ਗੁਰਪੁਰਬ ਮੌਕੇ ਭਾਜਪਾ ਆਗੂ ਰਣਜੀਤ ਸਿੰਘ ਖੋਜੇਵਾਲ ਨੇ ਖੂਨਦਾਨ ਕਰਨ ਵਾਲੇ ਨੌਜਵਾਨਾਂ ਦੀ ਕੀਤੀ ਹੌਂਸਲਾ ਅਫਜਾਈ
ਕਪੂਰਥਲਾ (ਸਮਾਜ ਵੀਕਲੀ) ( ਕੌੜਾ )- ਖੂਨਦਾਨ ਦਾ ਨਾਮ ਆਉਂਦੇ ਹੀ ਸਮਾਜ ਸੇਵਾ ਕਰਨ ਦਾ ਜਜ਼ਬਾ ਵੱਧ ਜਾਂਦਾ ਹੈ।ਅਸਲ ਵਿੱਚ ਇਹ ਇੱਕ ਅਜਿਹਾ ਦਾਨ ਹੈ,ਜਿਸ ਨਾਲ ਇੱਕ ਵਿਅਕਤੀ ਜ਼ਿੰਦਗੀ ਅਤੇ ਮੌਤ ਵਿਚਕਾਰ ਜੂਝ ਰਿਹਾ ਹੁੰਦਾ ਹੈ ਤਾਂ ਦੂਜਾ ਵਿਅਕਤੀ ਆਪਣਾ ਖੂਨਦਾਨ ਕਰਕੇ ਉਸਦੀ ਜਾਨ ਬਚਾਉਂਦਾ ਹੈ।ਹੁਣ ਤਾਂ ਵੈਸੇ ਵੀ ਪੂਰੀ ਦੁਨੀਆ ਨੇ ਕਰੋਨਾ ਵਰਗੀ ਖਤਰਨਾਕ ਬਿਮਾਰੀ ਨੂੰ ਦੇਖਿਆ ਹੈ,ਅਜਿਹੇ ਵਿੱਚ ਖੂਨਦਾਨ ਦੀ ਮਹੱਤਤਾ ਹੋਰ ਵੀ ਵੱਧ ਜਾਂਦੀ ਹੈ।ਕੋਰੋਨਾ ਸੰਕਟ ਦੇ ਦੌਰਾਨ ਕੋਰੋਨਾ ਪੀੜਤ ਨੂੰ ਕਿੰਨੀ ਖੁਲ ਦੀ ਲੋੜ ਖੂਨ ਸੀ,ਇਹ ਗੱਲਾਂ ਅੱਜ ਅਸੀਂ ਮਹਿਸੂਸ਼ ਕਰ ਸਕਦੇ ਹਾਂ।ਇਹ ਗੱਲ ਦਾ ਪ੍ਰਗਟਾਵਾ ਅਰਬਨ ਅਸਟੇਟ ਵੈਲਫੇਅਰ ਸੁਸਾਇਟੀ ਕਪੂਰਥਲਾ ਅਤੇ ਦਿ ਲਾਈਫ ਹੈਲਪਰਜ਼ ਕਪੂਰਥਲਾ ਵੱਲੋਂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਗੁਰਦੁਆਰਾ ਸਾਹਿਬ ਅਰਬਨ ਅਸਟੇਟ ਵਿਖੇ ਲਗਾਏ ਗਏ ਖੂਨਦਾਨ ਕੈਂਪ ਵਿੱਚ ਸਾਬਕਾ ਚੇਅਰਮੈਨ ਅਤੇ ਭਾਜਪਾ ਦੇ ਹਲਕਾ ਇੰਚਾਰਜ ਰਣਜੀਤ ਸਿੰਘ ਖੋਜੇਵਾਲ ਨੇ ਕਪੂਰਥਲਾ ਖੂਨਦਾਨ ਕਰਨ ਵਾਲੀਆਂ ਦਾ ਉਤਸ਼ਾਹ ਵਧਾਉਂਦੇ ਹੋਏ ਕੀਤਾ।
ਉਨ੍ਹਾਂ ਕਿਹਾ ਕਿ ਜ਼ਿਲ੍ਹੇ ਦੇ ਕਈ ਅਜਿਹੇ ਨੌਜਵਾਨ ਹਨ ਜੋ ਆਪਣੀ ਉਮਰ ਦੇ ਲੱਗਭੱਗ ਬਰਾਬਰ ਖੂਨਦਾਨ ਕਰ ਚੁੱਕੇ ਹਨ ਅਤੇ ਉਹ ਅਜੇ ਵੀ ਥਕੇ ਨਹੀਂ ਹਨ,ਸਗੋਂ ਬਲਡ ਡੋਨਰਸ ਸੰਸਥਾਵਾਂ ਦੇ ਨਾਲ ਲਗਾਤਾਰ ਖੂਨਦਾਨ ਕਰ ਰਹੇ ਹਨ।ਖੋਜੇਵਾਲ ਨੇ ਕਿਹਾ ਗਿਆ ਹੈ ਕਿ ਖੂਨਦਾਨ ਜੀਵਨਦਾਨ ਹੈ।ਸਾਡੇ ਵਲੋਂ ਕੀਤਾ ਗਿਆ ਖੂਨਦਾਨ ਕਈ ਜਿਦਗੀਆਂ ਨੂੰ ਬਚਾਉਂਦਾ ਹੈ।ਇਸਦਾ ਅਹਿਸਾਸ ਸਾਨੂੰ ਤੱਦ ਹੁੰਦਾ ਹੈ,ਜਦੋਂ ਸਾਡਾ ਕੋਈ ਆਪਣਾ ਖੂਨ ਲਈ ਜਿੰਦਗੀ ਅਤੇ ਮੌਤ ਦੇ ਵਿੱਚ ਜੂਝਦਾ ਹੈ।ਉਸ ਵਕਤ ਅਸੀ ਨੀਂਦ ਤੋਂ ਜਾਗਦੇ ਹਾਂ ਅਤੇ ਉਸਨੂੰ ਬਚਾਉਣ ਲਈ ਖੂਨ ਦੇ ਇਂਤਜਾਮ ਦੀ ਜੱਦੋਜਹਿਦ ਕਰਦੇ ਹਾਂ।ਖੋਜੇਵਾਲ ਨੇ ਕਿਹਾ ਕਿ ਖੂਨਦਾਨ ਜੀਵਨ ਦਾ ਆਧਾਰ ਹੈ।
ਨਿਸਵਾਰਥ ਭਾਵ ਨਾਲ ਕੀਤੇ ਗਏ ਇਸ ਦਾਨ ਤੋ ਵੱਡਾ ਕੋਈ ਦਾਨ ਨਹੀਂ ਹੈ।ਉਨ੍ਹਾਂ ਨੇ ਕਿਹਾ ਕਿ ਅਜੋਕੇ ਸ਼ਮੇ ਵਿੱਚ ਖੂਨ ਚੂਸਣ ਵਾਲੇ ਤਾਂ ਬਹੁਤ ਹਨ,ਲੇਕਿਨ ਖੂਨ ਦਾਨ ਕਰਨ ਵਾਲੇ ਬਹੁਤ ਘੱਟ।ਸਬ ਨੂੰ ਖੂਨਦਾਨ ਕਰਨਾ ਚਾਹੀਦਾ ਹੈ।ਉਨ੍ਹਾਂ ਕਿਹਾ ਕਿ ਖੂਨ ਦਾਨ ਕਰਣ ਵਾਲੇ ਲੋਕ ਸਮਾਜ ਦੇ ਆਦਰਸ਼ ਹੁੰਦੇ ਹਨ,ਜਿਨ੍ਹਾਂ ਤੋਂ ਪ੍ਰੇਰਨਾ ਲੈ ਕੇ ਜ਼ਿਆਦਾ ਤੋਂ ਜ਼ਿਆਦਾ ਨੌਜਵਾਨਾਂ ਨੂੰ ਵੀ ਖੂਨਦਾਨ ਲਈ ਅੱਗੇ ਆਣਾ ਚਾਹੀਦਾ ਹੈ।ਉਨ੍ਹਾਂ ਨੇ ਕਿਹਾ ਕਿ ਬਲਡ ਬੈਂਕਾਂ ਨੂੰ ਮਜ਼ਬੂਤ ਕਰਕੇ ਲੱਖਾਂ ਜਿੰਦਗੀਆਂ ਨੂੰ ਬਚਾਇਆ ਜਾ ਸਕਦੀਆਂ ਹੈ।ਉਨ੍ਹਾਂ ਨੇ ਕਿਹਾ ਕਿ ਖੂਨਦਾਨ ਅਜਿਹੀ ਸੇਵਾ ਹੈ ਜੋਕਿ ਹਰ ਵਿਅਕਤੀ ਨੂੰ ਆਪਣੇ ਜੀਵਨ ਵਿੱਚ ਜਰੂਰ ਕਰਣੀ ਚਾਹੀਦੀ ਹੈ।ਉਨ੍ਹਾਂ ਨੇ ਇਸ ਗੱਲ ਉੱਤੇ ਜ਼ੋਰ ਦਿੱਤਾ ਕਿ ਵਿਦਿਅਕ ਸੰਸਥਾਵਾਂ ਵਿੱਚ ਵਿਦਿਆਰਥੀਆਂ ਨੂੰ ਖੂਨਦਾਨ ਵਾਲੀ ਲਹਿਰ ਨਾਲ ਜੋੜਿਆ ਜਾਣਾ ਸਮੇ ਦੀ ਸਭ ਤੋਂ ਵੱਡੀ ਜ਼ਰੂਰਤ ਹੈ,ਜਿਸਦੇ ਨਾਲ ਜ਼ਰੂਰਤ ਪੈਨ ਉੱਤੇ ਖੂਨ ਦੀ ਕਮੀ ਨਾਲ ਜੂਝਨਾ ਨਾ ਪਏ।
ਖੋਜੇਵਾਲ ਨੇ ਕਿਹਾ ਕਿ ਮਨੁੱਖ ਅੱਜ ਤੱਕ ਖੂਨ ਦਾ ਇੱਕ ਕਤਰਾ ਨਹੀਂ ਬਣਾ ਪਾਇਆ।ਮਨੁੱਖ ਨੂੰ ਖੂਨ ਦੀ ਜ਼ਰੂਰਤ ਹੈ ਤਾਂ ਉਸਨੂੰ ਦੂਜਾ ਮਨੁੱਖ ਹੀ ਦੇ ਸਕਦਾ ਹੈ ਅਤੇ ਕਿਸੇ ਦੂੱਜੇ ਦੀ ਜਾਨ ਬਚਾਉਣ ਲਈ ਆਪਣਾ ਖੂਨ ਦੇਣ ਵਾਲੇ ਨੂੰ ਰੱਬ ਦੇ ਬਰਾਬਰ ਦਾਤਾ ਦਾ ਦਰਜਾ ਦਿੱਤਾ ਜਾਂਦਾ ਹੈ।ਖੂਨਦਾਨ ਤੱਦ ਹੁੰਦਾ ਹੈ,ਜਦੋਂ ਕੋਈ ਵਿਅਕਤੀ ਆਪਣੀ ਇੱਛਿਆ ਨਾਲ ਆਪਣਾ ਖੂਨ ਦਿੰਦਾ ਹੈ,ਜਿਨੂੰ ਜ਼ਰੂਰਤ ਪੈਣ ਤੇ ਕਿਸੇ ਦੂੱਜੇ ਵਿਅਕਤੀ ਨੂੰ ਦਿੱਤਾ ਜਾ ਸਕਦਾ ਹੈ ਜਾਂ ਉਸ ਨੂੰ ਦਵਾਈ ਬਣਾਉਣ ਦੇ ਕੰਮ ਵਿੱਚ ਲਿਆਇਆ ਜਾਂਦਾ ਹੈ।ਇਸ ਮੌਕੇ ਤੇ ਭਾਜਪਾ ਦੇ ਜ਼ਿਲ੍ਹਾ ਉਪ ਪ੍ਰਧਾਨ ਧਰਮਪਾਲ ਮਹਾਜਨ,ਜ਼ਿਲ੍ਹਾ ਉਪ ਪ੍ਰਧਾਨ ਐਡਵੋਕੇਟ ਪਿਯੂਸ਼ ਮਨਚੰਦਾ,ਐਡਵੋਕੇਟ ਏ.ਪੀ.ਐਸ ਬੇਦੀ,ਐਡਵੋਕੇਟ ਅਨੁਜ ਆਨੰਦ,ਡਾ:ਪਰਿਤੋਸ਼ ਗਰਗ,ਸਚਿਨ ਅਰੋੜਾ,ਸੰਤੋਖ ਸਿੰਘ ਪੱਡਾ ਆਦਿ ਹਾਜ਼ਰ ਸਨ।
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
