ਪੁਣੇ : ਪੁਣੇ ਕਾਰ ਹਾਦਸੇ ਵਿੱਚ ਨਾਮਜ਼ਦ ਨਾਬਾਲਗ ਦੋਸ਼ੀ ਦੇ ਪਿਤਾ ਅਤੇ ਦਾਦਾ ਦੀਆਂ ਮੁਸੀਬਤਾਂ ਹੋਰ ਵੱਧ ਗਈਆਂ ਹਨ। ਮਹਾਰਾਸ਼ਟਰ ਪੁਲਿਸ ਨੇ ਹੁਣ ਵਪਾਰੀ ਦੇ ਪੁੱਤਰ ਨੂੰ ਖੁਦਕੁਸ਼ੀ ਲਈ ਉਕਸਾਉਣ ਦੇ ਦੋਸ਼ ਵਿੱਚ ਨਾਬਾਲਗ ਦੇ ਪਿਤਾ-ਦਾਦੇ ਅਤੇ ਤਿੰਨ ਹੋਰਾਂ ਖ਼ਿਲਾਫ਼ ਵੱਖਰਾ ਕੇਸ ਦਰਜ ਕੀਤਾ ਹੈ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਪੁਣੇ ਦੇ ਵਡਗਾਓਂ ਸ਼ੈਰੀ ਇਲਾਕੇ ਵਿੱਚ ਉਸਾਰੀ ਕਾਰੋਬਾਰੀ ਡੀਐਸ ਕਤੂਰੇ ਨੇ ਵਿਨੈ ਕਾਲੇ ਨਾਮ ਦੇ ਵਿਅਕਤੀ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਈ ਸੀ। ਡੀਐਸ ਕਤੂਰੇ ਦੇ ਪੁੱਤਰ ਸ਼ਸ਼ੀਕਾਂਤ ਕਤੂਰੇ ਨੇ ਉਸਾਰੀ ਦੇ ਕੰਮ ਲਈ ਵਿਨੈ ਕਾਲੇ ਤੋਂ ਕਰਜ਼ਾ ਲਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਜਦੋਂ ਕਤੂਰੇ ਸਮੇਂ ਸਿਰ ਕਰਜ਼ਾ ਨਾ ਮੋੜ ਸਕਿਆ ਤਾਂ ਕਾਲੇ ਨੇ ਉਸ ਨੂੰ ਕਥਿਤ ਤੌਰ ‘ਤੇ ਮੂਲ ਰਕਮ ‘ਤੇ ਕੰਪਾਊਂਡ ਵਿਆਜ ਵਸੂਲਣ ਦੀ ਧਮਕੀ ਦੇ ਕੇ ਤੰਗ ਪ੍ਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ। ਪੁਲਿਸ ਮੁਤਾਬਕ ਸ਼ਸ਼ੀਕਾਂਤ ਕਤੂਰੇ ਨੇ ਇਸੇ ਸਾਲ ਜਨਵਰੀ ‘ਚ ਤਸ਼ੱਦਦ ਕਾਰਨ ਖੁਦਕੁਸ਼ੀ ਕਰ ਲਈ ਸੀ। ਕਾਲੇ ਦੇ ਖਿਲਾਫ ਸ਼ਹਿਰ ਦੇ ਚੰਦਨਨਗਰ ਪੁਲਸ ਸਟੇਸ਼ਨ ‘ਚ ਭਾਰਤੀ ਦੰਡਾਵਲੀ (ਆਈਪੀਸੀ) ਦੀ ਧਾਰਾ 306 (ਖੁਦਕੁਸ਼ੀ ਲਈ ਉਕਸਾਉਣਾ) ਅਤੇ 506 (ਅਪਰਾਧਿਕ ਧਮਕੀ) ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ।
ਪੁਲਸ ਅਧਿਕਾਰੀ ਨੇ ਕਿਹਾ, ”ਖੁਦਕੁਸ਼ੀ ਮਾਮਲੇ ਦੀ ਜਾਂਚ ਦੌਰਾਨ ਨਾਬਾਲਗ ਦੇ ਪਿਤਾ (ਬਿਲਡਰ), ਦਾਦਾ ਅਤੇ ਤਿੰਨ ਹੋਰ ਲੋਕਾਂ ਦੀ ਭੂਮਿਕਾ ਸਾਹਮਣੇ ਆਈ ਹੈ। ਅਸੀਂ ਹੁਣ ਇਸ ਕੇਸ ਵਿੱਚ ਆਈਪੀਸੀ ਦੀਆਂ ਧਾਰਾਵਾਂ 420 (ਧੋਖਾਧੜੀ) ਅਤੇ 34 (ਸਾਧਾਰਨ ਇਰਾਦਾ) ਨੂੰ ਵੀ ਜੋੜਿਆ ਹੈ। ਦੱਸ ਦੇਈਏ ਕਿ ਨਾਬਾਲਗ ਮੁਲਜ਼ਮ ਦੇ ਦਾਦਾ-ਦਾਦੀ ਦਾ ਅੰਡਰਵਰਲਡ ਨਾਲ ਸਬੰਧ ਵੀ ਸਾਹਮਣੇ ਆਇਆ ਸੀ। ਹੁਣ ਨਾਬਾਲਗ ਦੋਸ਼ੀ ਦੇ ਪਿਤਾ ਅਤੇ ਦਾਦੇ ਖਿਲਾਫ ਇਕ ਹੋਰ ਮਾਮਲਾ ਦਰਜ ਕੀਤਾ ਗਿਆ ਹੈ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
