ਵਿਸ਼ਵ ਪੁਸਤਕ ਦਿਵਸ ਮੌਕੇ ਰਾਮ ਸਰੂਪ ਸ਼ਰਮਾ ਦੀ ਪੁਸਤਕ ਦਾ ਲੋਕ ਅਰਪਣ
ਬਰਨਾਲਾ (ਸਮਾਜ ਵੀਕਲੀ): ਬੀਤੇ ਦਿਨੀਂ ਸਥਾਨਕ ਸਰਕਾਰੀ ਸੀਨੀਅਰ ਸਕੈਂਡਰੀ ਸਕੂਲ (ਲੜਕੇ) ਵਿਖੇ ਲੇਖਕ ਪਾਠਕ ਸਾਹਿਤ ਸਭਾ ਰਜਿ. ਬਰਨਾਲਾ ਵੱਲੋਂ ਆਪਣਾ ਸਾਲਾਨਾ ਸਾਹਿਤਕ ਸਮਾਗਮ ਕਰਵਾਇਆ ਗਿਆ ਜਿਸ ਵਿੱਚ ਸਾਲ 2023 ਲਈ ਮਾਤਾ ਮਨਜੀਤ ਕੌਰ ਅਤੇ ਪਿਤਾ ਸ. ਤਰਲੋਚਨ ਸਿੰਘ ਜੀ ਦੀ ਯਾਦ ਵਿੱਚ ਪਹਿਲਾ ਪਾਠਕ ਪੁਰਸਕਾਰ ਜਗਰਾਜ ਚੰਦ ਰਾਏਸਰ ਨੂੰ ਦਿੱਤਾ ਗਿਆ। ਸਭਾ ਦੇ ਜਨਰਲ ਸਕੱਤਰ ਡਾ. ਅਮਨਦੀਪ ਸਿੰਘ ਟੱਲੇਵਾਲੀਆ ਅਤੇ ਪ੍ਰੈਸ ਸਕੱਤਰ ਮਾਲਵਿੰਦਰ ਸ਼ਾਇਰ ਨੇ ਪ੍ਰੈਸ ਨੂੰ ਸਾਂਝੇ ਤੌਰ ਤੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਸਭਾ ਲੇਖਕਾਂ ਅਤੇ ਪਾਠਕਾਂ ਦੀ ਸਭਾ ਹੈ ਇਸ ਲਈ ਇਸ ਸਾਲ ਸਭਾ ਵੱਲੋਂ ਸੁਹਿਰਦ ਪਾਠਕ ਜਗਰਾਜ ਚੰਦ ਰਾਏਸਰ ਨੂੰ ਇਹ ਪੁਰਸਕਾਰ ਪ੍ਰਦਾਨ ਕੀਤਾ ਗਿਆ। ਜਿਸ ਵਿੱਚ ਲੋਈ ਸਨਮਾਨ ਪੱਤਰ ਨਗਦ ਰਾਸ਼ੀ ਅਤੇ ਪੁਸਤਕਾਂ ਦਾ ਸੈਟ ਭੇਟ ਕੀਤਾ ਜਾਂਦਾ ਹੈ। ਇਸ ਪੁਰਸਕਾਰ ਤੋਂ ਪਹਿਲਾਂ ਪਿਛਲੇ ਸਾਲ 2022 ਵਿੱਚ ਪਹਿਲੇ ਲੇਖਕ ਚਰਨੀ ਬੇਦਿਲ ਦਾ ਸਨਮਾਨ ਕੀਤਾ ਗਿਆ ਸੀ।
