ਲੁਧਿਆਣਾ (ਸਮਾਜ ਵੀਕਲੀ) (ਕਰਨੈਲ ਸਿੰਘ ਐੱਮ.ਏ.) ਕਿਡਸ ਕੈਸਲ ਪ੍ਰੀ ਸਕੂਲ ਵਿੱਚ ਸਲਾਨਾ ਖੇਡ ਦਿਵਸ-2025 ਜੰਗਲ ਜੰਬੂਰੀ ਦਾ ਸਫਲ ਆਯੋਜਨ ਕੀਤਾ ਗਿਆ। ਜਿਸ ਵਿੱਚ ਵਿਦਿਆਰਥੀਆਂ ਉਹਨਾਂ ਦੇ ਮਾਪਿਆਂ ਅਤੇ ਟੀਚਰਾਂ ਨੇ ਭਾਗ ਲਿਆ। ਸੀ.ਐਮ.ਸੀ ਹਸਪਤਾਲ ਦੇ ਚਾਇਲਡ ਸਾਈਕੈਟਰਿਸਟ ਡਾ: ਪੱਲਵੀ ਅਵਿਨਾਸ਼, ਵੈਸਕੂਲਰ ਸਰਜਨ ਡਾ: ਪ੍ਰਣਅ ਪਵਾਰ, ਲੈਪਰੋਸਕੋਪਿਕ ਅਤੇ ਜਨਰਲ ਸਰਜਨ ਡਾਕਟਰ ਸ਼੍ਰੀ ਜੀਤ ਬੀਟਲ ਅਤੇ ਡਾਕਟਰ ਬਿੰਨੀ ਮੁੱਖ ਮਹਿਮਾਨ ਦੇ ਤੌਰ ਤੇ ਸ਼ਾਮਿਲ ਹੋਏ। ਜਦਕਿ ਸਰਪੰਚ ਸ਼੍ਰੀਮਤੀ ਕੁਲਵਿੰਦਰ ਕੌਰ ਅਤੇ ਸ਼੍ਰੀ ਰਣਧੀਰ ਸਿੰਘ ਵਿਸ਼ੇਸ਼ ਮਹਿਮਾਨ ਵਜੋਂ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋਏ। ਸਕੂਲ ਦੀ ਸੰਸਥਾਪਕ ਅਤੇ ਸਿੱਖਿਆ ਮਾਹਿਰ ਸ਼੍ਰੀਮਤੀ ਕੰਚਨ ਸ਼ਰਮਾ ਡਾਇਰੈਕਟਰ ਸ੍ਰੀ ਮਨੀਸ਼ ਸ਼ਰਮਾ ਅਧਿਆਪਕ ਅਤੇ ਬੱਚਿਆਂ ਦੇ ਮਾਪਿਆਂ ਨੇ ਭਾਰੀ ਗਿਣਤੀ ਵਿੱਚ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਝੰਡਾ ਲਹਿਰਾਉਣ, ਜੋਤ ਜਗਾਉਣ ਅਤੇ ਉਦਘਾਟਨ ਸਮਾਰੋਹ ਨਾਲ ਹੋਈ। ਬੱਚਿਆਂ ਨੇ ਬੁੱਲ ਡਾਂਸ, ਬਟਰ ਫਲਾਈ ਡਾਂਸ, ਪੋਂ-ਪੋਂ ਚੇਅਰ ਡਾਂਸ, ਰਿੰਗ ਡਾਂਸ, ਫਲੈਗ ਡਰਿਲ, ਐਰੋਬਿਕਸ ਅਤੇ ਭੰਗੜਾ ਵਰਗੇ ਪ੍ਰੋਗਰਾਮ ਪੇਸ਼ ਕੀਤੇ। ਇਸ ਤੋਂ ਬਾਅਦ ਵੱਖ-ਵੱਖ ਤਰ੍ਹਾਂ ਦੀਆਂ ਮਨੋਰੰਜਕ ਦੌੜਾਂ ਕਰਵਾਈਆਂ ਗਈਆਂ। ਜਿਨ੍ਹਾਂ ਵਿੱਚ ਬੱਚਿਆਂ ਨੇ ਪੂਰੇ ਉਤਸਾਹ ਨਾਲ ਭਾਗ ਲਿਆ। ਅੰਤ ਵਿੱਚ ਜੇਤੂ ਵਿਦਿਆਰਥੀਆਂ ਨੂੰ ਮੈਡਲ ਅਤੇ ਸਰਟੀਫਿਕੇਟ ਪ੍ਰਦਾਨ ਕੀਤੇ ਗਏ।
