(ਸਮਾਜ ਵੀਕਲੀ)
ਆਇਆ ਆਜ਼ਾਦੀ ਦਾ ਦਿਹਾੜਾ
ਖੁਸ਼ੀਆਂ ਤੇ ਚਾਵਾਂ ਨਾਲ਼ ਮਨਾਵਾਂਗੇ ,
ਵੰਡ ਕੇ ਲੱਡੂ – ਪੇੜੇ ਇੱਕ ਦੂਜੇ ਨੂੰ
ਅਸੀਂ ਨੱਚਾਂਗੇ ਤੇ ਗਾਵਾਂਗੇ ।
ਨਾ ਕੋਈ ਛੋਟਾ, ਨਾ ਕੋਈ ਵੱਡਾ
ਸਭ ਨੂੰ ਇਹ ਸਮਝਾਵਾਂਗੇ,
ਮੇਰ – ਤੇਰ ਦੀ ਗੱਲ ਮੁਕਾ ਕੇ
ਮਾਨਵਤਾ ਦੀ ਅਲਖ ਜਗਾਵਾਂਗੇ ।
ਪਾ ਕੇ ਵਿੱਦਿਆ ਦਾ ਗਹਿਣਾ
ਅਗਿਆਨਤਾ ਦੂਰ ਭਜਾਵਾਂਗੇ ,
ਆਇਆ ਆਜ਼ਾਦੀ ਦਾ ਦਿਹਾੜਾ
ਰਲ – ਮਿਲ ਅਸੀਂ ਮਨਾਵਾਂਗੇ।
ਦੀਨ ਦੁਖੀਆਂ ਦੇ ਦੁੱਖ ਵੰਡਾ ਕੇ
ਸਭ ਨੂੰ ਸੁੱਖ ਪਹੁੰਚਾਵਾਂਗੇ ,
ਹਿੰਮਤ ਕਰਕੇ ਅਸੀਂ ਸਭ
ਸਮਾਜਿਕ ਕੁਰੀਤੀਆਂ ਨੂੰ ਮੁਕਾਵਾਂਗੇ ,
ਆਇਆ ਆਜ਼ਾਦੀ ਦਾ ਦਿਹਾੜਾ
ਅਸੀਂ ਖੁਸ਼ਹਾਲ ਸਮਾਜ ਬਣਾਵਾਂਗੇ ।
ਨਸ਼ਿਆਂ ਤੋਂ ਦੂਰ ਰਹਿਣ ਦਾ
ਪ੍ਰਣ ਅਸੀਂ ਦੁਹਰਾਵਾਂਗੇ ,
ਲਗਾ ਕੇ ਵੱਧ ਤੋਂ ਵੱਧ ਫੁੱਲ – ਬੂਟੇ
ਵਾਤਾਵਰਨ ਨੂੰ ਹਰਾ – ਭਰਾ ਬਣਾਵਾਂਗੇ ,
ਮਨ ਦੀ ਮੈਲ ਨੂੰ ਦੂਰ ਕਰਕੇ
ਇਨਸਾਨੀਅਤ ਨੂੰ ਮਜ਼ਬੂਤ ਬਣਾਵਾਂਗੇ ।
ਆਇਆ ਆਜ਼ਾਦੀ ਦਾ ਦਿਹਾੜਾ
ਅਸੀਂ ਭਾਈਚਾਰਕ ਸਾਂਝ ਵਧਾਵਾਂਗੇ।
ਕਰਕੇ ਸਾਖਰ ਹਰ ਇੱਕ ਨੂੰ
ਗਿਆਨ ਦੀ ਜੋਤ ਜਗਾਵਾਂਗੇ ,
ਅਸੀਂ ਰਲ – ਮਿਲ ਖੁਸ਼ੀ ਮਨਾਵਾਂਗੇ
ਅਸੀਂ ਸਭ ਦੇ ਭਲੇ ਦੀ ਸੋਚ ਅਪਣਾਵਾਂਗੇ ,
ਆਇਆ ਆਜ਼ਾਦੀ ਦਾ ਦਿਹਾੜਾ
ਅਸੀਂ ਹੱਸਾਂਗੇ ਤੇ ਗਾਵਾਂਗੇ
ਅਸੀਂ ਸਾਰਿਆਂ ਨਾਲ਼ ਖੁਸ਼ੀ ਮਨਾਵਾਂਗੇ।
ਸਟੇਟ ਐਵਾਰਡੀ ਮਾਸਟਰ ਸੰਜੀਵ ਧਰਮਾਣੀ
ਸ੍ਰੀ ਅਨੰਦਪੁਰ ਸਾਹਿਬ
9478561356
