(ਸਮਾਜ ਵੀਕਲੀ)
ਹੋਈ ਸੁਫ਼ਨੇ ਵਿੱਚ ਅਕਾਸ਼ਬਾਣੀ
———————————-
ਜੇਕਰ ਕੁੰਵਰ ਵਿਜੇ ਪ੍ਰਤਾਪ ਸਿੰਘ ਦੀ ,
ਇੱਕ ਵੀ ਮੰਨੀਂ ਹੁੰਦੀ ਗੱਲ ।
ਦਿੱਲੀ ਅਤੇ ਪੰਜਾਬ ਦੇ ਪਾਵਿਆਂ ਵਿੱਚ ,
ਐਨੇ ਕਦੇ ਨਾ ਪੈਂਦੇ ਸੱਲ ।
ਵੀਹ ਸੌ ਬਾਈ ਦੇ ਵਿੱਚ ਲੋਕਾਂ ਨਾਲ਼ ,
ਜਿਹੜੇ ਵਾਅਦੇ ਦਾਅਵੇ ਕੀਤੇ ਸੀ ;
ਲਗਦੈ ਬਹਿਬਲ ਤੇ ਬਰਗਾੜੀ ਕਾਂਡ ,
ਨਈਓਂ ਜਾਣ ਕੇ ਕੀਤੇ ਹੱਲ ।
ਆਵਾਜ਼ ਪ੍ਰਦੂਸ਼ਣ ਦੀ ਸਮੱਸਿਆ
———————————-
ਵੈਸੇ ਤਾਂ ਹਰ ਪ੍ਰਦੂਸ਼ਣ ਦਾ ਹੀ ,
ਕੋਈ ਨਾ ਕੋਈ ਹੱਲ ਚਾਹੀਦੈ ।
ਪਰ ਵੱਧੋ ਵੱਧ ਧਿਆਨ ਮਾਰਨਾ,
ਰੌਲ਼ੇ ਰੱਪੇ ਦੇ ਵੱਲ ਚਾਹੀਦੈ ।
ਲਗਦੈ ਸਾਨੂੰ ਪਿਆਰ ਦੀ ਭਾਸ਼ਾ ,
ਸਮਝ ਆਉਂਣ ਤੋਂ ਹਟ ਗਈ ਹੈ ;
ਇਸ ਲਈ ਡੰਡਾ ਪੀਰ ਵਰਤਣਾ ,
ਅੱਜ ਨਹੀਂ ਤਾਂ ਕੱਲ੍ਹ ਚਾਹੀਦੈ ।
ਮੂਲ ਚੰਦ ਸ਼ਰਮਾ ਪ੍ਰਧਾਨ ,
ਪੰਜਾਬੀ ਸਾਹਿਤ ਸਭਾ ਧੂਰੀ ਜਿਲ੍ਹਾ ਸੰਗਰੂਰ ।
148024
