ਤਿਰੂਵਨੰਤਪੁਰਮ— ਕੇਰਲ ਦੀ ਰਾਜਧਾਨੀ ‘ਚ ਇਕ ਸਨਸਨੀਖੇਜ਼ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਇੱਕ ਨੌਜਵਾਨ ਨੇ ਆਪਣੇ ਪਰਿਵਾਰ ਦੇ ਪੰਜ ਮੈਂਬਰਾਂ ਅਤੇ ਉਸਦੀ ਪ੍ਰੇਮਿਕਾ ਦਾ ਕਤਲ ਕਰ ਦਿੱਤਾ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਨੌਜਵਾਨ ਨੇ ਪੁਲਿਸ ਅੱਗੇ ਆਤਮ ਸਮਰਪਣ ਕਰ ਦਿੱਤਾ। ਅਫਾਨ ਨੇ ਆਪਣੀ ਦਾਦੀ ਸਲਮਾ ਬੀਬੀ, 13 ਸਾਲਾ ਛੋਟੇ ਭਰਾ ਅਫਸਾਨ, ਪਿਤਾ ਦੇ ਭਰਾ ਲਤੀਫ, ਲਤੀਫ ਦੀ ਪਤਨੀ ਸ਼ਾਹਿਦਾ ਅਤੇ ਆਪਣੀ ਪ੍ਰੇਮਿਕਾ ਫਰਜ਼ਾਨਾ ਦੀ ਹੱਤਿਆ ਕਰਨ ਦੀ ਗੱਲ ਕਬੂਲ ਕੀਤੀ ਹੈ।
ਪੁਲਸ ਜਾਂਚ ‘ਚ ਪਤਾ ਲੱਗਾ ਹੈ ਕਿ ਤਿੰਨ ਘਰਾਂ ‘ਚ ਛੇ ਪੀੜਤ ਖੂਨ ਨਾਲ ਲਥਪਥ ਪਾਏ ਗਏ ਸਨ। ਅਫਾਨ ਦੇ ਦਾਅਵੇ ਮੁਤਾਬਕ ਉਸ ਦੀ ਮਾਂ ਸ਼ਮੀ ਨੂੰ ਛੱਡ ਕੇ ਬਾਕੀ ਸਾਰੇ ਪੀੜਤਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਅਫਾਨ ਦੀ ਮਾਂ ਦੀ ਹਾਲਤ ਨਾਜ਼ੁਕ ਦੱਸੀ ਜਾ ਰਹੀ ਹੈ। ਫਿਲਹਾਲ ਉਹ ਤਿਰੂਵਨੰਤਪੁਰਮ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਹੈ।
ਦੋਸ਼ੀ ਨੇ ਖੁਲਾਸਾ ਕੀਤਾ ਕਿ ਕਤਲ ਤੋਂ ਬਾਅਦ ਉਸ ਨੇ ਖੁਦ ਵੀ ਜ਼ਹਿਰ ਖਾ ਲਿਆ ਸੀ। ਅਫਾਨ ਹਾਲ ਹੀ ‘ਚ ਆਪਣੇ ਪਿਤਾ ਨਾਲ ਵਿਜ਼ਿਟਿੰਗ ਵੀਜ਼ੇ ‘ਤੇ ਵਿਦੇਸ਼ ਤੋਂ ਪਰਤਿਆ ਸੀ, ਜਦਕਿ ਉਸ ਦੀ ਮਾਂ ਕੈਂਸਰ ਦੇ ਇਲਾਜ ਨਾਲ ਜੂਝ ਰਹੀ ਸੀ। ਪੁਲਿਸ ਕਤਲ ਦੇ ਕਾਰਨਾਂ ਦੀ ਤਹਿ ਤੱਕ ਜਾਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
