* ਪੀ੍ਸਦ ਸਮਾਜ ਭਲਾਈ ਕੰਮਾਂ ਵਿੱਚ ਮੋਹਰੀ ਰੋਲ ਅਦਾ ਕਰ ਰਹੀ : ਕੁਲਜੀਤ ਰੰਧਾਵਾ
ਡੇਰਾਬਸੀ (ਸਮਾਜ ਵੀਕਲੀ) (ਸੰਜੀਵ ਸਿੰਘ ਸੈਣੀ, ਮੋਹਾਲੀ ) : ਭਾਰਤ ਵਿਕਾਸ ਪ੍ਰੀਸ਼ਦ ਡੇਰਾਬਸੀ ਸ਼ਾਖਾ ਦੁਆਰਾ ਬਿਕਰਮੀ ਸੰਮਤ 2080 ( 22 ਮਾਰਚ 2023) ਬਹੁਤ ਹੀ ਧੂਮਧਾਮ ਨਾਲ ਮਨਾਇਆ ਗਿਆ । ਸਮਾਰੋਹ ਦੌਰਾਨ ਹਲਕਾ ਵਿਧਾਇਕ ਕੁਲਜੀਤ ਸਿੰਘ ਰੰਧਾਵਾ ਮੁੱਖ ਮਹਿਮਾਨ ਅਤੇ ਨਗਰ ਕੌਂਸਲ ਪ੍ਰਧਾਨ ਆਸ਼ੂ ਉਪਨੇਜਾ ਨੇ ਵਿਸ਼ੇਸ਼ ਮਹਿਮਾਨ ਦੇ ਤੌਰ ਤੇ ਹਾਜ਼ਰੀ ਲਵਾਈl ਜਾਣਕਾਰੀ ਦਿੰਦੇ ਹੋਏ ਪ੍ਰੀਸ਼ਦ ਦੇ ਪ੍ਰਧਾਨ ਅਤੇ ਸਮਾਜ ਸੇਵੀ ਪਰਮਜੀਤ ਰੰਮੀ ਸੈਣੀ ਨੇ ਦੱਸਿਆ ਕਿ ਭਾਰਤ ਵਿਕਾਸ ਪ੍ਰੀਸ਼ਦ ਪੂਰਬ ਪੰਜਾਬ ਦੇ
ਰਿਜਨਲ ਸੈਕਟਰੀ ਸੋਮਨਾਥ ਸ਼ਰਮਾ ਨੇ ਡੇਰਾਬੱਸੀ ਸਾਖਾ ਦੀ ਨਵੀਂ ਚੁਣੀ ਟੀਮ ਪ੍ਰਧਾਨ ਉਪੇਸ ਬਾਂਸਲ, ਸੈਕਟਰੀ ਬਰਖਾ ਰਾਮ ਅਤੇ ਖਜ਼ਾਨਚੀ ਨੀਤਿਨ ਜਿੰਦਲ ਨੂੰ ਆਪਣੇ ਅਹੁਦਿਆਂ ਦੀ ਸਹੁੰ ਚੁਕਾਈl
ਇਸ ਮੌਕੇ ਸੰਬੋਧਨ ਕਰਦਿਆਂ ਹਲਕਾ ਵਿਧਾਇਕ ਕੁਲਜੀਤ ਰੰਧਾਵਾ ਨੇ ਕਿਹਾ ਕਿ ਇਸ ਸੰਸਥਾ ਨੂੰ ਮੈਂ ਪਿਛਲੇ ਲੰਮੇ ਸਮੇਂ ਤੋਂ ਲੋਕ ਭਲਾਈ ਦੇ ਕੰਮਾਂ ਵਿੱਚ ਮੋਹਰੀ ਰੋਲ ਅਦਾ ਕਰਦਾ ਵੇਖ ਰਿਹਾ ਹਾਂ । ਜਿਵੇਂ ਕਿ ਸੰਸਥਾ ਵੱਲੋਂ ਅੱਖਾਂ ਦਾਨ ਕਰਵਾਉਣਾ ਖ਼ੂਨਦਾਨ ਕੈਂਪ ਲਗਵਾਉਣ , ਹਸਪਤਾਲ ਵਿੱਚ ਮਰੀਜ਼ਾਂ ਲਈ ਮੁਫ਼ਤ ਖਾਣੇ ਦਾ ਪ੍ਰਬੰਧ ਕਰਨਾ , ਮਰੀਜ਼ਾਂ ਲਈ ਮੁਫ਼ਤ ਵਿੱਚ ਫ਼ਿਜ਼ੀਓਥਰੈਪੀ ਸੈਂਟਰ ਤੋਂ ਇਲਾਵਾ ਸੰਸਥਾ ਹਰ ਵੇਲੇ ਲੋਕ ਭਲਾਈ ਕੰਮਾਂ ਲਈ ਤੱਤਪਰ ਰਹਿੰਦੀ ਹੈ । ਵਿਧਾਇਕ ਨੇ ਸੰਸਥਾ ਦੀ ਪ੍ਰਸੰਸਾ ਕਰਦਿਆਂ ਵਿਸ਼ਵਾਸ ਦਿਵਾਇਆ ਕਿ ਉਨ੍ਹਾਂ ਵੱਲੋਂ ਸੰਸਥਾ ਨੂੰ ਹਰ ਸੰਭਵ ਮਦਦ ਦਿੱਤੀ ਜਾਵੇਗੀ ।
ਸੈਕਟਰੀ ਉਪੇਸ਼ ਬਾਂਸਲ ਨੇ ਆਏ ਹੋਏ ਸਾਰੇ ਮੈਂਬਰਾਂ ਦੇ ਸਾਹਮਣੇ ਪਿਛਲੇ ਸਾਲ ਵਿਚ ਕਿਤੇ ਸਮਾਜ ਭਲਾਈ ਦੇ 71 ਪ੍ਰਜੈਕਟਾਂ ਤੇ ਚਾਨਣਾ ਪਾਇਆl ਨਵੀਂ ਚੁਣੀ ਹੋਈ ਟੀਮ ਦੇ ਮੈਂਬਰਾਂ ਨੇ ਆਉਣ ਵਾਲੇ ਸਾਲ ਲਈ ਸਮਾਜ ਭਲਾਈ ਦੇ ਕੰਮਾਂ ਦੀ ਰੂਪ-ਰੇਖਾ ਸਾਰਿਆਂ ਦੇ ਸਾਹਮਣੇ ਰੱਖੀl ਪੀ੍ਸਦ ਦੁਆਰਾ ਚਲਾਏ ਜਾ ਰਹੇ ਫਿਜੀਓਥਰੈਪੀ ਸੈਂਟਰ ਇੰਚਾਰਜ ਪ੍ਰਦੀਪ ਰਾਣਾ ਨੂੰ ਪ੍ਰੋਜੈਕਟ ਚੇਅਰਮੈਨ ਸੁਸ਼ੀਲ ਵਿਆਸ ਦੁਆਰਾ ਸਨਮਾਨਿਤ ਵੀ ਕੀਤਾ ਗਿਆl ਸੁਰਿੰਦਰ ਅਰੋੜਾ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ l ਪੀ੍ਸਦ ਪਰਿਵਾਰ ਅਤੇ ਆਏ ਪਤਵੰਤਿਆਂ ਨੇ ਰਾਤ ਦਾ ਭੋਜਨ ਲਿਆ ਅਤੇ ਨਵੇਂ ਸਾਲ ਦੀ ਖੁਸ਼ੀ ਮਨਾਈl
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
