ ਨਵਾਂਸ਼ਹਿਰ ਤੋਂ ਜੋਨ ਮੁੱਖੀ ਸਤਪਾਲ ਸਲੋਹ ਦੀ ਦੇਖ ਰੇਖ ਹੇਠ ਸਰਬਸੰਮਤੀ ਨਾਲ ਹੋਈ l ਇਸ ਮੌਕੇ ਤਰਕਸ਼ੀਲ ਮੈਗਜ਼ੀਨ ਦੀ ਵੰਡ ਵੀ ਕੀਤੀ ਗਈ l ਸਤਪਾਲ ਸਲੋਹ ਵਲੋਂ ਨਵੀਂ ਚੁਣੀ ਗਈ ਟੀਮ ਨੂੰ ਆਉਣ ਵਾਲੇ ਦੋ ਵਰ੍ਹੇ ਵਿਗਿਆਨ ਦੇ ਪ੍ਰਚਾਰ ਤੇ ਪ੍ਰਸਾਰ ਵਾਸਤੇ ਪਹਿਲਾਂ ਨਾਲੋਂ ਵੀ ਜਿਆਦਾ ਡਟ ਕੇ ਕੰਮ ਕਰਨ ਲਈ ਪ੍ਰੇਰਿਤ ਕੀਤਾ l ਸੁਸਾਇਟੀ ਵਿੱਚ ਜਿਹਨਾਂ ਦੇ ਪਰਿਵਾਰਾਂ ਚ ਜਨਮਦਿਨ ਜਾਂ ਕੋਈ ਹੋਰ ਖੁਸ਼ੀ ਗਮੀ ਦਾ ਮੌਕਾ ਆਵੇ ਤਾਂ ਸੁਸਾਇਟੀ ਨੂੰ ਆਰਥਿਕ ਮੱਦਦ ਕਰਨ ਬਾਰੇ ਵੀ ਸ਼ੁਰੂਆਤ ਕੀਤੀ ਗਈ ਅਤੇ ਅਗਲੇ ਸਾਲਾਂ ਚ ਕਰਨ ਵਾਲੇ ਕਾਰਜਾਂ ਵਾਰੇ ਵੀ ਰੂਪਰੇਖਾ ਤਿਆਰ ਕੀਤੀ ਗਈ lਚੁਣੀ ਗਈ ਟੀਮ ਵੱਲੋਂ ਆਉਣ ਵਾਲੇ ਸਮੇਂ ਵਿੱਚ ਹੋਰ ਸ਼ਿੱਦਤ ਨਾਲ ਕੰਮ ਕਰਨ ਦਾ ਵਿਸ਼ਵਾਸ ਦੁਆਇਆ ਗਿਆ।
ਮੋਹਨ ਬੀਕਾ
ਮੁਖੀ ਮੀਡੀਆ ਵਿਭਾਗ
ਇਕਾਈ ਬੰਗਾ
ਫੋਨ 9872039444
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj
