ਖੋਸਲਾ ਪਰਿਵਾਰ ਨੂੰ ਇੱਕ ਹੋਰ ਸਦਮਾ, ਉੱਘੇ ਵਪਾਰੀ ਜਤਿੰਦਰ ਖੋਸਲਾ (ਵਿੱਕੀ) ਦਾ ਦੇਹਾਂਤ

ਫਿਲੌਰ/ਅੱਪਰਾ (ਸਮਾਜ ਵੀਕਲੀ)  (ਜੱਸੀ)-ਬੀਤੇਂ ਦਿਨੀਂ ਅੱਪਰਾ ਦੇ ਉੱਘੇ ਖੋਸਲਾ ਪਰਿਵਾਰ ਨੂੰ  ਉਸ ਸਮੇਂ ਗਹਿਰਾ ਸਦਮਾ ਲੱਗਾ ਸੀ, ਜਦੋਂ ਖੋਸਲਾ ਪਰਿਵਾਰ ਦੇ ਮੁਖੀ ਸਾਬਕਾ ਮੈਂਬਰ ਪੰਚਾਇਤ ਬਾਲ ਕ੍ਰਿਸ਼ਨ ਖੋਸਲਾ ਦੀ ਧਰਮ ਪਤਨੀ ਸ੍ਰੀਮਤੀ ਨਿਸ਼ਾ ਖੋਸਲਾ ਦਾ ਦੇਹਾਂਤ ਹੋ ਗਿਆ ਸੀ | ਹੁਣ ਖੋਸਲਾ ਪਰਿਵਾਰ ਨੂੰ  ਉਸ ਸਮੇਂ ਇੱਕ ਹੋਰ ਗਹਿਰਾ ਸਦਮਾ ਲੱਗਾ ਜਦੋਂ ਉਸ ਦੇ ਪਰਿਵਾਰ ਦੇ ਮੈਂਬਰ ਜਤਿੰਦਰ ਖੋਸਲਾ ਉਰਫ ਵਿੱਕੀ ਖੋਸਲਾ ਦੀ ਕੁਝ ਦਿਨ ਬਿਮਾਰ ਰਹਿਣ ਉਪਰੰਤ ਡੀ. ਐੱਮ. ਸੀ ਲੁਧਿਆਣਾ ਵਿਖੇ ਮੌਤ ਹੋ ਗਈ | ਉਨਾਂ ਦੀ ਬੇਵਕਤੀ ਮੌਤ ‘ਤੇ ਇਲਾਕੇ ਦੇ ਵੱਖ ਵੱਖ ਰਾਜਨੀਤਿਕ ਆਗੂਆਂ, ਸਰਪੰਚਾਂ, ਪੰਚਾਂ ਤੇ ਸਮਾਜ ਸੇਵੀ ਸੰਗਠਨਾਂ ਨੇ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਤੇ ਪ੍ਰਮਾਤਮਾ ਅੱਗੇ ਅਰਦਾਸ ਕੀਤੀ ਕਿ ਉਹ ਵਿਛੜੀ ਰੂਹ ਨੂੰ  ਆਪਣੇ ਚਰਨਾਂ ‘ਚ ਨਿਵਾਸ ਬਖਸ਼ੇ ਤੇ ਪਿੱਛੋਂ ਪਰਿਵਾਰ ਨੂੰ  ਭਾਣਾ ਮੰਨਣ ਦਾ ਬਲ ਬਖਸ਼ੇ | ਜਤਿੰਦਰ ਖੋਸਲਾ ਉਰਫ ਵਿੱਕੀ ਖੋਸਲਾ ਨਮਿਤ ਗਰੁੜ ਪੁਰਾਣ ਦੇ ਪਾਠ ਦਾ ਮਿਤੀ 5 ਦਸੰਬਰ ਨੂੰ  ਦੁਪਿਹਰ 1 ਤੋਂ 2 ਵਜੇ ਤੱਕ ਗੁਰੂਦੁਆਰਾ ਗੁਰੂ ਨਾਨਕ ਦਰਬਾਰ ਨੇੜੇ ਚੱਕ ਵਾਲਾ ਮੋੜ ਅੱਪਰਾ ਵਿਖੇ ਹੋਵੇਗੀ |