ਗੁਰੂ ਹਰਕ੍ਰਿਸ਼ਨ ਸਕੂਲ ‘ਚ ਰੰਗੋਲੀ ਤੇ ਹੋਰ ਮੁਕਾਬਲੇ ਕਰਵਾਏ

ਕਪੂਰਥਲਾ, (ਸਮਾਜ ਵੀਕਲੀ)  ( ਕੌੜਾ )–  ਰੇਲ ਕੋਚ ਫੈਕਟਰੀ ਸਾਹਮਣੇ ਸਥਿਤ ਸ੍ਰੀ ਗੁਰੂ ਹਰਕ੍ਰਿਸ਼ਨ ਪਬਲਿਕ ਸਕੂਲ ਵਿਖੇ ਪ੍ਰਿੰਸੀਪਲ ਪ੍ਰਬਦੀਪ ਕੌਰ ਮੋਂਂਗਾ ਦੀ ਅਗਵਾਈ ਵਿਚ ਦੀਵਾਲੀ ਨੂੰ ਸਮਰਪਿਤ ਮੁਕਾਬਲੇ ਕਰਵਾਏ ਗਏ । ਬੋਰਡ ਡੈਕੋਰੇਸ਼ਨ ਮੁਕਾਬਲੇ ਵਿੱਚ ਗਿਆਰਵੀਂ ਕਾਮਰਸ ਪਹਿਲੇ ਸਥਾਨ ‘ਤੇ ਕਬਜ਼ਾ ਕਰਨ ਵਿਚ ਸਫਲ ਰਹੀ ਅਤੇ ਦਸਵੀਂ ਬੀ ਦੂਸਰੇ ਸਥਾਨ ‘ਤੇ ਰਹੀ । ਇਸੇ ਤਰ੍ਹਾਂ ਪ੍ਰਾਇਮਰੀ ਵਿੰਗ ਵਿੱਚੋਂ ਜਮਾਤ ਚੌਥੀ ਏ ਪਹਿਲੇ, ਜਮਾਤ ਪਹਿਲੀ ਏ ਦੂਸਰੇ ਅਤੇ ਪੰਜਵੀਂ ਏ ਤੀਸਰੇ ਸਥਾਨ ‘ਤੇ ਰਹੀ । ਕੇ ਜੀ ਵਿੰਗ ਵਿੱਚੋਂ ਨਰਸਰੀ ਰੋਜ਼ ਪਹਿਲੇ, ਐਲ ਕੇਜੀ ਰੋਜ ਦੂਸਰੇ ਅਤੇ ਅਤੇ ਯੂ ਕੇਜੀ ਜੈਸਮੀਨ ਤੀਸਰੇ ਨੰਬਰ ਸਥਾਨ ‘ਤੇ ਰਹੀ । ਪ੍ਰਾਈਮਰੀ ਵਿੰਗ ਦੇ ਵਿਦਿਆਰਥੀਆਂ ਦਰਮਿਆਨ ਮੋਮਬੱਤੀਆਂ ਅਤੇ ਦੀਵਾ ਸਜਾਵਟ ਮੁਕਾਬਲਾ ਵੀ ਕਰਵਾਇਆ ਗਿਆ । ਜਦਕਿ ਸੀਨੀਅਰ ਵਿੰਗ ਦੇ ਵਿਦਿਆਰਥੀਆਂ ਦਰਮਿਆਨ ਇੰਟਰ ਹਾਉਸ ਥਾਲੀ ਡੈਕੋਰੇਸ਼ਨ ਅਤੇ ਰੰਗੋਲੀ ਪ੍ਰਤੀਯੋਗਤਾ ਕਰਵਾਈ ਗਈ । ਜਿਸ ਵਿੱਚ ਭਗਤ ਸਿੰਘ ਹਾਉਸ ਜੇਤੂ ਰਿਹਾ । ਨੇਤਾ ਜੀ ਹਾਉਸ ਦੂਸਰੇ ਅਤੇ ਊਧਮ ਸਿੰਘ ਹਾਊਸ ਤੀਸਰੇ ਸਥਾਨ ‘ਤੇ ਰਿਹਾ । ਸਕੂਲ ਦੀ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਬੀਬੀ ਗੁਰਪ੍ਰੀਤ ਕੌਰ ਮੈਂਬਰ ਸ਼੍ਰੋਮਣੀ ਕਮੇਟੀ, ਡਾਇਰੈਕਟਰ ਸਕੂਲ ਇੰਜੀਨੀਅਰ ਹਰਨਿਆਮਤ ਕੌਰ ਅਤੇ ਪ੍ਰਸਾਸ਼ਕ ਇੰਜੀਨੀਅਰ ਨਿਮਰਤਾ ਕੌਰ ਨੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ ।