(ਸਮਾਜ ਵੀਕਲੀ)
ਹੌਂਸਲੇ ਨਾਲ਼ ਉਡਾਨ
———————-
ਜਿਵੇਂ ਗੁੰਗੇ ਦੀਆਂ ਸੈਨਤਾਂ ਮਾਂ ਸਮਝੇ ,
ਨੈਣ ਨੈਣਾਂ ਦੇ ਨਾਲ਼ ਨੇ ਟੋਹ ਹੁੰਦੇ ।
ਰੰਗ ਰੂਪ ਜਵਾਨੀ ਦੀ ਥਾਂ ਆਪਣੀ ,
ਦਿਲ ਗੁਣਾਂ ਦੇ ਬਾਝ ਨਾ ਮੋਹ ਹੁੰਦੇ ।
ਪਹਿਲਾਂ ਸੀਨੇ ‘ਚ ਛੇਕ ਕਰਾਉਂਣ ਮੋਤੀ ,
ਛੇਕਾਂ ਬਿਨਾਂ ਨਾ ਹਾਰ ਪਰੋ ਹੁੰਦੇ ।
ਸੱਚ ਕਿਹਾ ਸਿਆਣਿਆਂ ਬੰਦਿਆਂ ਨੇ ,
ਬਿਨਾਂ ਹੌਂਸਲੇ ਅੰਬਰ ਨਾ ਛੋਹ ਹੁੰਦੇ ।
ਬੰਦੇ ਦੀ ਢੋਅ
—————
ਜਿਹੜੇ ਆਪਣੇ ਲੋਕਾਂ ਦੇ ਕੰਮ ਆਉਂਦੇ ,
ਸੂਹੇ ਫੁੱਲਾਂ ਦੀ ਉਹ ਖ਼ੁਸ਼ਬੋਅ ਹੁੰਦੇ ।
ਸੁੱਤੇ ਲੋਕਾਂ ਨੂੰ ਬੰਦੇ ਜਗਾਉਂਣ ਜਿਹੜੇ ,
ਕਾਲ਼ੀ ਰਾਤ ਵਿੱਚ ਜੁਗਨੂੰ ਦੀ ਲੋਅ ਹੁੰਦੇ ।
ਬਿਨਾਂ ਖ਼ੁਸ਼ੀ ਨਾ ਜਸ਼ਨ ਮਨਾਏ ਜਾਂਦੇ ,
ਰੋਣੇਂ ਗ਼ਮਾਂ ਦੇ ਬਾਝ ਨਾ ਰੋਅ ਹੁੰਦੇ ।
ਸੱਚ ਕਿਹਾ ਸਿਆਣਿਆਂ ਬੰਦਿਆਂ ਨੇ ,
ਰਿਸ਼ਤੇਦਾਰ ਨੇ ਬੰਦੇ ਦੀ ਢੋਅ ਹੁੰਦੇ ।
( ” ਪੱਥਰ ‘ਤੇ ਲਕੀਰਾਂ ” ਕਿਤਾਬ ਵਿੱਚੋਂ )
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜਿਲ੍ਹਾ ਸੰਗਰੂਰ ।
9914836037
