ਮਹਿਤਪੁਰ ( ਕੁਲਵਿੰਦਰ ਚੰਦੀ )-(ਸਮਾਜ ਵੀਕਲੀ)- ਅੱਜ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਸਰਦਾਰ ਰਤਨ ਸਿੰਘ ਕਾਕੜ ਕਲਾਂ ਪਿੰਡ ਰਾਈਵਾਲ ਵਿੱਚ ਪਹੁੰਚੇ ।ਉੱਥੇ ਉਹ ਲੋਕਾਂ ਨਾਲ ਮਿਲੇ ਤੇ ਲੋਕਾਂ ਦੀਆਂ ਸਮੱਸਿਆਵਾਂ ਦਾ ਜਾਇਜ਼ਾ ਲਿਆ । ਲੋਕਾਂ ਦਾ ਕਹਿਣਾ ਹੈ ਕਿ ਮੌਜੂਦਾ ਸਰਕਾਰ ਨੇ ਕੋਈ ਵੀ ਵਾਅਦਾ ਪੂਰਾ ਨਹੀਂ ਕੀਤਾ । ਲੜਕੀਆਂ ਲਈ ਕੋਈ ਕਾਲਜ ਦੀ ਵਿਵਸਥਾ ਨਹੀ ਕੀਤੀ ਗਈ , ਜਿਸ ਕਾਰਨ ਲੜਕੀਆਂ ਨੂੰ ਪੜ੍ਹਨ ਲਈ ਦੂਰ ਜਾਣਾ ਪੈਂਦਾ ਹੈ ।ਸਿਹਤ ਵਿਭਾਗ ਨੂੰ ਲੈ ਕੇ ਵੀ ਕੋਈ ਵਾਅਦਾ ਪੂਰਾ ਨਹੀਂ ਹੋਇਆ ।
ਲੋਕਾਂ ਦਾ ਪੰਜਾਬ ਉੱਪਰ ਕਰਜ਼ੇ ਅਤੇ ਨਸ਼ਿਆਂ ਨੂੰ ਲੈ ਕੇ ਵੀ ਮੌਜੂਦਾ ਸਰਕਾਰ ਪ੍ਰਤੀ ਗੁੱਸਾ ਹੈ ,ਜਿਸ ਕਾਰਨ ਲੋਕ ਹੁਣ ਬਦਲਾਵ ਦੀ ਮੰਗ ਕਰ ਰਹੇ ਹਨ ।ਸਰਕਾਰ ਰਤਨ ਸਿੰਘ ਕਾਕੜ ਕਲਾਂ ਨੇ ਕਿਹਾ ਕਿ ਪੰਜਾਬ ਦੀ ਜਵਾਨੀ ਨਸ਼ੇ ਵਿੱਚ ਡੁੱਬੀ ਹੋਈ ਹੈ ਤੇ ਅਸੀਂ ਪੰਜਾਬ ਵਿੱਚ ਨਸ਼ੇ ਨੂੰ ਜੜ੍ਹ ਤੋਂ ਖਤਮ ਕਰਾਂਗੇ ਤੇ ਪੰਜਾਬ ਨੂੰ ਮੁੜ ਸੋਨੇ ਦੀ ਚਿੜੀ ਬਣਾਵਾਂਗੇ । ਸਿੱਖਿਆ ਖੇਤਰ ਵਿੱਚ ਸੁਧਾਰ ਲਿਆਂਦਾ ਜਾਵੇਗਾ ਤੇ ਨਵੇਂ ਕਾਲਜ ਵਿਚ ਨਵੇਂ ਕੋਰਸ ਮੁਹਇਆ ਕੀਤੇ ਜਾਣਗੇ । ਇਸ ਨਾਲ ਬੱਚੇ ਆਪਣਾ ਭਵਿੱਖ ਉਜਵਲ ਬਣਾ ਸਕਣਗੇ । ਇਸ ਦੌਰਾਨ ਉਹ ਦਿਲਬਾਗ ਸਿੰਘ ,ਬਲਬੀਰ ਸਿੰਘ ,ਸਾਭੀ ,ਪਿਆਰਾ ਸਿੰਘ ,ਜੋਗਾ ਸਿੰਘ , ਮਲਕੀਤ ਸਿੰਘ ਨਾਲ ਮਿਲੇ ।
‘ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
