ਅਲੱਗ–ਅਲੱਗ ਦੇਸ਼ਾਂ ਤੋਂ ਆਏ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਸਾਂਸਕ੍ਰਿਤਿਕ ਸ਼ਾਨ ਅਤੇ ਅਕਾਦਮਿਕ ਉਪਲਬਧੀਆਂ ਲਈ ਕੀਤਾ ਗਿਆ ਸਨਮਾਨਿਤ
ਲੁਧਿਆਣਾ (ਸਮਾਜ ਵੀਕਲੀ) ( ਕਰਨੈਲ ਸਿੰਘ ਐੱਮ.ਏ.) ਸੀ.ਟੀ. ਯੂਨੀਵਰਸਿਟੀ ਨੇ 2025 ਬੈਚ ਦੇ ਇੰਟਰਨੈਸ਼ਨਲ ਵਿਦਿਆਰਥੀਆਂ ਦੀ ਅਕਾਦਮਿਕ ਯਾਤਰਾ ਦੀ ਕਾਮਯਾਬੀ ਨੂੰ ਮਨਾਉਂਦੇ ਹੋਏ ਗਰਵ ਨਾਲ ਗ੍ਰੈਜੂਏਸ਼ਨ ਸਮਾਰੋਹ ਆਯੋਜਿਤ ਕੀਤਾ। ਇਹ ਸਮਾਰੋਹ ਇੱਕ ਉਤਸ਼ਾਹਪੂਰਕ ਮੌਕਾ ਸੀ ਜਿਸ ’ਚ ਵਿਭਿੰਨ ਸੰਸਕ੍ਰਿਤੀਆਂ, ਭਾਸ਼ਾਵਾਂ ਅਤੇ ਸਪਨੇ ਇਕੱਠੇ ਹੋਏ। ਜਿੰਬਾਬਵੇ, ਨਾਈਜੀਰੀਆ, ਲਾਈਬੀਰੀਆ, ਮਲਾਵੀ, ਤਨਜ਼ਾਨੀਆ, ਨਾਮੀਬੀਆ ਅਤੇ ਦੱਖਣੀ ਸੁਡਾਨ ਤੋਂ ਆਏ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਪੂਰੀ ਹੋਈ ਪੜ੍ਹਾਈ ਲਈ ਸਨਮਾਨਿਤ ਕੀਤਾ ਗਿਆ। ਪੂਰੇ ਕੈਂਪਸ ’ਚ ਇੰਟਰਨੈਸ਼ਨਲ ਇਕਤਾ ਦੀ ਝਲਕ ਦਿੱਖੀ ਗਈ। ਵਿਦਿਆਰਥੀਆਂ ਦੀ ਰੁਖਸਤ ਨੂੰ ਇਤਫ਼ਾਕ, ਮੋਹ ਅਤੇ ਸ਼ਾਨਦਾਰ ਯਾਦਾਂ ਦੇ ਰੂਪ ਵਿੱਚ ਮਨਾਇਆ ਗਿਆ। ਇਸ ਸਮਾਰੋਹ ਦੀ ਸ਼ੁਰੂਆਤ ਸੀ.ਟੀ. ਯੂਨੀਵਰਸਿਟੀ ਦੇ ਪ੍ਰੋ ਚਾਂਸਲਰ ਡਾ: ਮਨਬੀਰ ਸਿੰਘ ਦੇ ਸਨਮਾਨਿਤ ਸੰਬੋਧਨ ਨਾਲ ਹੋਈ, ਜਿਨ੍ਹਾਂ ਨੇ ਇੰਟਰਨੈਸ਼ਨਲ ਵਿਦਿਆਰਥੀਆਂ ਦੇ ਯੋਗਦਾਨ ਲਈ ਤਹਿ ਦਿਲੋਂ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ, “ਸੀ ਟੀ ਯੂ ਨੂੰ ਮਾਣ ਹੈ ਕਿ ਇਹ ਵਿਸ਼ਵ ਪੱਧਰੀ ਸਿੱਖਿਆ ਦਾ ਕੇਂਦਰ ਹੈ ਅਤੇ ਤੁਸੀਂ ਇੱਥੇ ਆਪਣੀ ਸੰਸਕ੍ਰਿਤਕ ਰੰਗਤ ਅਤੇ ਮਿਹਨਤ ਨਾਲ ਨਵਾਂ ਮਿਆਰ ਸੈੱਟ ਕੀਤਾ ਹੈ।” ਕੈਂਪਸ ਡਾਇਰੈਕਟਰ ਡਾ: ਸੰਗਰਾਮ ਸਿੰਘ ਨੇ ਵੀ ਵਿਦਿਆਰਥੀਆਂ ਨੂੰ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੰਦਿਆਂ ਉਨ੍ਹਾਂ ਨੂੰ ਲਗਾਤਾਰ ਮਿਹਨਤ ਕਰਨ ਲਈ ਪ੍ਰੇਰਿਤ ਕੀਤਾ। ਡਾਇਰੈਕਟਰ ਇੰਟਰਨੈਸ਼ਨਲ ਅਫੇਅਰਜ਼ ਨਰੇਸ਼ ਸ਼ਰਮਾ ਜੀ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਦੀ ਮਿਹਨਤ, ਲਗਨ ਅਤੇ ਸੀ.