ਪੰਜਾਬੀ ਕਲਚਰ ਐਸੋਸੀਏਸ਼ਨ ਆਫ ਮੋਂਟਰੀਅਲ ਕਨੇਡਾ ਦੇ ਚੇਅਰਮੈਨ ਗੁਰਪਿੰਦਰ ਪੰਮਾ ਵਲੋਂ ਐਂਕਰ ਬਲਦੇਵ ਰਾਹੀ ਦਾ ਸਨਮਾਨ

ਦੈਨਕੂਵਰ /ਮੌਂਟਰੀਅਲ (ਸਮਾਜ ਵੀਕਲੀ) (ਕੁਲਦੀਪ ਚੁੰਬਰ )– ਪੰਜਾਬ ਦੇ ਨਾਮਵਰ ਮੰਚ ਸੰਚਾਲਕ ਬਲਦੇਵ ਰਾਹੀ ਜੋ ਅੱਜਕੱਲ੍ਹ ਕਨੇਡਾ ਟੂਰ ਤੇ ਹਨ । ਇਸ ਦਰਮਿਆਨ ਉਸ ਦਾ ਵੱਖ ਵੱਖ ਸੰਸਥਾਵਾਂ ਤੇ ਪੰਜਾਬੀ ਸਾਹਿਤ ਅਤੇ ਸੱਭਿਆਚਾਰਕ ਨਾਲ ਮੋਹ ਕਰਨ ਵਾਲੇ ਵਿਸ਼ੇਸ਼ ਵਿਅਕਤੀਆਂ ਵਲੋਂ ਸਨਮਾਨ ਕੀਤਾ ਗਿਆ । ਇਸੇ ਤਰ੍ਹਾਂ ਮੌਟਰੀਂਅਲ ਵਿਖੇ ਇੱਕ ਪ੍ਰਭਾਵਸ਼ਾਲੀ ਖਾਣੇ ਦੀ ਦਾਵਤ ਵਿੱਚ ਸਨਮਾਨ ਰੱਖਿਆ ਗਿਆ । ਇਸ ਦਰਮਿਆਨ ਸਟਾਰ ਗਾਇਕ ਜੀਵਨ ਮਾਨ ਵਲੋਂ ਅਤੇ ਸੁਖਜਿੰਦਰ ਰਾਏ ਵਲੋਂ ਆਪਣੇ ਸੁਪਰ ਹਿੱਟ ਗੀਤ ਗਾ ਕੇ ਰੰਗ ਬੰਨ੍ਹ ਦਿੱਤਾ । ਬਲਦੇਵ ਰਾਹੀ ਨੇ ਆਪਣੇ ਸ਼ੇਅਰੋ ਸ਼ਾਇਰੀ ਅੰਦਾਜ਼ ਨਾਲ ਪਾਰਟੀ ਵਿੱਚ ਵਾਹ ਵਾਹ ਖੱਟੀ । ਇਸ ਮੌਕੇ ਪਰਮਜੀਤ ਸਿੰਘ ਹੀਰਾ , ਸਰਬਦੀਪ ਸਿੰਘ ਬਾਠ , ਹਰਿੰਦਰ ਸਿੰਘ ਬਿੱਲਾ ਸੁਖਜਿੰਦਰ ਗਿੱਲ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ । ਗੁਰਪਿੰਦਰ ਪੰਮਾ ਅਤੇ ਕਲੱਬ ਦੇ ਮੈਬਰਾਂ ਵਲੋਂ ਬਲਦੇਵ ਰਾਹੀ ਨੂੰ ਵਿਸ਼ੇਸ਼ ਯਾਦ ਚਿੰਨ੍ਹ ‌ ਦੇ ਕੇ ਸਨਮਾਨਿਤ ਕੀਤਾ ।