ਸੂਬੇਦਾਰ ਜਸਵਿੰਦਰ ਸਿੰਘ ਭੁਲੇਰੀਆ 7589155501
(ਸਮਾਜ ਵੀਕਲੀ) ਜੱਜ ਦੋਸ਼ੀ ਨੂੰ ਫਾਂਸੀ ਦੀ ਸਜ਼ਾ ਸੁਣਾਉਣ ਲਗਿਆਂ ਕਈ ਵਾਰ ਸੋਚਦਾ ਹੈ ਪਰ ਚਾਈਨਾ ਡੋਰ ਇੱਕੋ ਝੱਟਕੇ ਫਾਂਸੀ ਲਾ ਰਹੀ ਹੈ | ਸਿਆਣੇ ਆਖਦੇ ਨੇ ਕਿ ਗੁੜ ਗੁੜ ਆਖਣ ਨਾਲ ਕਦੇ ਨਹੀਂ ਹੁੰਦਾ ਮੂੰਹ ਮਿੱਠਾ ,ਜਦੋ ਤੱਕ ਮੂੰਹ ਵਿੱਚ ਪਾਈਏ ਨਾ |ਬਸ ਉਹੀ ਗੱਲ ਅੱਜ ਸਾਡੇ ਨਾਲ ਹੋ ਰਹੀ ਹੈ |ਬੜਾ ਪ੍ਰਸ਼ਾਸ਼ਨ ਵਲੋਂ ਰੋਲ ਪਾਇਆ ਜਾ ਰਿਹਾ ਹੈ ਕਿ ਚਾਈਨਾ ਡੋਰ ਦੀ ਵਰਤੋਂ ਨਾ ਕੀਤੀ ਜਾਵੇ |ਪਰ ਫਿਰ ਵੀ ਵੇਚਣ ਵਾਲੇ ਆਪਣਾ ਕੰਮ ਜੋਰਾਂ ਨਾਲ ਕਰੀ ਜਾ ਰਹੇ ਹਨ |ਇਸ ਗੱਲ ਦਾ ਪਤਾ ਸਭ ਨੂੰ ਹੈ ਪਰ ਕਬੂਤਰ ਵਾਂਗੂੰ ਅੱਖਾਂ ਮੀਟ ਕੇ ਕੰਮ ਚਲਾ ਰਹੇ ਹੈ |ਕਿਸੇ ਇੱਕ ਅੱਧੇ ਨੂੰ ਫੜ ਕੇ ਪਰਚਾ ਕਟਿਆ ਜਾਂਦਾ ਹੈ |ਬਾਕੀ ਹਨੇਰ ਗਲੀ ਵਿੱਚੋ ਕੱਢ ਦਿੱਤੇ ਜਾਂਦੇ ਹਨ |ਪਤਾ ਉਸ ਸਮੇ ਲਗਦਾ ਹੈ ਜਦੋ ਕਿਸੇ ਰਾਹਗੀਰ ਦੇ ਗੱਲ ਵਿੱਚ ਚਾਈਨਾ ਡੋਰ ਫਸ ਜਾਂਦੀ ਹੈ |ਫਿਰ ਪ੍ਰਸ਼ਾਸ਼ਨ ਆਪਣੀ ਭੱਜ ਦੌੜ ਸ਼ੁਰੂ ਕਰਦਾ ਹੈ |ਇਹ ਤਾਂ ਇੱਕ ਡੋਰ ਹੈ ਜਿਹੜੀ ਪ੍ਰਸ਼ਾਸ਼ਨ ਤੋਂ ਬੰਦ ਨਹੀਂ ਕੀਤੀ ਜਾ ਰਹੀ |ਬਾਕੀ ਚਿੱਟਾ ਤਾਂ ਪੁੜੀਆਂ ਵਿੱਚ ਵਿਕਦਾ ਹੈ ਉਹ ਕਦੋ ਬੰਦ ਹੋਵੇਗਾ |ਜਿਵੇਂ ਕਹਿੰਦੇ ਹਨ ਕਿ ਕਮਲੇ ਨੂੰ ਨਾ ਮਾਰੋ ਉਸਦੀ ਮਾਂ ਨੂੰ ਮਾਰੋ ਕਿ ਉਹ ਇੱਕ ਕਮਲਾ ਹੋਰ ਨਾ ਜੰਮ ਧਰੇ |ਮੁੱਢ ਨੂੰ ਕੋਈ ਕੁਝ ਨਹੀਂ ਕਹਿੰਦਾ ਬੱਸ ਪੱਤਿਆਂ ਨੂੰ ਹੀ ਝਾੜਿਆ ਜਾਂਦਾ ਹੈ |ਫਿਰ ਉਹਨਾਂ ਹੀ ਟਾਹਣੀਆਂ ਨੂੰ ਨਵੇਂ ਪੱਤੇ ਫੁੱਟ ਪੈਂਦੇ ਹਨ |ਇਸੇ ਤਰਾਂ ਛੋਟੇ ਛੋਟੇ ਦੁਕਾਨਦਾਰਾਂ ਨੂੰ ਜ਼ਰੂਰ ਖਿੱਚਿਆ ਜਾਂਦਾ ਹੈ ਪਰ ਵੱਡੇ ਵੱਡੇ ਗੁਨਾਹਗਾਰਾਂ ਨੂੰ ਕੋਈ ਨਹੀਂ ਪੁੱਛਦਾ |ਉਹਨਾਂ ਦਾ ਕਾਰੋਬਾਰ ਜੋਰਾਂ ਤੇ ਚਲ ਰਿਹਾ ਹੈ |ਜਿਹਨਾਂ ਦਾ ਕੋਈ ਆਪਣਾ ਇਸ ਅਣਹੋਣੀ ਨਾਲ ਖਤਮ ਹੋ ਜਾਂਦਾ ਹੈ |ਜਾਂ ਫਿਰ ਜ਼ਖਮੀ ਹੋ ਜਾਂਦਾ ਹੈ |ਉਹਨਾਂ ਨੂੰ ਪੁੱਛ ਕੇ ਵੇਖੋ ਉਹਨਾਂ ਨਾਲ ਕੀ ਬੀਤਦੀ ਹੈ |ਅਗਰ ਇੱਕ ਅੱਧੀ ਮਿਸਾਲੀ ਸਜ਼ਾ ਦਿੱਤੀ ਹੋਵੇ |ਫਿਰ ਕਿਸੇ ਦੀ ਕੀ ਹਿੰਮਤ ਕੇ ਉਹ ਇਹੋ ਜਿਹੇ ਨਜ਼ਾਇਜ਼ ਡੋਰਾ ਵੇਚਣ ਵਾਲੇ ਕਾਰੋਬਾਰ ਕਰਕੇ ਵਿਖਾਵੇ |ਸਾਨੂੰ ਅਰਬ ਦੇਸ਼ਾ ਤੋਂ ਸਿੱਖਿਆ ਲੈਣੀ ਚਾਹੀਦੀ ਹੈ |ਉੱਥੇ ਜਿਹੜਾ ਵੀ ਕੋਈ ਗੈਰ ਕਨੂੰਨੀ ਕੰਮ ਕਰਦਾ ਹੈ |ਉਸ ਨੂੰ ਇਹੋ ਜਿਹੀ ਸਖਤ ਸਜ਼ਾ ਚੋਰਾਹੇ ਵਿੱਚ ਖੜ੍ਹਾ ਕਰਕੇ ਦਿੱਤੀ ਜਾਂਦੀ ਹੈ |ਕਿ ਬਾਕੀ ਵੇਖ ਕੇ ਥਰ ਥਰ ਕੰਬਦੇ ਹਨ |ਕਿ ਅਸੀਂ ਇਹੋ ਜਿਹੀ ਗਲਤੀ ਨਹੀਂ ਕਰਨੀ |ਕਨੂੰਨ ਨੂੰ ਸਖਤੀ ਵਰਤਣ ਦੀ ਜ਼ਰੂਰਤ ਹੈ |ਪ੍ਰਸ਼ਾਸ਼ਨ ਨੂੰ ਵੀ ਸਖਤ ਹੋਣ ਦੀ ਜ਼ਰੂਰਤ ਹੈ |ਨਹੀਂ ਤਾਂ ਜੱਜ ਸ਼ਾਇਦ ਹੀ ਕਿਸੇ ਨੂੰ ਫਾਂਸੀ ਦੀ ਸਜ਼ਾ ਸੁਣਾਉਣ |ਪਰ ਚਾਈਨਾ ਡੋਰ ਜ਼ਰੂਰ ਲੋਕਾਂ ਨੂੰ ਹਲਾਲ ਕਰਦੀ ਰਹੇਗੀ |
https://play.google.com/store/apps/details?id=in.yourhost.samaj
