ਰਾਮਲੀਲਾ ਕਮੇਟੀ (812), ਡੇਰਾਬੱਸੀ ਦੀ ਦੂਜੀ ਐਂਬੂਲੈਂਸ ਜੋ ਜਨਤਕ ਸੇਵਾ ਨੂੰ ਸਮਰਪਿਤ ਹੈ

ਡੇਰਾਬੱਸੀ ,ਮੋਹਾਲੀ    (ਸਮਾਜ ਵੀਕਲੀ)   ਸੰਜੀਵ ਸਿੰਘ ਸੈਣੀ :- ਸਾਢੇ ਚਾਰ ਦਹਾਕੇ ਪੁਰਾਣੀ ਸ਼੍ਰੀ ਰਾਮਲੀਲਾ ਕਮੇਟੀ (812), ਡੇਰਾਬੱਸੀ ਦੁਆਰਾ ਖਰੀਦੀ ਗਈ ਦੂਜੀ ਨਵੀਂ ਐਂਬੂਲੈਂਸ ਵੀ ਸੋਮਵਾਰ ਨੂੰ ਜਨਤਕ ਸੇਵਾ ਲਈ ਸਮਰਪਿਤ ਕੀਤੀ ਗਈ। ਡੇਰਾਬੱਸੀ ਦੇ ਐਸਡੀਐਮ ਅਮਿਤ ਗੁਪਤਾ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਦਿਆਂ ਗੱਡੀ ਨੂੰ ਹਰੀ ਝੰਡੀ ਦਿਖਾ ਕੇ ਇਸਦਾ ਰਸਮੀ ਉਦਘਾਟਨ ਕੀਤਾ। ਇਸ ਤੋਂ ਪਹਿਲਾਂ ਪ੍ਰਧਾਨ ਰਵਿੰਦਰ ਵੈਸ਼ਨਵ ਦੀ ਅਗਵਾਈ ਹੇਠ ਕਰਵਾਏ ਗਏ ਸਮਾਗਮ ਵਿੱਚ ਐਸਡੀਐਮ ਤੋਂ ਇਲਾਵਾ ਮਨਪ੍ਰੀਤ ਬਣੀ ਸੰਧੂ, ਕ੍ਰਿਸ਼ਨਪਾਲ ਸ਼ਰਮਾ ਅਤੇ ਗੁਰਦੀਪ ਚਾਹਲ ਨੂੰ ਵਿਸ਼ੇਸ਼ ਮਹਿਮਾਨ ਵਜੋਂ ਸਨਮਾਨਿਤ ਕੀਤਾ ਗਿਆ।  ਐਸਡੀਐਮ ਅਮਿਤ ਗੁਪਤਾ ਨੇ ਧਰਮ ਦੇ ਨਾਲ-ਨਾਲ ਸਮਾਜ ਸੇਵਾ ਦੇ ਕੰਮਾਂ ਵਿੱਚ ਮੋਹਰੀ ਭੂਮਿਕਾ ਨਿਭਾਉਣ ਲਈ ਸਭ ਤੋਂ ਪੁਰਾਣੀ ਕਮੇਟੀ ਦੀ ਸ਼ਲਾਘਾ ਕੀਤੀ। ਮਨਪ੍ਰੀਤ ਬਾਣੀ ਸੰਧੂ ਨੇ ਕਿਹਾ ਕਿ ਧਾਰਮਿਕ ਸਮਾਗਮਾਂ ਵਿੱਚ ਰਾਜਨੀਤੀ ਕਾਰਨ ਸਭ ਤੋਂ ਪੁਰਾਣੀ ਕਮੇਟੀ ਰਾਮਲੀਲਾ ਸਟੇਜ ਅਤੇ ਬੱਸ ਸਟੈਂਡ ਤੋਂ ਵਾਂਝੀ ਰਹਿ ਗਈ। ਜੇਕਰ ਭਾਜਪਾ ਸਰਕਾਰ ਆਉਂਦੀ ਹੈ, ਤਾਂ ਅਸੀਂ ਪੂਰੇ ਸਤਿਕਾਰ ਨਾਲ ਕਮੇਟੀ ਨੰਬਰ 812 ਦੁਆਰਾ ਤਿਆਰ ਕੀਤਾ ਗਿਆ ਸਟੇਜ ਇਸ ਕਮੇਟੀ ਨੂੰ ਸੌਂਪ ਦੇਵਾਂਗੇ। ਕ੍ਰਿਸ਼ਨਪਾਲ ਸ਼ਰਮਾ ਨੇ ਕਿਹਾ ਕਿ ਇਹ ਪਹਿਲੀ ਸਭ ਤੋਂ ਪੁਰਾਣੀ ਕਮੇਟੀ ਹੈ ਜਿਸ ਵਿੱਚ ਚੋਣਾਂ ਦੌਰਾਨ ਕਦੇ ਵੀ ਵੋਟ ਪਾਉਣ ਦੀ ਲੋੜ ਨਹੀਂ ਪਈ। ਹਰ ਚੋਣ ਸਰਬਸੰਮਤੀ ਨਾਲ ਸਮਾਪਤ ਹੋਈ, ਉਥੇ ਪ੍ਰਧਾਨ ਰਵਿੰਦਰ ਵੈਸ਼ਨਵ ਦੀ ਸੇਵਾਵਾਂ ਨੂੰ ਮੁੱਖ ਰੱਖ ਕੇ ਉਹਨਾਂ ਨੂੰ ਇਹ ਜਿੰਮੇਵਾਰੀ ਸੌਂਪੀ ਜਾਂਦੀ ਹੈ। ਜਿਲਾ ਜਨਰਲ ਸਕੱਤਰ ਰਵਿੰਦਰ ਰਾਣਾ ਅਤੇ ਭਾਜਪਾ ਮੰਡਲ ਪ੍ਰਧਾਨ ਅਮਨ ਰਾਣਾ ਨੇ ਇੱਕ ਹੋਰ ਐਂਬੂਲੈਂਸ ਸੇਵਾ ਲਈ ਹਰ ਸੰਭਵ ਸਹਾਇਤਾ ਦਾ ਭਰੋਸਾ ਦਿੱਤਾ। ਭਾਵੀਪ ਦੇ ਪ੍ਰਧਾਨ ਬਰਖਾਰਾਮ, ਲਾਇਨਜ਼ ਕਲੱਬ ਦੇ ਪ੍ਰਧਾਨ ਬਲਕਾਰ ਸਿੰਘ, ਸਰਵਹਿਤਕਾਰੀ ਸਕੂਲ ਦੇ ਪ੍ਰਿੰਸੀਪਲ ਪਵਨ ਰਾਣਾ ਅਤੇ ਡੀਏਵੀ ਸਕੂਲ ਦੇ ਪ੍ਰਿੰਸੀਪਲ ਪ੍ਰੀਤਮ ਦਾਸ ਨੇ ਵੀ ਐਂਬੂਲੈਂਸ ਸੇਵਾ ਸ਼ੁਰੂ ਕਰਨ ਲਈ ਕਮੇਟੀ ਦੀ ਪ੍ਰਸ਼ੰਸਾ ਕੀਤੀ। ਕੈਸ਼ੀਅਰ ਉਪੇਸ਼ ਬਾਂਸਲ ਨੇ ਕਿਹਾ ਕਿ ਰਾਮਲੀਲਾ ਕਮੇਟੀ ਪਿਛਲੇ 15 ਸਾਲਾਂ ਤੋਂ ਆਪਣੇ ਖਰਚੇ ‘ਤੇ ਮਰੀਜ਼ਾਂ ਦੀ ਸਹੂਲਤ ਲਈ ਐਂਬੂਲੈਂਸ ਚਲਾ ਰਹੀ ਹੈ। ਇਲਾਕੇ ਦੇ ਸਮਾਜ ਸੇਵਕਾਂ ਦੀ ਮਦਦ ਨਾਲ, ਲਗਭਗ 10 ਲੱਖ ਰੁਪਏ ਦੀ ਲਾਗਤ ਨਾਲ ਇੱਕ ਐਂਬੂਲੈਂਸ ਖਰੀਦੀ ਗਈ ਹੈ। ਇਹ ਆਧੁਨਿਕ ਡਾਕਟਰੀ ਉਪਕਰਣਾਂ ਅਤੇ ਫੋਲਡਿੰਗ ਸਟਰੈਚਰ ਨਾਲ ਲੈਸ ਹੈ। ਇਸ ਮੌਕੇ ਸੀਨੀਅਰ ਮੀਤ ਪ੍ਰਧਾਨ ਬਲਬੀਰ ਮੱਗੋ, ਚੇਅਰਮੈਨ ਮਨੋਜ ਰਾਜਪੂਤ, ਜਨਰਲ ਸਕੱਤਰ ਦਿਨੇਸ਼ ਵੈਸ਼ਨਵ, ਡਾਇਰੈਕਟਰ ਸੰਜੀਵ ਥੰਮਣ, ਸਰਪ੍ਰਸਤ ਪਵਨ ਧੀਮਾਨ, ਮੀਤ ਪ੍ਰਧਾਨ ਸੁਸ਼ੀਲ ਧੀਮਾਨ, ਸੰਯੁਕਤ ਸਕੱਤਰ ਸਤਪਾਲ ਅੱਤਰੀ, ਮੁਕੇਸ਼ ਮੈਗੋ, ਯੋਗੇਸ਼ ਅਤੇ ਸਤਪਾਲ ਅੱਤਰੀ ਆਦਿ ਹਾਜ਼ਰ ਸਨ।