ਲਾਸ ਏਂਜਲਸ— 97ਵੇਂ ਅਕੈਡਮੀ ਐਵਾਰਡਜ਼ ‘ਚ ਲਘੂ ਫਿਲਮ ਸ਼੍ਰੇਣੀ ‘ਚ ਨਾਮਜ਼ਦ ਹੋਈ ਭਾਰਤ ਦੀ ਫਿਲਮ ‘ਅਨੁਜਾ’ ਐਵਾਰਡ ਤੋਂ ਖੁੰਝ ਗਈ। ਫਿਲਮ ‘ਮੈਂ ਨਾਟ ਏ ਰੋਬੋਟ’ ਇਸ ਸ਼੍ਰੇਣੀ ‘ਚ ਜੇਤੂ ਰਹੀ ਹੈ। ਪ੍ਰਿਅੰਕਾ ਚੋਪੜਾ ਅਤੇ ਗੁਨੀਤ ਮੋਂਗਾ ਦੀ ਸਹਿ-ਨਿਰਮਾਣ ਫਿਲਮ ਦਾ ਨਿਰਦੇਸ਼ਨ ਐਡਮ ਜੇ ਗ੍ਰੇਵਜ਼ ਦੁਆਰਾ ਕੀਤਾ ਗਿਆ ਹੈ।
ਭਾਰਤ ਦੀ ਲਘੂ ਫਿਲਮ ‘ਅਨੁਜਾ’ ਨੂੰ 97ਵੇਂ ਆਸਕਰ ‘ਚ ਲਾਈਵ ਐਕਸ਼ਨ ਸ਼ਾਰਟ ਫਿਲਮ ਸ਼੍ਰੇਣੀ ‘ਚ ਸ਼ਾਮਲ ਕੀਤਾ ਗਿਆ। ਹਾਲਾਂਕਿ, ਡੱਚ ਫਿਲਮ ਨਿਰਮਾਤਾ ਵਿਕਟੋਰੀਆ ਵਾਰਮਰਡਮ ਅਤੇ ਨਿਰਮਾਤਾ ਟ੍ਰੇਂਟ ਦੀ ਫਿਲਮ ‘ਆਈ ਐਮ ਨਾਟ ਏ ਰੋਬੋਟ’ ਲਈ ਸਰਵੋਤਮ ਲਾਈਵ ਐਕਸ਼ਨ ਸ਼ਾਰਟ ਪੁਰਸਕਾਰ ਜਿੱਤਣ ਨਾਲ ਅਨੁਜਾ ਦਾ ਸੁਪਨਾ ਚਕਨਾਚੂਰ ਹੋ ਗਿਆ। ਐਡਮ ਜੇ ਗ੍ਰੇਵਜ਼ ਅਤੇ ਸੁਚਿਤਰਾ ਮੈਟਾਈ ਦੁਆਰਾ ਨਿਰਦੇਸ਼ਤ ‘ਅਨੁਜਾ’ ਨੇ ‘ਏ ਲੀਨ’, ‘ਆਈ ਐਮ ਨਾਟ ਏ ਰੋਬੋਟ’, ‘ਦਿ ਲਾਸਟ ਰੇਂਜਰ’ ਅਤੇ ‘ਦਿ ਮੈਨ ਹੂ ਕਾਡ ਨਾਟ ਰਿਮੇਨ ਸਾਈਲੈਂਸ’ ਆਸਕਰ ‘ਤੇ ਮੁਕਾਬਲਾ ਕੀਤਾ, ਜਿਸ ਵਿੱਚ ‘ਆਈ ਐਮ ਨਾਟ ਏ ਰੋਬੋਟ’ ਜਿੱਤੀ।
ਇਸ ਵਾਰ ਆਸਕਰ ਦੀ ਮੇਜ਼ਬਾਨੀ ਕਾਮੇਡੀਅਨ ਕੋਨਨ ਓ ਬ੍ਰਾਇਨ ਕਰ ਰਹੇ ਹਨ। ਇਹ ਪੁਰਸਕਾਰ 2 ਮਾਰਚ, 2025 ਨੂੰ ਲਾਸ ਏਂਜਲਸ ਦੇ ਡੌਲਬੀ ਥੀਏਟਰ ਵਿੱਚ ਆਯੋਜਿਤ ਕੀਤੇ ਗਏ ਸਨ, ਜਿਸਦਾ ਭਾਰਤ ਵਿੱਚ ਪ੍ਰਸਾਰਣ 3 ਮਾਰਚ ਨੂੰ ਸਵੇਰੇ 5.30 ਵਜੇ ਸ਼ੁਰੂ ਹੋਇਆ ਸੀ।
‘ਅਨੁਜਾ’ ਦੇ ਬਾਰੇ ‘ਚ ਦੱਸ ਦੇਈਏ ਕਿ ਇਹ ਫਿਲਮ ਸ਼ਾਨਦਾਰ ਢੰਗ ਨਾਲ 9 ਸਾਲ ਦੀ ਬੱਚੀ ਅਨੁਜਾ ਦੀ ਕਹਾਣੀ ਨੂੰ ਪਰਦੇ ‘ਤੇ ਲਿਆਉਂਦੀ ਹੈ, ਜਿਸ ਨੂੰ ਆਪਣੀ ਭੈਣ ਨਾਲ ਪੜ੍ਹਾਈ ਅਤੇ ਫੈਕਟਰੀ ‘ਚ ਕੰਮ ਕਰਨ ‘ਚੋਂ ਕੋਈ ਇਕ ਚੁਣਨਾ ਪੈਂਦਾ ਹੈ। ਫਿਲਮ ਵਿੱਚ ਸਜਦਾ ਪਠਾਨ ਅਤੇ ਅਨਨਿਆ ਸ਼ਾਨਭਾਗ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਸ ਦਾ ਨਿਰਮਾਣ ਸਲਾਮ ਬਾਲਕ ਟਰੱਸਟ (SBT) ਦੇ ਸਹਿਯੋਗ ਨਾਲ ਕੀਤਾ ਗਿਆ ਹੈ।
ਸਲਾਮ ਬਾਲਕ ਟਰੱਸਟ ਦੀ ਸਥਾਪਨਾ ਫਿਲਮ ਨਿਰਮਾਤਾ ਮੀਰਾ ਨਾਇਰ ਦੇ ਪਰਿਵਾਰ ਦੁਆਰਾ ਕੀਤੀ ਗਈ ਹੈ। ਇਹ ਇੱਕ ਗੈਰ-ਲਾਭਕਾਰੀ ਸੰਸਥਾ ਹੈ ਜੋ ਗਲੀ ਦੇ ਬੱਚਿਆਂ ਦੀ ਸਹਾਇਤਾ ਲਈ ਸਥਾਪਿਤ ਕੀਤੀ ਗਈ ਹੈ। ਐਸਬੀਟੀ ਦੇ ਨਾਲ-ਨਾਲ ਸ਼ਾਈਨ ਗਲੋਬਲ ਅਤੇ ਕ੍ਰਿਸ਼ਨਾ ਨਾਇਕ ਫਿਲਮਜ਼ ਵੀ ਇਸ ਵਿੱਚ ਸ਼ਾਮਲ ਹਨ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
