(ਸਮਾਜ ਵੀਕਲੀ)
ਦਿਲੋਂ ਇਹ ਅਦੀਬਾਂ ਦੇ ਜਾਈਂ ਗ਼ਜ਼ਲ ਹੈ।
ਤਾਹੀਂ ਤਾਜ ਸਿਰ ਤੇ ਸਜਾਈ ਗ਼ਜ਼ਲ ਹੈ।
ਕਸ਼ਿਸ਼ ਇਸ਼ਕ ਮੇਰਾ,ਮੇਰੀ ਬੰਦਗੀ ਵੀ,
ਤੇ ਰੋਮਾਂ ਚ ਮੇਰੇ,ਸਮਾਈ ਗ਼ਜ਼ਲ ਹੈ।
ਹਕੀਕੀ ਮਹੁੱਬਤ ਅਸਲ ਤਾਜ਼ਗੀ ਵੀ
ਇਹ ਕੋਮਲ ਤੇ ਨਿਰਮਲ ,ਖੁਦਾਈ ਗ਼ਜ਼ਲ ਹੈ।
ਵਸੀ ਦਿਲ ਚ ਮੇਰੇ,ਹੈ ਖੁਸ਼ਬੂ ਦੇ ਵਾਂਗੂੰ,
ਸਨਦ ਸਾਦਗੀ ਚੋਂ ਮੈਂ ਪਾਈ ਗ਼ਜ਼ਲ ਹੈ।
ਉਨ੍ਹਾਂ ਸ਼ਾਇਰਾਂ ਨੂੰ ਮੈਂ ਪਰਨਾਮ ਕਰਦਾਂ,
ਜਿਨ੍ਹਾਂ ਨੇ ਤੁਰੰਨਮ ਚ ਗਾਈ ਗ਼ਜ਼ਲ ਹੈ।
ਇਹ ਉਰਦੂ ਤੇ ਅਰਬੀ ਕਦੀ ਫ਼ਾਰਸੀ ਵਿਚ,
ਤੇ ਹੁਣ ਪੰਜ ਆਬਾਂ ਚ ਛਾਈ ਹੈ ਗ਼ਜ਼ਲ।
ਮੇਜਰ ਸਿੰਘ ਰਾਜਗੜ੍ਹ
