(ਸਮਾਜ ਵੀਕਲੀ)
ਅੱਜ ਮੈਂ ਜਿੱਤ ਦਾ ਗੀਤ ਗਾਉਂਣਾ ਸੀ
ਐਪਰ ਮੈਥੋਂ ਗਾ ‘ਨੀਂ ਹੋਣਾ .
ਮਹਿੰਦੀ ਰੰਗੀ ਦਸਤਾਰ ਦਾ ਫਰਲਾ ,
ਅੰਬਰ ਵਿੱਚ ਉਡਾ ‘ਨੀਂ ਹੋਣਾ .
ਜਨ-ਅੰਦੋਲਨ ਦੇ ਵਿੱਚ ਮੇਰੀਆਂ ,
ਕਵਿਤਾਵਾਂ ਦੇ ਯੋਗਦਾਨ ਲਈ :
ਅੱਜ ਮੇਰਾ ਸਨਮਾਨ ਹੋਣਾ ਸੀ ,
ਐਪਰ ਮੈਥੋਂ ਜਾ ‘ਨੀਂ ਹੋਣਾ .
ਆਉਂਣ ਆਲ਼ੀ 14 ਫਰਵਰੀ ਨੂੰ
ਚੌਦਾਂ ਫਰਵਰੀ ਬਾਈ ਵਾਲ਼ੇ ਦਿਨ ,
ਲਿਖ ਹੋ ‘ਜੇ ਕੋਈ ਇਤਿਹਾਸ .
ਆਮ ਘਰਾਂ ਦੇ ਧੀਆਂ ਪੁੱਤਰ ,
ਚੋਣਾਂ ਵਿੱਚ ਹੋ ਜਾਵਣ ਪਾਸ .
ਮੈਂ ਵੇਖਿਐ ਕਿ ਬਹੁਤੇ ਲੋਕੀਂ ,
ਮੁੱਠੀਆਂ ਵਿੱਚ ਨੇ ਥੁੱਕੀਂ ਫਿਰਦੇ ,
ਲਗਦੈ ਵੋਟਰਾਂ ਤਾਈਂ ਹੋ ਗਿਆ ,
ਪਿਛਲੀਆਂ ਗ਼ਲਤੀਆਂ ਦਾ ਅਹਿਸਾਸ.
ਧੀਆਂ ਪੁੱਤਰ
ਕਾਰਾਂ ਕੋਠੀਆਂ ਤਾਂ ਲੱਭ ਦਿੰਦੇ ਨੇ ਵਥੇਰੇ ਮਾਪੇ
ਕੋਈ ਕੋਈ ਬਣਾਉਂਦੈ ਪਰ ਚੱਜ ਦੀਆਂ ਜੋੜੀਆਂ .
ਬਹੁਤੀਆਂ ਦੇ ਪੱਲੇ ਤਾਂ ਵੀ ਸੂਰਤਾਂ ਹੀ ਪੈਂਦੀਆਂ ਨੇ
ਦੁਨੀਆਂ ‘ਤੇ ਚੱਜ ਦੀਆਂ ਸੀਰਤਾਂ ਨੇ ਥੋੜੀ੍ਆਂ .
ਤੱਪੜਾਂ ‘ਤੇ ਬੈਠ ਕੇ ਵੀ ਧੀਆਂ ਪੜ੍ ਜਾਂਦੀਆਂ ਨੇ
ਮਹਿੰਗਿਆਂ ਸਕੂਲਾਂ ਵਿੱਚ ਪੁੱਤਾਂ ਤੋਂ ਨਾ ਪੜ੍ ਹੋਵੇ ,
ਪੁੱਤਰਾਂ ਦੀ ਲੋਹੜੀ ਤਾਂ ਮਨਾਉਂਦਾ ਜੱਗ ਵੇਖਿਆ ਏ
ਪਰ ਕੋਈ ਕੋਈ ਵੰਡਦਾ ਏ ਧੀਆਂ ਦੀਆਂ ਲੋਹੜੀਆਂ .
ਮੂਲ ਚੰਦ ਸ਼ਰਮਾ .
ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
