ਪੁਲਿਸ ਵੱਲੋਂ ਦਾਣਾਮੰਡੀ ਮਹਿਤਪੁਰ ਚੋ ਝੋਨਾ ਚੋਰੀ ਕਰਨ ਤੇ ਟਰਾਂਸਫਾਰਮਰ ਚੋਰੀ ਕਰਨ ਵਾਲੇ 03 ਦੋਸੀ ਗਿ੍ਫਤਾਰ      

ਨਕੋਦਰ ਮਹਿਤਪੁਰ (ਹਰਜਿੰਦਰ ਪਾਲ ਛਾਬੜਾ) –ਨਰਿੰਦਰ ਸਿੰਘ ਪੀ. ਪੀ. ਐਸ ਉਪ ਪੁਲਿਸ ਕਪਤਾਨ ਸਬ ਡਵੀਜਨ ਸ਼ਾਹਕੋਟ ਦੀ ਅਗਵਾਈ ਹੇਠ ਇੰਸਪੈਕਟਰ ਜਤਿੰਦਰ ਕੁਮਾਰ ਮੁੱਖ ਅਫਸਰ ਥਾਣਾ ਮਹਿਤਪੁਰ ਦੀ ਪੁਲਿਸ ਪਾਰਟੀ ਵਲੋਂ ਦਾਣਾ ਮੰਡੀ ਮਹਿਤਪੁਰ ਵਿੱਚੋਂ ਝੋਨਾ ਚੋਰੀ ਕਰਨ ਤੇ ਥਾਣਾ ਹਜਾ ਦੇ ਏਰੀਆ ਵਿੱਚ ਟਰਾਂਸਫਾਰਮਰ ਚੋਰੀ ਕਰਨ ਤੇ 03 ਦੋਸ਼ੀਆਂ ਨੂੰ ਗਿਰਫਤਾਰ ਕਰਨ ਵਿੱਚ ਹਰ ਸਫਲਤਾ ਹਾਸਲ ਕੀਤੀ । ਉਨਾਂ ਦੱਸਿਆ ਕਿ ਬਰ ਬਿਆਨ ਬਲਵਿੰਦਰ ਸਿੰਘ ਪੁੱਤਰ ਜਗੀਰ ਸਿੰਘ ਬਾਸੀ ਵਾਰਡ ਨੰਬਰ 10 ਮੁਹੱਲਾ ਸ਼ਾਹਪੁਰ ਮਹਿਤਪੁਰ ਦਰਜ ਰਜਿਸਟਰ ਕੀਤਾ ਕਿ ਵਿਜੈ ਕੁਮਾਰ ਪੁੱਤਰ ਰਾਜੂ ਸਿੰਘ, ਵਿੱਕੀ ਸਿੰਘ ਪੁੱਤਰ ਰਾਜੂ ਸਿੰਘ ਵਾਸੀਆਂਨ ਵਾਰਡ ਨੰਬਰ 8 ਪਰਜੀਆ ਰੋਡ ਮਹਿਤਪੁਰ ਵਲੋਂ ਮਿਤੀ 2 ਅਕਤੂਬਰ ਨੂੰ ਦਾਣਾਮੰਡੀ ਮਹਿਤਪੁਰ ਵਿੱਚੋਂ 45 ਬੋਰੇ ਝੋਨਾ ਚੋਰੀ ਕੀਤਾ। ਜਿਸ ਤੇ ਏ. ਐਸ. ਆਈ ਜਸਪਾਲ ਸਿੰਘ ਨੇ ਮੁਕੱਦਮਾ ਦਰਜ ਕਰਕੇ ਵਿਅੱਕਤੀਆਂ ਨੂੰ ਗਿ੍ਫਤਾਰ ਕਰਕੇ ਉਹਨਾਂ ਪਾਸੋਂ ਚੋਰੀ ਕੀਤਾ ਝੋਨਾ 12 ਬੋਰੇ ਤੇ ਕਾਰ ਇਨੋਵਾ ਨੰਬਰ ਪੀ.ਬੀ. 29 ਕੇ 9002 ਬਾ੍ਮਦ ਕੀਤੀ। ਜਿਹਨਾਂ ਦਾ ਪੁਲਿਸ ਰਿਮਾਂਡ   ਹਾਸਲ ਕਰਕੇ ਹੋਰ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਇਸੇ ਤਰ੍ਹਾਂ ਬਰ-ਦਰਖਾਸਤ ਬਲਦੇਵ ਸਿੰਘ ਪੁੱਤਰ ਤੇਜਾ ਸਿੰਘ ਵਾਸੀ ਤੰਦਾ ਉਰਾ ਥਾਣਾ ਮਹਿਤਪੁਰ ਬਾਬਤ ਮਿਤੀ 29 ਸਤੰਬਰ ਨੂੰ ਉਹਨਾਂ ਦੇ ਪਿੰਡ ਤੰਦਾਉਰਾ ਵਿੱਚ ਟਰਾਂਸਫਾਰਮਰ ਚੋਰੀ ਕਰਨ ਤੇ ਉਹਨਾਂ ਦੇ ਹੀ ਪਿੰਡ ਦਾ ਰਸਪਾਲ ਸਿੰਘ ਉਰਫ ਪਾਲਾ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਟਰਾਸਫਾਰਮਰ ਚੋਰੀ ਕਰਨ ਲੱਗਾ ਸੀ ਜੋ ਲੋਕਾਂ ਨੂੰ ਦੇਖ ਕੇ ਭੱਜ ਗਿਆ । ਜਿਸ ਤੇ ਏ. ਐਸ. ਆਈ. ਹਰਵਿੰਦਰ ਸਿੰਘ ਨੇ ਉਪਰੋਕਤ ਮੁਕੱਦਮਾ ਦਰਜ ਕਰਕੇ ਰਸਪਾਲ ਸਿੰਘ ਉਰਫ ਪਾਲਾ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਵਾਸੀ ਤੰਦਾ ਉਰਾ ਥਾਣਾ ਮਹਿਤਪੁਰ ਨੂੰ ਹਸਬ ਜਾਬਤਾ ਗਿ੍ਫਤਾਰ ਕੀਤਾ ਗਿਆ। ਜਿਹਨਾਂ ਦਾ ਪੁਲਿਸ ਰਿਮਾਂਡ ਹਾਸਲ ਕਰਕੇ ਹੋਰ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly