“ਦ੍ਰਿੜਤਾ” !!!!

ਹਰ ਤਰਾਂ ਦੇ “ਵਿਰੋਧੀ ਹਾਲਾਤਾਂ ਦੇ ਬਾਵਜੂਦ”, ਆਪਣੇ “ਆਕੀਦੇ ‘ਤੇ ਡਟੇ ਰਹਿਣ” ਨੂੰ “ਦ੍ਰਿੜਤਾ” ਕਹਿੰਦੇ ਹਨ !

“ਕੀਮਤ” ਵੀ ਉਨਾਂ ਦੀ ਪੈਂਦੀ ਹੈ, ਜਿਹੜੇ “ਹੌਸਲਾ ਨਹੀਂ ਹਾਰਦੇ” !

“ਵਗਦੀ ਹਵਾ ਦੀ ਦਿਸ਼ਾ ਵਿਚ”, ਸਿਰਫ “ਸੁੱਕੇ ਪੱਤੇ” ਹੀ ਉਡਦੇ ਹਨ !

“ਹਾਰ ਜਾਣ” ਦੇ ਬਾਵਜੂਦ, “ਕੀਤੀ ਗਈ ਕੋਸ਼ਿਸ਼” ਨੂੰ “ਸਫਲਤਾ” ਕਹਿੰਦੇ ਹਨ !

ਕਹਿੰਦੇ “ਫੈਸਲਾ ਕਰਨ ਦੀ ਲੋੜ ਹੀ ਉਦੋਂ ਪੈਂਦੀ ਹੈ” ;

ਜਦੋਂ ਕੋਈ “ਰੁਕਾਵਟ” ਹੋਵੇ !

ਕਿਸੇ “ਫੈਸਲੇ ਦਾ ਮੁੱਲ, ਫੈਸਲਾ ਕਰਨ ਤੋਂ ਬਾਅਦ” :

“ਉਸ ਉੱਤੇ ਦ੍ਰਿੜ ਰਹਿਣ ਦੇ ਅਨੁਪਾਤ ਵਿਚ ਹੀ ਪੈਂਦਾ ਹੈ” !

ਕਿਸੇ “ਕੰਮ ਵਿਚ ਨਿਪੁੰਨ ਹੋਣਾ, ਆਪਣੇ ਬੋਲਾਂ ‘ਤੇ ਪਹਿਰਾ ਦੇਣਾ, ਕੀਤੇ ਵਾਦੇ ਨੂੰ ਮੁਸ਼ਕਿਲਾਂ ਦੇ ਬਾਵਜੂਦ ਪੂਰਾ ਕਰਨਾ” ;

ਇੱਥੋਂ ਤੱਕ “ਸਰਬੱਤ ਦਾ ਭਲਾ ਮੰਗਣਾ”, ਦ੍ਰਿੜਤਾ ਤੋਂ ਬਿਨਾਂ ਅਸੰਭਵ ਹੈ !

ਇਸੇ ਕਰਕੇ “ਕਿਸੇ ਵਲੋਂ ਦਿੱਤੀ ਧਮਕੀ” ਕੋਈ “ਮਾਅਨੇ ਨਹੀਂ ਰੱਖਦੀ” : ਕਿਉਂਕਿ “ਉਹਦੇ ਪਿਛੋਕੜ ਵਿਚ, ਧਮਕੀ ਦੇਣ ਵਾਲੇ” ਵਲੋਂ “ਬੋਲਾਂ ਤੋਂ ਮੁੱਕਰਨ” ਦੀਆਂ ਕਹਾਣੀਆਂ ਹੁੰਦੀਆਂ ਹਨ !

ਜਿਹੜੇ “ਡਰ ‘ਤੇ ਕਾਬੂ” ਪਾ ਲੈਣ, ਉਨਾਂ ਨੂੰ “ਬਹਾਦਰ” ਕਿਹਾ ਜਾਂਦਾ ਹੈ !

“ਬਹਾਦਰ” ਲੋਕ “ਮੁਸ਼ਕਲਾਂ ਨੂੰ ਅੱਗੇ ਹੋ ਕੇ ਟੱਕਰਦੇ ਹਨ” :

ਸ਼ਾਇਦ ਜਾਣਦੇ ਹੋਣ ਕਿ “ਮਸਤ ਹਾਥੀ ਕਿਲੇ ਦੇ ਦਰਵਾਜੇ ਤੋੜ ਕੇ ਅੰਦਰ ਆ ਗਿਆ ਤਾਂ ਨੁਕਸਾਨ ਵਧੇਰੇ ਹੋਵੇਗਾ” !

“ਸ਼ੇਰ” ਦੇ ਬਾਬਤ ਕਿਹਾ ਜਾਂਦਾ ਹੈ ਕਿ “ਵਗਦੇ ਦਰਿਆ ਨੂੰ ਪਾਰ ਕਰਨ ਸਮੇ, ਪਾਣੀ ਦੇ ਵਹਾ ਦੇ ਉਲਟ ਚਲਦਾ ਹੈ” !

“ਪਾਣੀ ਦੀਆਂ ਲਹਿਰਾਂ ਨੂੰ, ਹਿੱਕ ਡਾਹ ਕੇ ਟੱਕਰਨਾ” :

“ਕਾਇਰਾਂ ਦੇ ਵੱਸ ਦਾ ਰੋਗ ਨਹੀਂ” !

ਜਿਹੜੇ “ਚਲਾਕੀਆਂ ਕਰਦੇ ਹਨ” ਅਤੇ “ਝੂਠ ਬੋਲਦੇ ਹਨ”, ਉਹ “ਭੀੜਾਂ ਦੇ ਓਹਲੇ” ਭਾਲਦੇ ਰਹਿੰਦੇ ਹਨ !

“ਝੂਠੇ, ਚਲਾਕ ਤੇ ਭ੍ਰਿਸ਼ਟ” ਲੋਕ “ਪੱਖਪਾਤ ਭਰਿਆ ਜੀਵਨ” ਜਿਉਂਦੇ ਹਨ !

“ਸਿਦਕ ਤੇ ਦ੍ਰਿੜਤਾ” ਤੋਂ ਬਿਨਾਂ “ਪੱਖਪਾਤ ਨੂੰ ਜਿੱਤਿਆ” ਨਹੀਂ ਜਾ ਸਕਦਾ !

ਕਿਉਂ, “ਸਿਦਕ ਦੇ ਬੇੜੇ ਪਾਰ” ਵਾਲੀ ਕਹਾਵਤ ਨੀਂ ਸੁਣੀ ?

ਵੈਸੇ ਵੀ “ਅਗਰ ਕਿਸੇ ਇਨਕਲਾਬ ਦਾ ਮੁਢ ਬੰਨਣਾ ਹੈ” :

ਤਾਂ “ਕੁਝ ਨਵਾਂ ਸੋਚਣਾ ਅਤੇ ਨਵਾਂ ਸਿਰਜਣਾ ਪਵੇਗਾ” !

ਖਿਆਲ ਰੱਖਿਓ ! “ਸਫਲ ਨਾਂ ਵੀ ਹੋਏ” ਤਾਂ ਵੀ “ਹਿੰਮਤ ਨਾਂ ਹਾਰਿਓ” :

ਕਿਉਂਕਿ “ਦ੍ਰਿੜ ਇਰਾਦੇ” ਤੋਂ ਬਿਨਾਂ, “ਹੰਢਣਸਾਰ ਪਰਿਵਰਤਨ” ਨੀਂ ਆਉਂਦੇ !

ਨਾਲੇ “ਸੌਖੀਆਂ ਜਿੱਤਾਂ” ਦਾ “ਮਾਣ-ਸਤਿਕਾਰ ਕੌਣ ਕਰਦਾ” ?

ਤੁਸੀਂ ਵੀ “ਪਾਣੀ ਦੇ ਵਹਾ ਦੇ ਉਲਟ” ਜਾਣ ਤੋਂ ਡਰਿਓ ਨਾਂ !

ਅਗਰ “ਜਿਉਂਦੇ ਹੋ ਤਾਂ” !

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly