ਧਰਮ-ਰਾਜ

 (ਸਮਾਜ ਵੀਕਲੀ)  

ਬਣਾ ਰਹੇ ,ਲੋਕਾਂ ਨੂੰ ਮੂਰਖ ,
ਧਰਮ,ਰਾਜ ਨੇ ਪਾਈ ਜੋਟੀl

ਸਾਨੂੰ ਲਾਉਣ,ਸਵਰਗੀ ਲਾਰੇ,
ਨੀਤ ਇਹਨਾਂ ਦੀ ਪੂਰੀ ਖੋਟੀ l

ਆਪਣਾ ਫ਼ਾਇਦਾ,ਜੇਕਰ ਹੋਵੇ,
ਸਾਡੀ ਕਰਾ ਦੇਣ,ਬੋਟੀ ਬੋਟੀ l

ਹਾਂ,ਆਪੇ ਕਰਕੇ ਪੈਂਦਾ ਖਾਣਾ,
ਕੋਈ ਰੱਬ ਨਹੀਂ ਦਿੰਦਾ ਰੋਟੀ l

ਕਿਹੜੀ ਪੂਜਾ ਠੰਢ ਹਟਾਵੇ ?
ਬਿਨਾਂ ਪਾਏ ਨਾ,ਸਰਦਾ ਕੋਟੀl

ਕੋਈ ਇਹਨਾਂ ਦੇ ਪਰਦੇ ਫੋਲੇ,
ਮਾਰਨ ਆਉਂਦੇ,ਵੱਡੀ ਸੋਟੀ l

ਸੱਚ ਇਨਾ੍ਂ ਦੇ ,ਸੂਲ ਕਰਦਾ,
ਝੂਠ ਸਦਾ ਇਹ,ਜਾਂਦੇ ਘੋਟੀl

ਜਸਵੀਰ ਮੋਰੋਂ, ਰਲਕੇ ਦੋਵੇਂ,
ਵੇਖ,ਸਾਨੂੰ ਹਨ ਜਾਂਦੇ ਭੋਟੀl