ਆਰ ਸੀ ਐੱਫ ਵਿਖੇ ਯੂ.ਪੀ.ਐਸ ਦੇ ਵਿਰੋਧ ਵਿੱਚ ਅਤੇ ਪੁਰਾਣੀ ਪੈਨਸ਼ਨ ਬਹਾਲੀ ਲਈ ਹੋਈ ਇਤਿਹਾਸਿਕ ਗੇਟ ਮੀਟਿੰਗ

ਕਪੂਰਥਲਾ , (ਸਮਾਜ ਵੀਕਲੀ)  ( ਕੌੜਾ )– ਪੁਰਾਣੀ ਪੈਨਸ਼ਨ ਸਕੀਮ ਬਹਾਲ ਕਰਨ ਅਤੇ ਯੂਨੀਫਾਈਡ ਪੈਨਸ਼ਨ ਸਕੀਮ ਦੇ ਵਿਰੋਧ ਵਿੱਚ ਆਰਸੀਐਫ ਇਮਪਲਾਈਜ ਯੂਨੀਅਨ ਵੱਲੋਂ ਸਵੇਰੇ 7:15 ਵਜੇ ਇੱਕ ਇਤਿਹਾਸਕ ਗੇਟ ਮੀਟਿੰਗ ਕੀਤੀ ਗਈ ਅਤੇ ਗੇਟ ਮੀਟਿੰਗ ਵਿੱਚ ਹਜ਼ਾਰਾਂ ਆਰਸੀਐਫ ਮੁਲਾਜ਼ਮਾਂ ਨੇ ਸ਼ਮੂਲੀਅਤ ਕੀਤੀ। ਜੇਸੀਐਮ ਦੇ ਵੱਡੇ ਨੇਤਾ ਸ਼ਿਵ ਗੋਪਾਲ ਮਿਸ਼ਰਾ ਕੇਂਦਰ ਸਰਕਾਰ ਦੇ ਨਿਰਦੇਸ਼ਾਂ ‘ਤੇ ਯੂਨੀਫਾਈਡ ਪੈਨਸ਼ਨ ਸਕੀਮ ਦੇ ਸਮਰਥਨ ਵਿੱਚ ਪ੍ਰਚਾਰ ਕਰਨ ਅਤੇ ਇਸਦੇ ਫਾਇਦੇ ਸਮਝਾਉਣ ਲਈ ਅੱਜ ਆਰਸੀਐਫ ਵਿੱਚ ਆ ਰਹੇ ਹਨ, ਪ੍ਰੰਤੂ ਉਹ ਇਹ ਨਹੀਂ ਕਹਿ ਰਹੇ ਕਿ ਅਸਲ ਵਿੱਚ ਯੂਪੀਐਸ, ਐਨਪੀਐਸ ਨਾਲੋਂ ਵੀ ਬਹੁਤ ਘਟੀਆ ਸਕੀਮ ਹੈ, ਜਿਸਦਾ ਅਸੀਂ ਵਿਰੋਧ ਕਰਾਂਗੇ! ਵਰਣਨਯੋਗ ਹੈ ਕਿ ਰੇਲਵੇ ਦੀਆਂ ਦੋ ਮਾਨਤਾ ਪ੍ਰਾਪਤ ਫੈਡਰੇਸ਼ਨਾਂ (ਏ.ਆਈ.ਆਰ.ਐਫ. ਅਤੇ ਐਨ.ਐਫ.ਆਈ.ਆਰ.) ਦੀ ਮਿਲੀਭੁਗਤ ਨਾਲ ਭਾਰਤ ਸਰਕਾਰ ਦੀ ਕੈਬਨਿਟ ਨੇ 24 ਅਗਸਤ ਨੂੰ ਕਰਮਚਾਰੀਆਂ ‘ਤੇ ਯੂਨੀਫਾਈਡ ਪੈਨਸ਼ਨ ਸਕੀਮ ਲਾਗੂ ਕਰਨ ਦਾ ਕੰਮ ਕੀਤਾ ਸੀ, ਜਿਸ ਨੂੰ ਦੋਵਾਂ ਫੈਡਰੇਸ਼ਨਾ ਨੇ ਬੇਸ਼ਰਮੀ ਨਾਲ ਸਵੀਕਾਰ ਕਰ ਲਿਆ ਸੀ। ਰੇਲਵੇ ਦੇ ਫੈਡਰੇਸ਼ਨਾਂ ਨੇ ਯੂਪੀਐਸ ਨੂੰ ਰੇਲਵੇ ਵਿੱਚ ਬਹੁਤ ਹੀ ਇਤਿਹਾਸਕ ਢੰਗ ਨਾਲ ਮਾਨਤਾ ਹੀ ਨਹੀਂ ਦਿੱਤੀ ਸਗੋਂ ਇਹ ਵੀ ਕਿਹਾ ਗਿਆ ਕਿ ਪੂਰੇ ਦੇਸ਼ ਦੇ ਸਾਰੇ ਰਾਜਾਂ ਨੂੰ ਇਹ ਸਕੀਮ ਅਪਣਾਉਣੀ ਪਏਗੀ। ਆਰਸੀਐਫ ਇਮਪਲਾਈਜ਼ ਯੂਨੀਅਨ ਨੇ ਇਸ ਨੂੰ ਮੁਲਾਜ਼ਮਾਂ ਨਾਲ ਵੱਡਾ ਧੋਖਾ ਕਰਾਰ ਦਿੱਤਾ ਹੈ।

 ਗੇਟ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਇੰਡੀਅਨ ਰੇਲਵੇ ਇੰਪਲਾਈਜ਼ ਫੈਡਰੇਸ਼ਨ ਦੇ ਜਨਰਲ ਸਕੱਤਰ ਸਰਵਜੀਤ ਸਿੰਘ ਨੇ ਦੋਵੇਂ ਮਾਨਤਾ ਪ੍ਰਾਪਤ ਫੈਡਰੇਸ਼ਨਾਂ ਦੀ ਸਮਝੌਤਾ ਨੀਤੀ ’ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਦੋਵਾਂ ਫੈਡਰੇਸ਼ਨਾਂ ਨੇ ਮੁਲਾਜ਼ਮਾਂ ਦਾ ਭਵਿੱਖ ਬਰਬਾਦ ਕਰ ਦਿੱਤਾ ਹੈ, ਜਿਸ ਕਾਰਨ ਰੇਲਵੇ ਮੁਲਾਜ਼ਮਾਂ ਨੇ ਏ.ਆਈ.ਆਰ.ਐਫ. ਅਤੇ ਐਨ.ਐਫ.ਆਈ.ਆਰ. ਦੀ ਨੀਤੀ ਉੱਪਰ ਬਹੁਤ ਗੁੱਸੇ ਵਿਚ ਹਨ ਅਤੇ ਪੂਰੀ ਭਾਰਤੀ ਰੇਲਵੇ ਵਿੱਚ ਕਹਿ ਰਹੇ ਨੇ ਕਿ ਅਸੀਂ ਆਉਣ ਵਾਲੀਆਂ ਯੂਨੀਅਨ ਦੀਆਂ ਮਾਨਤਾ ਚੋਣਾਂ ਵਿਚ ਉਨ੍ਹਾਂ ਨੂੰ ਸਬਕ ਸਿਖਾਵਾਂਗੇ, ਇਹ ਦੋਵੇਂ ਸਮਝੌਤਾ ਕਰਨ ਵਾਲੀਆਂ ਸੰਸਥਾਵਾਂ ਰੇਲਵੇ ਦੀਆਂ ਮਾਨਤਾ ਪ੍ਰਾਪਤ ਫੈਡਰੇਸ਼ਨਾ ਨੂੰ ਨਤੀਜੇ ਭੁਗਤਣ ਲਈ ਤਿਆਰ ਰਹਿਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਰੇਲਵੇ ਦੀਆਂ ਦੋਵੇਂ ਮਾਨਤਾ ਪ੍ਰਾਪਤ ਫੈਡਰੇਸ਼ਨਾਂ, ਜੋ ਆਪਣੇ ਆਪ ਨੂੰ ਮੁਲਾਜ਼ਮਾਂ ਦੀਆਂ ਸਭ ਤੋਂ ਵੱਡੀਆਂ ਆਗੂ ਦੱਸਦੀਆਂ ਹਨ, ਨੇ ਸਰਕਾਰ ਨਾਲ ਮਿਲੀਭੁਗਤ ਕਰਕੇ ਪੁਰਾਣੀ ਪੈਨਸ਼ਨ ਬਹਾਲ ਕਰਨ ਦੀ ਥਾਂ ਯੂਨੀਫਾਈਡ ਪੈਨਸ਼ਨ ਸਕੀਮ ਲਿਆਂਦੀ ਹੈ, ਜੋ ਦੇਸ਼ ਭਰ ਵਿੱਚ ਕਰੀਬ ਇੱਕ ਕਰੋੜ ਮੁਲਾਜ਼ਮਾਂ ਨੂੰ ਬਿਲਕੁਲ ਵੀ ਮਨਜ਼ੂਰ ਨਹੀਂ ਹੈ।

ਏਆਈਆਰਐਫ ਦੇ ਜਨਰਲ ਸਕੱਤਰ ਸ਼ਿਵ ਗੋਪਾਲ ਮਿਸ਼ਰਾ ਯੂਨੀਫਾਈਡ ਪੈਨਸ਼ਨ ਸਕੀਮ ਦੇ ਸਮਰਥਨ ਵਿੱਚ ਪ੍ਰਚਾਰ ਕਰਨ ਲਈ ਆਰਸੀਐਫ ਵਿੱਚ ਆ ਰਹੇ ਹਨ, ਜਿਸਦਾ ਸਵਾਗਤ ਕਰਨ ਲਈ ਆਰਸੀਐਫ ਦੇ ਸਾਰੇ ਕਰਮਚਾਰੀ ਐਨਪੀਐਸ ਅਤੇ ਓਪੀਐਸ ਵਿਚਕਾਰ ਯੂਪੀਐਸ ਨਾਲ ਸਮਝੌਤਾ ਕਰਨ ਵਾਲੇ ਨੇਤਾਵਾਂ ਨੂੰ ਤਿੱਖੇ ਸਵਾਲ ਕਰਨਗੇ। ਸਰਵਜੀਤ ਸਿੰਘ ਨੇ ਕਿਹਾ ਕਿ ਪੁਰਾਣੀ ਪੈਨਸ਼ਨ ਸਕੀਮ ਬਹਾਲ ਕਰਨ ਦੀ ਜ਼ੋਰਦਾਰ ਮੰਗ ਦਰਮਿਆਨ ਜੇ.ਸੀ.ਐਮ ਆਗੂਆਂ ਵੱਲੋਂ ਯੂ.ਪੀ.ਐਸ ਸਕੀਮ ਮੁਲਾਜ਼ਮਾਂ ‘ਤੇ ਥੋਪ ਦਿੱਤੀ ਗਈ ਕਿਉਂਕਿ ਉਨ੍ਹਾਂ ਨੂੰ ਲੱਗਦਾ ਸੀ ਕਿ ਸਾਲ 2004 ਦੀ ਤਰ੍ਹਾਂ 2024 ਵਿਚ ਵੀ ਉਹ ਮੁਲਾਜ਼ਮਾਂ ਨੂੰ ਮੂਰਖ ਬਣਾ ਸਕਦੇ ਹਨ ਅਤੇ ਆਪਣੇ ਵੋਟ ਬੈਂਕ ਦੀ ਰਾਜਨੀਤੀ ਕਰਦੇ ਰਹਿਣਗੇ, ਪਰ ਕਰਮਚਾਰੀ ਹੁਣ ਜਾਗਰੂਕ ਹੋ ਗਏ ਹਨ, ਉਹ ਇਨ੍ਹਾਂ ਦੇ ਜਾਲ ਵਿੱਚ ਨਹੀਂ ਫਸਣਗੇ, ਸਗੋਂ ਉਹ ਯੂ.ਪੀ.ਐਸ. ਨਾਲ ਸਮਝੌਤਾ ਕਰਨ ਵਾਲੇ ਨੇਤਾਵਾਂ ਨੂੰ ਸ਼ੀਸ਼ਾ ਦਿਖਾਉਣ ਦਾ ਕੰਮ ਕਰਨਗੇ।

