ਵਰਲਡ ਕੈਂਸਰ ਕੇਅਰ ਵਲੋਂ ਕੈਂਸਰ ਚੈਕਅੱਪ ਕੈਂਪ ਪਿੰਡ ਮੰਡੀ ਵਿਖੇ ਆਯੋਜਿਤ 

ਫਿਲੌਰ, ਅੱਪਰਾ (ਜੱਸੀ)-ਨਜ਼ਦੀਕੀ ਪਿੰਡ ਮੰਡੀ ਦੇ ਗੁਰਦੁਆਰਾ ਫਤੇਆਣਾ ਸਾਹਿਬ ਵਿਖੇ ਐਨ ਆਰ ਆਈ ਵੀਰ ਹਰਨੇਕ ਸਿੰਘ ਪੁੱਤਰ ਹਰਬੰਸ ਸਿੰਘ ਬੰਬੇ ਵਾਲੇ (ਯੂ ਕੇ) ਨਿਵਾਸੀ ਦੇ ਪਰਿਵਾਰ ਵੱਲੋਂ ਵਰਲਡ ਕੈਂਸਰ ਕੇਅਰ ਦੇ ਸਹਿਯੋਗ ਨਾਲ ਕੈਂਸਰ ਚੈਕਅੱਪ ਕੈਂਪ ਆਯੋਜਿਤ ਕੀਤਾ ਗਿਆ। ਕੈਂਪ ਨੂੰ ਸਫਲ ਬਣਾਉਣ ਵਿੱਚ ਸਮੂਹ ਪ੍ਰਬੰਧਕਾਂ ਤੇ ਸੰਗਤਾਂ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ। ਕੈਂਪ ਦੌਰਾਨ ਔਰਤਾਂ ਤੇ ਮਰਦਾਂ ਦੇ ਸਰੀਰਾਂ ਦੀ ਜਾਂਚ, ਔਰਤਾਂ ਦੇ ਛਾਤੀ ਦੇ ਕੈਂਸਰ ਲਈ ਜਾਂਚ ਲਈ ਮੈਮੋਗ੍ਰਾਫੀ ਟੈਸਟ, ਮਰਦਾਂ ਦੇ ਪੀ ਐਸ ਏ ਟੈਸਟ ਆਦਿ ਕੀਤੇ ਗਏ ਤੇ ਮੁਫਤ ਦਵਾਈਆਂ ਵੀ ਦਿੱਤੀਆਂ ਗਈਆ। ਇਸ ਮੌਕੇ ਮਾਹਿਰ ਡਾਕਟਰਾਂ ਨੇ ਕੈਂਸਰ ਤੋਂ ਬਚਾਅ ਤੇ ਸਹੀ ਉਪਾਅ ਬਾਰੇ ਵੀ ਜਾਣਕਾਰੀ ਦਿੱਤੀ। ਇਸ ਮੌਕੇ ਸ ਅਵਤਾਰ ਸਿੰਘ ਲੰਬੜਦਾਰ,ਹਰਜੀਤ ਸਿੰਘ ਮੰਡੀ ,ਅਮਰੀਕ ਸਿੰਘ, ਸੁਖਦੇਵ ਸਿੰਘ, ਭੁਪਿੰਦਰ ਸਿੰਘ, ਗੁਰਦੇਵ ਸਿੰਘ,ਵਿਨੋਦ ਭਾਰਦਵਾਜ, ਦੇਬਾ ਢਿੱਲੋ, ਬਿੱਲਾ ਵੀ ਹਾਜ਼ਰ ਸਨ।