ਟੀ. ਯੂ ਦੀ ਵਿਭਿੰਨਤਾ ਭਰੀ ਸੰਸਕ੍ਰਿਤੀ ਵਿੱਚ ਉਨ੍ਹਾਂ ਦੇ ਯੋਗਦਾਨ ਦੀ ਖੂਬ ਸਰਾਹਣਾ ਕੀਤੀ। ਵੋਟ ਆਫ ਥੈਂਕਸ ਇੰਜੀ. ਦਵਿੰਦਰ ਸਿੰਘ, ਡਾਇਰੈਕਟਰ ਡੀ.ਐੱਸ.ਡਬਲਿਊ. ਵੱਲੋਂ ਦਿੱਤਾ ਗਿਆ, ਜਿਨ੍ਹਾਂ ਨੇ ਵਿਦਿਆਰਥੀਆਂ, ਫੈਕਲਟੀ ਅਤੇ ਐਡਮਿਨਿਸਟ੍ਰੇਸ਼ਨ ਦੀ ਟੀਮ ਦਾ ਧੰਨਵਾਦ ਕੀਤਾ ਕਿ ਉਨ੍ਹਾਂ ਇਸ ਅਕਾਦਮਿਕ ਯਾਤਰਾ ਨੂੰ ਸਫਲ ਬਣਾਇਆ। ਡੀਨ ਸਟੂਡੈਂਟ ਵੇਲਫੇਅਰ ਡਾ: ਅਰਜਨ ਸਿੰਘ ਨੇ ਵੀ ਇੰਟਰਨੈਸ਼ਨਲ ਅਫੇਅਰਜ਼ ਵਿਭਾਗ ਦੀ ਭੂਮਿਕਾ ਦੀ ਸਨਮਾਨਤਾ ਕੀਤੀ ਅਤੇ ਨਰੇਸ਼ ਸ਼ਰਮਾ ਜੀ ਦੀ ਇੰਟਰਨੈਸ਼ਨਲ ਵਿਦਿਆਰਥੀਆਂ ਲਈ ਸਹਾਇਕ ਅਤੇ ਮੈਨੇਜਿੰਗ ਭੂਮਿਕਾ ਦੀ ਖੂਬ ਪ੍ਰਸੰਸਾ ਕੀਤੀ।ਇਸ ਖੁਸ਼ੀ ਦੇ ਮੌਕੇ ‘ਤੇ ਚਾਂਸਲਰ ਸ੍ਰ: ਚਰਨਜੀਤ ਸਿੰਘ ਚੰਨੀ ਨੇ ਵਿਦਿਆਰਥੀਆਂ ਨੂੰ ਵਧਾਈ ਦਿੰਦਿਆਂ ਕਿਹਾ, “ਤੁਹਾਡੀ ਹਾਜ਼ਰੀ ਸਾਨੂੰ ਯਕੀਨ ਦਿਵਾਉਂਦੀ ਹੈ ਕਿ ਸਿੱਖਿਆ ਦੁਨੀਆਂ ਨੂੰ ਜੋੜਨ ਵਾਲਾ ਮਾਧਿਅਮ ਹੈ। ਸੀ.ਟੀ. ਯੂਨੀਵਰਸਿਟੀ ਹਮੇਸ਼ਾਂ ਤੁਹਾਡਾ ਘਰ ਰਹੇਗੀ।” ਅੰਤ ਵਿੱਚ, ਪ੍ਰੋ ਚਾਂਸਲਰ ਡਾ: ਮਨਬੀਰ ਸਿੰਘ ਨੇ ਆਪਣੇ ਸਮਾਪਨ ਸੰਬੋਧਨ ਵਿੱਚ ਕਿਹਾ, “ਇਹ ਰੁਖਸਤ ਨਹੀਂ, ਸਗੋਂ ਤੁਹਾਡੀ ਨਵੀਂ ਯਾਤਰਾ ਦੀ ਸ਼ੁਰੂਆਤ ਹੈ। ਅਸੀਂ ਹਮੇਸ਼ਾਂ ਤੁਹਾਡੀਆਂ ਉਪਲਬਧੀਆਂ ’ਤੇ ਮਾਣ ਮਹਿਸੂਸ ਕਰਾਂਗੇ।”ਸਮਾਰੋਹ ਦੇ ਅੰਤ ’ਚ ਵਿਦਿਆਰਥੀਆਂ ਨੇ ਆਪਣੇ ਦੋਸਤਾਂ, ਅਧਿਆਪਕਾਂ ਅਤੇ ਯੂਨੀਵਰਸਿਟੀ ਪ੍ਰਸ਼ਾਸਨ ਨਾਲ ਯਾਦਗਾਰ ਪਲ ਕੈਮਰੇ ਵਿੱਚ ਕੈਦ ਕੀਤੇ — ਉਹ ਸਿਰਫ਼ ਡਿਗਰੀ ਨਹੀਂ ਲੈ ਕੇ ਜਾ ਰਹੇ ਸਨ, ਸਗੋਂ ਜ਼ਿੰਦਗੀ ਭਰ ਦੀਆਂ ਯਾਦਾਂ ਵੀ।ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samaj
