ਗੁਰੂ  ਰਵਿਦਾਸ -ਚਾਨਣ  ਮੁਨਾਰਾ

ਚਾਨਣ  ਬਣ  ਫੈਲਿਆ  ਤੂੰ  ਜੱਗ  ਉਤੇ ,
ਕਿਰਨਾਂ  ਫੈਲੀਆਂ  ਤੇਰੇ  ਵਿਚਾਰ  ਦੀਆਂ।
ਪਈਆਂ  ਲੋਟੂਆਂ  ਨੂੰ  ਭਾਜੜਾਂ ਆਣ  ਓਦੋਂ ,
ਗੱਲਾਂ  ਕੀਤੀਆਂ ਤੂੰ  ਹੱਕ  ਨਿਤਾਰ ਦੀਆਂ।

ਊਚ -ਨੀਚ ਬਣਾ ਨਹੀਂ ਰੱਬ  ਭੇਜੇ ,
ਇਹ ਤਾਂ ਬਣਾਏ  ਸੀ ਲੋਕ ਲੁਟੇਰਿਆਂ ਨੇ।
ਬੰਗਲੇ ਭਗਤ ਸੀ ਬਣ ਕੇ ਰਹਿਣ ਲੁੱਟਦੇ ,
ਜੋ ਵੰਗਾਰੇ  ਸੀ ਬੋਲਾਂ  ਤੇਰਿਆਂ  ਨੇ।

ਹੱਕ ਅਤੇ ਸੱਚ ਦੀ ਸੀ ਗੱਲ ਕਰਕੇ ,
ਦੱਬੇ -ਕੁਚਲਿਆਂ ਦਾ ਸੀ ਸਹਾਰਾ ਬਣਿਆ।
ਹੋਕਾ ਸੱਚ ਦਾ ਦੇ ਕੇ  ਜਨਤਾ ਨੂੰ ,
ਕੁੱਲ  ਦੁਨੀਆਂ ਦਾ ਚਾਨਣ ਮੁਨਾਰਾ ਬਣਿਆ।

ਜਦੋਂ ਤੱਕ  ਨੇ ਚੰਦ ਸਿਤਾਰੇ ਰਹਿਣਗੇ ,
ਸੋਚਾਂ ਤੇਰੀਆਂ ਦੇ ਪਹਿਰੇਦਾਰ ਹੋਣਗੇ।
ਇਕ ਬਰਾਬਰ ਹੋਣਗੇ ਲੋਕ ਸਾਰੇ ,
ਸਾਰੇ ਜੱਗ  ਵਿਚ ਮਹਿਕਦੇ ਪਿਆਰ ਹੋਣਗੇ।

ਤਰਸੇਮ ਸਹਿਗਲ 

‘ਸਮਾਜ ਵੀਕਲੀ’ ਐਪ ਡਾਊਨ ਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly