ਬੁੱਲ੍ਹ ਕਿੱਦਾਂ ਮੈਂ ਸੀਅ ਕੇ ਰੱਖਾਂ

(ਸਮਾਜ ਵੀਕਲੀ)

ਬੁੱਲ੍ਹ ਕਿੱਦਾਂ ਮੈਂ,ਸੀਅ ਕੇ ਰੱਖਾਂ,
ਜ਼ਹਿਰ ਅੰਦਰ ਦਾ, ਪੀ ਕੇ ਰੱਖਾਂ,
ਕਦੀ ਤਾਂ ਹੱਕ ਲਈ, ਲੜਣਾ ਪੈਣਾ,
ਤੇ ਆਪਣੇ ਪੈਰੀਂ, ਖੜ੍ਹਨਾ ਪੈਣਾ ,

ਬੇਵੱਸ ਅਤੇ ਲਾਚਾਰ ਜੀ ਬਣਕੇ,
ਲੋਕ ਲੱਜ ਤੋਂ ਰਹੀ ਜੇ ਡਰ ਕੇ,
ਇੰਝ ਤਾਂ ਮੈਨੂੰ ਮਾਰ ਹੀ ਦੇਣਾ,
ਕੁੜੀ ਚਿੜੀ ਦਾ ਨਾਂ ਦੇ ਦੇਣਾ,

ਗਿਰਝ ਬਾਜ਼ ਤੇ ਕਾਂਵਾਂ ਦੇ ਨਾਲ਼,
ਗਿੱਦੜਾਂ ਤੇ ਬਘਿਆੜਾਂ ਦੇ ਨਾਲ਼,
ਕਿਸੇ ਨੂੰ ਤਾਂ ਟਕਰਾਉਣਾ ਪੈਣਾ,
ਆਪਣਾ ਆਪ ਬਚਾਉਣਾ ਪੈਣਾ,

ਪ੍ਰਿੰਸ ਜੇ ਅੱਜ ਵੀ ਕੁਝ ਨਾ ਬੋਲੀ,
ਲੋਕ ਸਮਝਦੇ ਰਹਿਣਗੇ ਗੋਲ਼ੀ,
ਇਸ ਲਈ ਮੌਨ ਤੋੜਨਾ ਪੈਣਾ,
ਜ਼ੁਲਮਾਂ ਦਾ ਮੂੰਹ ਮੋੜਨਾ ਪੈਣਾ,

ਰਣਬੀਰ ਸਿੰਘ ਪ੍ਰਿੰਸ
ਸ਼ਾਹਪੁਰ ਕਲਾਂ ਆਫ਼ਿਸਰ ਕਾਲੋਨੀ
ਸੰਗਰੂਰ 9872299613

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly