(ਸਮਾਜ ਵੀਕਲੀ)
ਸੋਂਹਣੀ ਏ ਈਦ ਤਦ ਹੀ , ਗਲ ਲਾ ਗਰੀਬ ਜ਼ਮਾਨੇ ਦੇ
ਕਾਦਰ ਦੇ ਗੀਤ ਗਾਵੇ, ਨਾਨਕ ਨਾਲ਼ ਮਰਦਾਨੇ ਦੇ
ਈਦ ਤੇਰੀ ਐ ….
ਈਦ ਮੇਰੀ ਐ…..
ਈਦ ਮੁਬਾਰਕ ਯਾਰੋ…..ਈਦ ਮੁਬਾਰਕ……
ਤੰਗ ਦਿਲੀ ਨਾ ਰਹੇ , ਦਵੈਸ਼ ਰਹੇ ਨਾ ਮਨਾਂ ਵਿਚ
ਆਜੋ ਮਹੁੱਬਤ ਘੋਲ ਦਈਏ, ਬਿਆਸ ਤੇ ਝਨਾ ਵਿਚ
ਰਬਾਬ ਦੀ ਤਾਰ ਟੁਣਕੇ, ਸਲਾਮ ਦੇ ਨਜ਼ਰਾਨੇ ਦੇ
ਸੋਹਣੀਂ ਏ ਈਦ ਤਦ ਹੀ….. ……….
ਸ਼ੂਫ਼ੀ, ਸੰਤ ਫ਼ਕੀਰ, ਸਾਂਈ, ਮਹੁੱਬਤ ਵੰਡਦੇ ਪਿਆਰ ਨੇ
ਝੁਕਾ ਕੇ ਸਿਰ ਸਿੱਜਦਾ ਕਰੀਂ, ਇਹੋ ਰੱਬ ਦੇ ਦੀਦਾਰ ਨੇ
ਤਸਬੀਹ ਚੋਂ ਖੋਲ ਦਿੰਦੇ, ਰਾਹ ਅਲਾਹੀ ਖਜ਼ਾਨੇ ਦੇ
ਸੋਹਣੀਂ ਏ ਈਦ ਤਦ ਹੀ………………
ਆਉਣ ਖੁਸ਼ੀਆਂ ਸਦਾ ਹੀ, ਈਦ ਬਣਕੇ ਦੀਵਾਲੀ ਕਦੇ
ਰਹੇ ਜੱਫੀ ਪੈਂਦੀਂ ਭਰਾਵਾਂ ਦੀ, ਗੀਤ, ਗਾਉਣ ਕਵਾਲੀ ਕਦੇ
ਇਸ ਪਿਆਰ ਨੂੰ ਲੱਗੇ ਨਾ ਨਜ਼ਰ, ਚੰਦਰੇ ਬਿਗ਼ਾਨੇ ਦੀ
ਸੋਹਣੀਂ ਏ ਈਦ ਤਦ ਹੀ.. …………….
ਆਓ “ਬਾਲੀ'” ਪਾੜ ਦਈਏ , ਬਹਿ ਨਫ਼ਰਤਾਂ ਦੇ ਵਰਕੇ
“ਰੇਤਗੜੵ” ਲਾ ਲਈਏ ਗਲੇ, ਗੁਸਤਾਖ਼ੀ ਮੁਆਫ਼ ਕਰਕੇ
ਪੰਜ ਪਾਣੀਆਂ ਦੇ ਜਾਏ ਅਸੀਂ, ਵਾਰਿਸ ਨਾਨਕ ਮਰਦਾਨੇ ਦੇ ਸੋਹਣੀਂ ਏ ਈਦ ਤਦ ਹੀ………………………
ਬਲਜਿੰਦਰ ਸਿੰਘ ” ਬਾਲੀ ਰੇਤਗੜੵ “
00919465129168
