ਦੋਸਤੀ

(ਸਮਾਜ ਵੀਕਲੀ)

ਦੋਸਤ ਦੋ ਸੱਚ ,
ਦੋਸਤੀ ਦਾ ਮਤਲਬ
ਸਰੀਰਕ ਖੇਲ ਨਹੀ ਹੁੰਦਾ।
ਦੋਸਤੀ ਦੋ ਸਤ,
ਦੋ ਰਸ ਹੁੰਦੈ,
ਦੋ ਸਤਾਹ ਕਾਇਮ ਰੱਖੀਏ,
ਕਦੇ ਵੀ ਊਚ ਨਾ ਨੀਚ ਹੋਵੇ।
ਦੋਸਤੀ ਸਰੀਰਕ ਸੰਬੰਧ ਨਹੀ,
ਮਿਠਾਸ ਭਰੀ ਬੋਲ ਚਾਲ ਹੋਵੇ।
ਦੋਸਤੀ ਰੁੱਖ ਮਨੁੱਖ ਦੀ ਹੋ ਸਕਦੀ,
ਦੁੱਖ ਸੁੱਖ ਦੀ ਵੀ ਹੋ ਸਕਦੀ।
ਦੋਸਤੀ ਰੱਜੇ ਭੁੱਖੇ ਦੀ ਵੀ ਹੋ ਸਕਦੀ,
ਦੋਸਤੀ ਪੋਸਤੀ ਸੁੱਖੇ ਦੀ ਵੀ ਹੋ ਸਕਦੀ।
ਦੋਸਤੀ ਐਸ਼ ਪ੍ਰਸਤੀ ਨਹੀ,
ਦੋਸਤੀ ਗੰਦੀ ਬਸਤੀ ਨਹੀ।
ਦੋਸਤ ਦੁੱਖ ਸੁੱਖ ਵਿੱਚ,
ਹਮੇਸ਼ਾਂ ਭਾਈਵਾਲ ਹੋਵੇ।
ਦੋਸਤੀ ਪਵਿੱਤਰ ਰਿਸ਼ਤਾ,
ਨਾਲੇ ਆਤਮਿਕ ਰਿਸ਼ਤਾ,
ਰੱਬੀ ਦਾਤ ਦੋਸਤੀ ਦੇ ਲਈ,
ਨੇਕ ਵਿਚਾਰ ਜੇ ਨਾਲ ਹੋਵੇ।
ਅੱਖਾਂ ਦੇਖਣ ਪਰਖਣੇ ਲਈ ,
ਕੰਨ ਮਿੱਠੇ ਬੋਲ ਸੁਣਨੇ ਲਈ,
ਦਿਲ ਦੋਸਤ ਕੈਦ ਰੱਖਣੇ ਲਈ ਨਹੀ,
ਇਹ ਇਸਦਾ ਨਿੱਜੀ ਮਕਾਨ ਹੈ।
ਕਦੇ ਵੀ ਆ ਸਕਦਾ ਹੈ,
ਕਦੇ ਵੀ ਜਾ ਸਕਦਾ ਹੈ।
ਦੋਸਤੀ ਵਿੱਚ ਬੰਦਿਸ਼,
ਕੈਦੀ ਵਾਂਗ ਨਹੀ,
ਪਵਿੱਤਰ ਰਿਸ਼ਤੇ ਲਈ,
ਕਾਨੂੰਨ ਹੁੰਦਾ ਏ।
ਕਰਨਾ ਕਦੇ ਨਾ,
ਪਵਿੱਤਰ ਰਿਸ਼ਤੇ ਦਾ ,
ਜਾਣੇ ਅਣਜਾਣੇ ਵਿੱਚ,
ਇਸਦਾ ਖ਼ੂਨ ਹੁੰਦਾ ਏ।
ਦੋਸਤੀ ਕਿਸੇ ਨੂੰ ਚੁੱਕ ,
ਗਿਰਾਉਣਾ ਨਹੀ ਹੁੰਦਾ।
ਦੋਸਤ ਕਿਸੇ ਨੂੰ ਬਿਨ ਪਰਖੇ,
ਠੁਕਰਾਉਣਾ ਨਹੀ ਹੁੰਦਾ ।
ਦੋਸਤ ਐਸ਼ ਪਰਸਤੀ ਲਈ,
ਝੁਕਾਉਣਾ ਨਹੀ ਹੁੰਦਾ ।
ਦੋਸਤੀ ਮਨੁੱਖ ਨਾਲ ,
ਰੁੱਖ ਨਾਲ ਵੀ ਹੋਵੇ।
ਹਾਲ ਸੁਣਾਈਏ ਜਿਸਨੂੰ,
ਸੱਚੇ ਸੁੱਚੇ ਦੋਸਤ ਦੀ ਭਾਲ ਹੋਵੇ।
ਦੋਸਤੀ ਦਿਖਾਵਾ ਦਾਨਿਆ ਨਾ,
ਦੋਸਤੀ ਵਿੱਚ ਬੰਦਿਸ਼ ਨਾ ਉਮਰ ਦੀ।
ਦੋਸਤੀ ਲਈ ਵੱਜਣਾ ਸਾਜ਼ ਚਾਹੀਦਾ,
ਜਾਂਚ ਆਉਣੀ ਚਾਹੀਦੀ ਝੂਮਰ ਦੀ।
ਦੋਸਤੀ ਵਿੱਚ ਗੁਣ ਵੰਡੀਏ,
ਤੇ ਗੁਣ ਗਰਹਿਣ ਕਰੀਏ,
ਐਬ ਮੁਕਤੀ ਲਈ ਤਾਂ,
ਕੋਸ਼ਿਸ਼ ਹਰ ਹਾਲ ਹੋਵੇ।
ਦੋਸਤੀ ਰਹੇ ਬਰਕਰਾਰ,
ਗਰਮੀ ਜਾਂ ਸਿਆਲ ਹੋਵੇ।
ਦੋਸਤ ਉਹ ਜਿਸਨੂੰ,
“ਸੰਗਰੂਰਵੀ”ਦਾ ਖ਼ਿਆਲ ਹੋਵੇ।

ਸਰਬਜੀਤ ਸੰਗਰੂਰਵੀ
ਪੁਰਾਣੀ ਅਨਾਜ ਮੰਡੀ ਸੰਗਰੂਰ।
9463162463

‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly