ਬਾਲ ਕਹਾਣੀ : ਹਾਥੀ ਅਤੇ ਗਲਹਿਰੀ

   (ਸਮਾਜ ਵੀਕਲੀ)    ਇੱਕ ਵਾਰ ਦੀ ਗੱਲ ਹੈ। ਇੱਕ ਜੰਗਲ ਵਿੱਚ ਹਾਥੀ ਅਤੇ ਗਲਹਿਰੀ ਰਹਿੰਦੇ ਸਨ। ਹਾਥੀ ਬਹੁਤ ਗੁੱਸੇ ਵਾਲਾ ਸੀ। ਉਹ ਰੁੱਖਾਂ ਨੂੰ ਤੋੜਦਾ ਰਹਿੰਦਾ ਸੀ। ਇੱਕ ਦਿਨ ਜਦ ਹਾਥੀ ਰੁੱਖਾਂ ਨੂੰ  ਤੋੜਨ ਲੱਗਾ ਤਾਂ ਉਸ ਰੁੱਖ ਉੱਤੇ ਗਲਹਿਰੀ ਰਹਿੰਦੀ ਸੀ। ਉਸ ਗਲਹਿਰੀ ਨੇ ਹਾਥੀ ਨੂੰ ਕਿਹਾ ਕਿ ਮੇਰਾ ਘਰ ਨਾ ਤੋੜ ; ਕਿਉਂਕਿ ਇਹਨਾਂ ਰੁੱਖਾਂ ‘ਤੇ ਪੰਛੀ ਵੀ ਆਪਣਾ ਘਰ ਬਣਾਉਂਦੇ ਹਨ ਤੇ ਰਹਿੰਦੇ ਹਨ। ਇਹ ਰੁੱਖ ਸਾਨੂੰ ਆਕਸੀਜਨ , ਫਲ , ਲੱਕੜੀਆਂ ਦਿੰਦੇ ਹਨ ਤੇ ਹੋਰ ਵੀ ਕਈ ਤਰ੍ਹਾਂ ਦੀਆਂ ਚੀਜ਼ਾਂ ਦਿੰਦੇ ਹਨ। ਹਾਥੀ ਗਲਹਿਰੀ ਦੀਆਂ ਗੱਲਾਂ ਸੁਣ ਕੇ ਹੈਰਾਨ ਸੀ। ਫਿਰ ਹਾਥੀ ਨੂੰ ਸਮਝ ਆ ਗਈ। ਹੁਣ ਅੱਗੇ ਤੋਂ ਉਸ ਨੇ ਰੁੱਖ ਤੋੜਨਾ ਬੰਦ ਕਰ ਦਿੱਤਾ। ਸਿੱਖਿਆ :- ਸਾਨੂੰ ਇਸ ਕਹਾਣੀ ਤੋਂ ਇਹ ਸਿੱਖਿਆ ਮਿਲਦੀ ਹੈ ਕਿ ਸਾਨੂੰ ਰੁੱਖ ਕਦੇ ਨਹੀਂ ਤੋੜਨੇ ਚਾਹੀਦੇ ਤੇ ਰੁੱਖਾਂ ਦੀ ਸੰਭਾਲ ਕਰਨੀ ਚਾਹੀਦੀ ਹੈ।