ਸੜੋਆ (ਸਮਾਜ ਵੀਕਲੀ) (ਸਤਨਾਮ ਸਿੰਘ ਸਹੂੰਗੜਾ) ਹਲਕਾ ਬਲਾਚੌਰ ਦੇ ਪਿੰਡ ਚਾਂਦਪੁਰ ਰੁੜਕੀ ਖੁਰਦ ਵਿਖੇ ਅੱਜ ਸ਼੍ਰੀ ਵਿਸ਼ਵਕਰਮਾ ਮੰਦਿਰ ਵਿਖੇ ਸ਼੍ਰੀ ਵਿਸ਼ਵਕਰਮਾ ਦਿਵਸ ਮਨਾਇਆ ਗਿਆ ਅਤੇ ਉਹਨਾਂ ਦਾ ਮਹਿਮਾ ਗੁਣਗਾਨ ਭਜਨ ਮੰਡਲੀ ਦੁਆਰਾ ਕੀਤਾ ਗਿਆ, ਜਿਸ ਵਿੱਚ ਸ਼੍ਰੀ ਅਸ਼ੋਕ ਕਟਾਰੀਆ ਸਿਨੀਅਰ ਆਗੂ ਆਮ ਆਦਮੀ ਪਾਰਟੀ ਨੇ ਹਾਜ਼ਰੀ ਲਗਵਾਈ ਅਤੇ ਨਗਰ ਨਿਵਾਸੀਆਂ ਨੂੰ ਮੁਬਾਰਕਬਾਦ ਦਿਤੀ । ਉਹਨਾਂ ਨੇ ਸ਼੍ਰੀ ਵਿਸ਼ਵਕਰਮਾ ਮਹਾਰਾਜ ਦੇ ਦਰਸਾਏ ਮਾਰਗ ਤੇ ਚੱਲਦਿਆਂ ਸੱਚੀ ਕਿਰਤ ਅਤੇ ਹੁਨਰ ਨਾਲ ਸੰਸਾਰ ਨੂੰ ਚਲਾਉਣ ਦੀ ਕਿਰਪਾ ਸਭ ਤੇ ਕਰਨ ਦੀ ਅਰਦਾਸ ਵੀ ਕੀਤੀ। ਉਹਨਾਂ ਵੱਲੋਂ 1 ਲੱਖ ਦੀ ਗ੍ਰਾਂਟ ਵਿਧਾਇਕ ਫੰਡ ਵਿਚੋਂ ਸ਼੍ਰੀ ਵਿਸ਼ਵਕਰਮਾ ਮੰਦਿਰ ਲਈ ਦੇਣ ਦਾ ਐਲਾਨ ਕੀਤਾ। ਮੰਦਿਰ ਕਮੇਟੀ ਵੱਲੋਂ ਸਿਰੋਪਾਓ ਪਾ ਕੇ ਕਟਾਰੀਆ ਜੀ ਅਤੇ ਪਵਨ ਕੁਮਾਰ ਰੀਠੂ ਆਗੂ ਆਪ ਨੂੰ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਸਰਪੰਚ ਰੇਨੂ ਬਜਾੜ, ਦੇਸ ਰਾਜ ਸੈਕਟਰੀ,ਕਾਲਾ ਪ੍ਰਧਾਨ ਮੰਦਿਰ ਕਮੇਟੀ, ਗੌਰਵ ਕੁਮਾਰ, ਪਵਨ ਕੁਮਾਰ, ਚਮਨ ਲਾਲ, ਸੱਤਿਆ ਦੇਵੀ (ਸਾਰੇ ਪੰਚ) ਅਤੇ ਪਿੰਡ ਨਿਵਾਸੀ ਹਾਜ਼ਰ ਸਨ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