ਗੇਟ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਫਰੰਟ ਅਗੇਂਸਟ ਐਨਪੀਐਸ ਇਨ ਰੇਲਵੇ ਦੇ ਕੌਮੀ ਪ੍ਰਧਾਨ ਅਤੇ ਐਨਐਮਓਪੀਐਸ ਦੇ ਕੌਮੀ ਜੁਆਇੰਟ ਸਕੱਤਰ ਕਾਮਰੇਡ ਅਮਰੀਕ ਸਿੰਘ ਨੇ ਰੇਲਵੇ ਦੀਆਂ ਦੋ ਮਾਨਤਾ ਪ੍ਰਾਪਤ ਫੈਡਰੇਸ਼ਨਾਂ ਏ.ਆਈ.ਆਰ.ਐਫ ਅਤੇ ਐਨ.ਐਫ.ਆਈ.ਆਰ ਨੂੰ ਨਿਸ਼ਾਨੇ ’ਤੇ ਲੈਂਦਿਆਂ ਕਿਹਾ ਕਿ ਇਹ ਦੋਵੇਂ ਫੈਡਰੇਸ਼ਨਾਂ ਮਜ਼ਦੂਰਾਂ, ਮੁਲਾਜ਼ਮਾਂ ਅਤੇ ਦੇਸ਼ ਦੇ ਆਮ ਜਨ ਵਿਰੁੱਧ ਹਨ ਜੌ ਸ਼ਰੇਆਮ ਭਾਰਤ ਸਰਕਾਰ ਦੀਆਂ ਦੇਸ਼ ਦੇ ਕਰਮਚਾਰੀਆਂ ਵਿਰੋਧੀ ਨੀਤੀਆਂ ਨੂੰ ਲਾਗੂ ਕਰਨ ਲਈ ਕੰਮ ਕਰ ਰਹੇ ਹਨ। ਰੇਲਵੇ ਸਟੇਸ਼ਨਾਂ ਦਾ ਨਿੱਜੀਕਰਨ, ਰੇਲਗੱਡੀਆਂ ਦਾ ਸੰਚਾਲਨ ਨਿੱਜੀ ਹੱਥਾਂ ਵਿੱਚ ਦੇਣਾ, ਖਾਣ-ਪੀਣ ਦੀਆਂ ਸੇਵਾਵਾਂ ਨਿੱਜੀ ਹੱਥਾਂ ਵਿੱਚ ਦੇਣਾ, ਨਵੀਂ ਭਰਤੀ ‘ਤੇ ਜ਼ੋਰ ਦੇਣ ਦੀ ਬਜਾਏ ਆਊਟਸੋਰਸਿੰਗ ਰਾਹੀਂ ਠੇਕੇਦਾਰੀ ਰਾਹੀਂ ਕੰਮ ਕਰਵਾਉਣਾ, ਰੇਲਵੇ ਦੇ ਬਹੁਤ ਸਾਰੇ ਕੰਮਾਂ ਨੂੰ ਆਫਲੋਡਿੰਗ ਕਰਨਾ, ਦੋਵੇਂ ਫੈਡਰੇਸ਼ਨਾਂ ਵਲੋਂ ਹੜਤਾਲ ਦੇ ਨਾਂ ‘ਤੇ ਉੱਠ ਰਹੇ ਵਿਰੋਧ ਨੂੰ ਦਬਾਉਣ ਅਤੇ ਭਾਰਤ ਸਰਕਾਰ ਦੀਆਂ ਸਮਝੌਤਾਵਾਦੀ ਨੀਤੀਆਂ ਨੂੰ ਲਾਗੂ ਕਰਨ ਲਈ ਹਰ ਸੰਭਵ ਯਤਨ ਕਰਨ ਦਾ ਕੰਮ ਕੀਤਾ ਹੈ, ਜਿਸ ਦਾ ਰੇਲਵੇ ਕਰਮਚਾਰੀ, ਯੂਨੀਅਨ ਮਾਨਤਾ ਦੀਆਂ ਹੋਣ ਵਾਲੀਆਂ ਚੋਣਾਂ ‘ਚ ਮੂੰਹ ਤੋੜਵਾਂ ਜਵਾਬ ਦੇਣਗੇ। ਅਮਰੀਕ ਸਿੰਘ ਨੇ ਕਿਹਾ ਕਿ ਅਸੀਂ ਪੂਰੀ ਜ਼ਿੰਮੇਵਾਰੀ ਨਾਲ ਕਹਿ ਰਹੇ ਹਾਂ ਫਰੰਟ ਅਗੇਂਸਟ ਐਨਪੀਐਸ ਇਨ ਰੇਲਵੇ, ਇੰਡੀਅਨ ਰੇਲਵੇ ਇੰਪਲਾਈਜ਼ ਫੈਡਰੇਸ਼ਨ ਤੇ ਨੈਸ਼ਨਲ ਮੂਵਮੈਂਟ ਫਾਰ ਓਲਡ ਪੈਨਸ਼ਨ ਸਕੀਮ ਵੱਲੋਂ ਚਲਾਏ ਜਾ ਰਹੇ ਪੁਰਾਣੀ ਪੈਨਸ਼ਨ ਸਕੀਮ ਬਹਾਲੀ ਅੰਦੋਲਨ ਵਿੱਚ ਆਪਣੇ ਸਾਰੇ ਘੇਰੇ ਤੋੜਦੇ ਹੋਏ ਕਰਮਚਾਰੀ ਅੱਗੇ ਆਉਣ ਤਾਂ ਹਰ ਹਾਲਤ ਵਿੱਚ ਪੁਰਾਣੀ ਪੈਨਸ਼ਨ ਸਕੀਮ ਬਹਾਲ ਹੋ ਕੇ ਰਹੇਗੀ, ਇਸ ਨੂੰ ਕੋਈ ਨਹੀਂ ਰੋਕ ਸਕਦਾ।

ਆਰ ਸੀ ਐਫ ਇੰਪਲਾਈਜ਼ ਯੂਨੀਅਨ ਦੇ ਜਥੇਬੰਦਕ ਸਕੱਤਰ ਅਤੇ ਰੇਲਵੇ ਵਿੱਚ ਫਰੰਟ ਅਗੇਂਸਟ ਐਨਪੀਐਸ ਦੇ ਕੌਮੀ ਵਧੀਕ ਸਕੱਤਰ ਭਰਤ ਰਾਜ ਨੇ ਕਿਹਾ ਕਿ ਪੁਰਾਣੀ ਪੈਨਸ਼ਨ ਬਹਾਲ ਕਰਵਾਉਣ ਲਈ ਮੁਲਾਜ਼ਮ ਨੈਸ਼ਨਲ ਮੂਵਮੈਂਟ ਫਾਰ ਓਲਡ ਪੈਨਸ਼ਨ ਸਕੀਮ, ਫਰੰਟ ਅਗੇਸਟ ਐਨਪੀਐਸ ਇਨ ਰੇਲਵੇ ਅਤੇ ਇੰਡੀਅਨ ਰੇਲਵੇ ਇਮਪਲਾਈਜ਼ ਫੈਡਰੇਸ਼ਨ ਦੇ ਬਿਨ ਹੇਠ ਇਕੱਠੇ ਹੋ ਕੇ ਜਦੋਂ ਵੱਡੇ ਸੰਘਰਸ਼ ਸ਼ੁਰੂ ਕੀਤੇ ਤਾਂ ਉਨ੍ਹਾਂ ਸੰਘਰਸ਼ਾਂ ਨੂੰ ਤੋੜਨ ਲਈ ਸਾਂਝਾ ਰੇਲਵੇ ਦੀਆਂ ਦੋਨੇ ਸਮਝੌਤਾਵਾਦੀ ਫੈਡਰੇਸ਼ਨ ਨੇ ਮਿਲ ਕੇ ਤੀਸਰੇ ਫਰੰਟ ਦਾ ਗਠਨ ਕੀਤਾ ਅਤੇ ਮੁੜ ਸੰਘਰਸ਼ ਦੇ ਨਾਂ ‘ਤੇ ਡਰਾਮੇਬਾਜ਼ੀ ਸ਼ੁਰੂ ਕਰ ਦਿੱਤੀ, ਜਿਸ ਦਾ ਨਤੀਜਾ ਇਹ ਹੋਇਆ ਕਿ ਸਰਕਾਰ ਨੇ ਉਨ੍ਹਾਂ ਨਾਲ ਮਿਲੀਭੁਗਤ ਕਰਕੇ ਯੂਨੀਫਾਈਡ ਪੈਨਸ਼ਨ ਸਕੀਮ ਲਾਗੂ ਕੀਤੀ। ਜਦੋਂ ਮੁਲਾਜ਼ਮ ਆਪਣੇ ਆਗੂਆਂ ਨੂੰ ਯੂ.ਪੀ.ਐਸ ‘ਤੇ ਸਵਾਲ ਉਠਾ ਰਹੇ ਹਨ ਤਾਂ ਉਨ੍ਹਾਂ ਨੂੰ ਡੰਡਿਆਂ ਦੇ ਜ਼ੋਰ ਨਾਲ ਚੁੱਪ ਕਰਵਾਇਆ ਜਾ ਰਿਹਾ ਹੈ, ਜੋ ਕਿ ਸ਼ਰੇਆਮ ਗੁੰਡਾਗਰਦੀ ਹੈ, ਇਸ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਇਤਿਹਾਸ ਉਨ੍ਹਾਂ ਲੋਕਾਂ ਦਾ ਲਿਖਿਆ ਹੈ ਜੋ ਲੜਦੇ ਹਨ, ਐਨ.ਪੀ.ਐਸ., ਓ.ਪੀ.ਐਸ ਵਿੱਚ ਪੁਰਾਣੀ ਪੈਨਸ਼ਨ ਤੋਂ ਘੱਟ ਕਿਸੇ ਵੀ ਮਾਮਲੇ ਵਿੱਚ ਕੋਈ ਸਮਝੌਤਾ ਨਹੀਂ ਹੋ ਸਕਦਾ ਸੀ ਪਰ ਇਹਨਾਂ ਦੋਨਾਂ ਫੈਡਰੇਸ਼ਨਾਂ ਨੇ ਯੂ.ਪੀ.ਐਸ ਨਾਲ ਮੁਲਾਜ਼ਮਾਂ ਦੀ ਜ਼ਿੰਦਗੀ ਦਾ ਸੌਦਾ ਕੀਤਾ ਹੈ ਜੋ ਮੁਲਾਜ਼ਮ ਕਦੇ ਵੀ ਨਹੀਂ ਭੁੱਲਣਗੇ।

ਉਨ੍ਹਾਂ ਕਿਹਾ ਕਿ ਸ਼ਿਵ ਗੋਪਾਲ ਮਿਸ਼ਰਾ ਯੂਪੀਐਸ ਨੂੰ ਮੁਲਾਜ਼ਮਾਂ ਲਈ ਸਭ ਤੋਂ ਵੱਡਾ ਤੋਹਫ਼ਾ ਕਹਿ ਰਹੇ ਹਨ ਜਦਕਿ ਯੂਪੀਐਸ ਅਸਲ ਵਿੱਚ ਐਨਪੀਐਸ ਨਾਲੋਂ ਵੀ ਵੱਡਾ ਧੋਖਾ ਹੈ। ਜੇਕਰ ਮੁਲਾਜ਼ਮ ਨੇਤਾ, ਕਰਮਚਾਰੀਆਂ ਦੇ ਹਿੱਤਾਂ ਦੀ ਗੱਲ ਕਰਦੇ ਹਨ ਤਾਂ ਉਨ੍ਹਾਂ ਨੂੰ ਸੁਣਿਆ ਜਾ ਸਕਦਾ ਹੈ ਪਰ ਜੇਕਰ ਉਹ ਮੁਲਾਜ਼ਮਾਂ ਦੀ ਸਰਕਾਰ ਨਾਲ ਕੋਈ ਸੌਦਾ ਕਰਦੇ ਹਨ ਤਾਂ ਉਨ੍ਹਾਂ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ, ਇਸ ਸਬੰਧੀ ਅੱਜ ਸ਼ਿਵ ਗੋਪਾਲ ਮਿਸ਼ਰਾ ਵੱਲੋਂ ਕੀਤੀ ਜਾ ਰਹੀ ਸ਼ਾਮ ਦੀ ਗੇਟ ਮੀਟਿੰਗ ਵਿੱਚ ਕਈ ਮੁਲਾਜ਼ਮ ਇਨ੍ਹਾਂ ਆਗੂਆਂ ਨੂੰ ਸਖ਼ਤ ਸਵਾਲ ਕਰਨਗੇ।

 ਇਸ ਇਤਿਹਾਸਕ ਗੇਟ ਮੀਟਿੰਗ ਆਰਸੀਐਫ ਵਿੱਚ ਇਤਿਹਾਸਿਕ ਹੋ ਨਿਬੜੀ ਜਿਸਨੂੰ ਸਫਲ ਬਣਾਉਣ ਲਈ ਆਰ.ਸੀ.ਐਫ ਦੇ ਹਜ਼ਾਰਾਂ ਮੁਲਾਜ਼ਮਾਂ ਦੇ ਨਾਲ-ਨਾਲ ਆਈ.ਆਰ.ਟੀ.ਐਸ.ਏ ਆਦਿ ਜਥੇਬੰਦੀਆਂ ਨੇ ਭਰਪੂਰ ਯੋਗਦਾਨ ਪਾਇਆ, ਸੰਸਥਾ ਦੇ ਅਧਿਕਾਰੀ ਦਰਸ਼ਨ ਲਾਲ, ਮਨਜੀਤ ਸਿੰਘ ਬਾਜਵਾ, ਬਚਿੱਤਰ ਸਿੰਘ, ਨਰਿੰਦਰ ਕੁਮਾਰ, ਸ਼ਰਨਜੀਤ ਸਿੰਘ, ਪ੍ਰਦੀਪ ਸਿੰਘ, ਤਰਲੋਚਨ ਸਿੰਘ, ਅਰਵਿੰਦ ਕੁਮਾਰ ਸ਼ਾਹ, ਸ. ਜਗਦੀਪ ਸਿੰਘ, ਅਨਿਲ ਕੁਮਾਰ, ਅਵਤਾਰ ਸਿੰਘ, ਹਰਪ੍ਰੀਤ ਸਿੰਘ, ਬਲਜਿੰਦਰ ਸਿੰਘ, ਚੰਦਰਭਾਨ, ਰਜਿੰਦਰ ਕੁਮਾਰ, ਸਾਕੇਤ ਕੁਮਾਰ ਯਾਦਵ, ਪ੍ਰਵੀਨ ਕੁਮਾਰ, ਰਾਮਦਾਸ, ਸੰਜੀਵ ਕੁਮਾਰ, ਹਰਪਾਲ ਸਿੰਘ, ਨਿਰਮਲ ਸਿੰਘ, ਸੁਮਨ ਸੌਰਵ, ਸੰਦੀਪ ਕੁਮਾਰ, ਲਾਲ ਸਮੇਤ ਮਨੋਹਰ ਯੂਨੀਅਨ ਦੇ ਵਰਕਰਾਂ ਨੇ ਸ਼ਮੂਲੀਅਤ ਕੀਤੀ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly