ਗੋਲਡਨ ਵਿਰਸਾ ਯੂ ਕੇ ਦੇ ਪ੍ਰੋਗਰਾਮਾਂ ਵਿੱਚ ਆਪਣੀ ਕਲਾ ਬਿਖੇਰਣਗੇ ਤਨੋਜ ਟਿੱਬਾ – ਰਾਜਵੀਰ ਸਮਰਾ
ਕਪੂਰਥਲਾ (ਸਮਾਜ ਵੀਕਲੀ) ( ਕੌੜਾ )- ਬੀਤੇ ਕੱਲ੍ਹ ਲੰਡਨ ਦੇ ਹੀਥਰੋ ਹਵਾਈ ਅੱਡੇ ਤੇ ਪ੍ਰਸਿੱਧ ਫਿ਼ਲਮੀ ਤੇ ਕਮੇਡੀਅਨ ਤਨੋਜ ਟਿੱਬਾ ਉਰਫ਼ ਬੀਬੋ ਭੂਆ ਦਾ ਗੋਲਡਨ ਵਿਰਸਾ ਯੂ ਕੇ ਦੀ ਟੀਮ ਵੱਲੋਂ ਜ਼ੋਰਦਾਰ ਤੇ ਨਿੱਘਾ ਸਵਾਗਤ ਕੀਤਾ ਗਿਆ।ਇਸ ਦੌਰਾਨ ਗੋਲਡਨ ਵਿਰਸਾ ਯੂ ਕੇ ਦੇ ਡਾਇਰੈਕਟਰ ਰਾਜਵੀਰ ਸਮਰਾ ਵੱਲੋਂ ਸਮੂਹ ਟੀਮ ਜਿਸ ਵਿੱਚ ਇਸ਼ਟ ਪਾਲ ਸਿੰਘ ,ਮਨੋਜ ਆਦਿ ਦੀ ਹਾਜ਼ਰੀ ਵਿੱਚ ਤਨੋਜ ਟਿੱਬਾ ਨੂੰ ਫੁੱਲਾਂ ਦਾ ਗੁਲਦਸਤਾ ਭੇਂਟ ਕਰਕੇ ਸਵਾਗਤ ਕਰਨ ਉਪਰੰਤ ਕਿਹਾ ਕਿ ਗੋਲਡਨ ਵਿਰਸਾ ਦੇ ਵਿਸ਼ੇਸ਼ ਸੱਦੇ ਤੇ ਕਮੇਡੀਅਨ ਤਨੋਜ ਟਿੱਬਾ ਨੇ ਯੂ ਕੇ ਵਿੱਚ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ ਹੈ। ਉਹਨਾਂ ਕਿਹਾ ਕਿ ਇਸ ਦੌਰੇ ਦੌਰਾਨ ਗੋਲਡਨ ਵਿਰਸਾ ਯੂ ਕੇ ਵੱਲੋਂ ਕਰਵਾਏ ਜਾ ਰਹੇ ਵਿਸ਼ੇਸ਼ ਪਰੋਗਰਾਮ ਦੌਰਾਨ ਆਪਣੀ ਕਲਾ ਦੇ ਅੰਦਾਜ਼ ਪੰਜਾਬੀ ਭਾਈਚਾਰੇ ਅੱਗੇ ਪੇਸ਼ ਕਰਨਗੇ। ਤਨੋਜ ਟਿੱਬਾ ਨੇ ਇਸ ਦੌਰਾਨ ਗੋਲਡਨ ਵਿਰਸਾ ਦੇ ਡਾਇਰੈਕਟਰ ਰਾਜਵੀਰ ਸਮਰਾ ਤੇ ਸਮੂਹ ਟੀਮ ਦਾ ਯੂ ਕੇ ਵਿੱਚ ਬੁਲਾਉਣ ਤੇ ਸੋ਼ਅ ਕਰਨ ਲਈ ਵਿਸ਼ੇਸ਼ ਧੰਨਵਾਦ ਕੀਤਾ। ਉਹਨਾਂ ਯੂ ਕੇ ਵਿੱਚ ਵੱਸਦੇ ਸਮੂਹ ਪੰਜਾਬੀਆਂ ਨੂੰ ਗੋਲਡਨ ਵਿਰਸਾ ਯੂ ਕੇ ਦੇ ਪ੍ਰੋਗਰਾਮਾਂ ਵਿੱਚ ਵੱਡੀ ਗਿਣਤੀ ਵਿੱਚ ਪਹੁੰਚਣ ਦੀ ਅਪੀਲ ਕੀਤੀ।
