(ਸਮਾਜ ਵੀਕਲੀ)
ਅੱਖਾਂ ਬੰਦ ਤੇ ਬੁੱਲ੍ਹ ਸੀਤੇ ਨੇ ,
ਚੁੱਪ ਚ’ ਬੜਾ ਬਵਾਲ ਹੁੰਦਾ ਏ।
ਉਂਝ ਤੇ ਦਾਮਨ ਭਰਿਆ ਲੱਗਦੈ,
ਜਦ ਉਹ ਮੇਰੇ ਨਾਲ ਹੁੰਦਾ ਏ ।
ਅੱਥਰੂ ਕੌੜੇ ਸੌਂਦੀ ਨਹੀਂ ਮੈਂ ,
ਨੀਂਦਰ ਵਿੱਚ ਸਵਾਲ ਹੁੰਦਾ ਏ ।
ਸਭ ਕੁਝ ਸਭਨੂੰ ਸ਼ਾਂਤ ਈ ਦਿਸਦੈ,
ਪਰ ਮੇਰੇ ਅੰਦਰ ਭੂਚਾਲ ਹੁੰਦਾ ਏ।
ਮੈਂ ਕੁਝ ਲਿਖਦੀ ਸੀਨਾ ਪੁੱਟ ਕੇ ,
ਉਹ ਆਂਹਦਾ ਕਮਾਲ ਹੁੰਦਾ ਏ।
ਕਿਸਰਾ ਉੱਠਦੈ ਢਿੱਡੋਂ ਲਾਵਾਂ ,
ਹਾਲ ਵੀ ਪਤੈ ਬੇਹਾਲ ਹੁੰਦਾ ਏ ।
ਅੱਖਾਂ ਬੰਦ ਤੇ ਬੁੱਲ੍ਹ ਸੀਤੇ ਨੇ ,
ਚੁੱਪ ਚ’ ਬੜਾ ਬਵਾਲ ਹੁੰਦਾ ਏ।
ਸਿਮਰਨਜੀਤ ਕੌਰ ਸਿਮਰ
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