ਸਭਾ ਦੇ ਸੰਸਥਾਪਕ ਅਤੇ ਪ੍ਰਧਾਨ ਤੇਜਿੰਦਰ ਚੰਡਿਹੋਕ ਨੇ ਆਏ ਸਾਹਿਤਕਾਰਾਂ ਪਾਠਕਾਂ ਅਤੇ ਮਹਿਮਾਨਾਂ ਨੂੰ ਸਵਾਗਤੀ ਸ਼ਬਦ ਆਖਦਿਆਂ ਕਿਹਾ ਕਿ ਉਹਨਾਂ ਵੱਲੋਂ ਇਹ ਸਨਮਾਨ ਆਪਣੇ ਬਜ਼ੁਰਗਾਂ ਦੀ ਯਾਦ ਵਿੱਚ ਪਿਛਲੇ ਸਾਲ 2022 ਤੋਂ ਸ਼ੁਰੂ ਕੀਤਾ ਗਿਆ ਹੈ। ਉਹਨਾਂ ਇਹ ਵੀ ਕਿਹਾ ਕਿ ਅੱਜ ਵਿਸ਼ਵ ਪੁਸਤਕ ਦਿਵਸ ਨੂੰ ਮੁੱਖ ਰੱਖਦਿਆਂ ਆਪਣੀ ਘਰੇਲੂ (ਨਿੱਜੀ) ਲਾਇਬਰੇਰੀ ਦਾ ਨਾਂ ਮਾਤਾ ਮਨਜੀਤ ਕੌਰ ਯਾਦਗਾਰੀ ਲਾਇਬਰੇਰੀ ਰੱਖ ਦਿੱਤਾ ਹੈ। ਇਸ ਸਨਮਾਨ ਸਬੰਧੀ ਬੋਲਦਿਆਂ ਸੁਰਿੰਦਰ ਸ਼ਰਮਾ ਨੇ ਕਿਹਾ ਕਿ ਸਭਾ ਨੇ ਜਗਰਾਜ ਚੰਦ ਰਾਏਸਰ ਦਾ ਬਤੌਰ ਪਾਠਕ ਸਨਮਾਨ ਕਰਕੇ ਪਿੰਡ ਰਾਏਸਰ ਦਾ ਮਾਣ ਵਧਾਇਆ ਹੈ। ਉਪਰੰਤ ਜਗਰਾਜ ਚੰਦ ਰਾਏਸਰ ਨੇ ਆਪਣੇ ਹਾਵ-ਭਾਵ ਪੇਸ਼ ਕੀਤੇ।
ਇਸ ਤੋਂ ਇਲਾਵਾ ਰਾਮ ਸਰੂਪ ਸ਼ਰਮਾ ਵੱਲੋਂ ਅਨੁਵਾਦਿਤ ਅਤੇ ਸੰਪਾਦਿਤ ਪੁਸਤਕ ‘ਪ੍ਰਸਿੱਧ ਪਾਕਿਸਤਾਨੀ ਗ਼ਜ਼ਲਾਂ ਅਤੇ ਗ਼ਜ਼ਲਗੋ’ ਦਾ ਲੋਕ ਅਰਪਣ ਵੀ ਕੀਤਾ ਗਿਆ।
ਜਿਸ ਸਬੰਧੀ ਭੁਪਿੰਦਰ ਸਿੰਘ ਬੇਦੀ (ਡਾ.) ਨੇ ਜਾਣ ਪਹਿਚਾਣ ਕਰਵਾਉਂਦਿਆਂ ਕਿਹਾ ਕਿ ਇਹ ਪੁਸਤਕ ਸਾਨੂੰ ਪਰਲੇ ਪਾਰ ਦੇ ਸ਼ਾਇਰਾਂ ਨਾਲ ਸਾਂਝ ਪਵਾਉਂਦੀ ਹੈ। ਇਸ ਪੁਸਤਕ ਸਬੰਧੀ ਰਾਮਪਾਲ ਸਿੰਘ ਸਾਹਪੁਰੀ (ਡਾ.) ਨੇ ਸੰਪਾਦਿਕ ਪੱਖ ਨੂੰ ਉਭਾਰਿਆ। ਓਮ ਪ੍ਰਕਾਸ਼ ਗਾਸੋ ਤੇਜਾ ਸਿੰਘ ਤਿਲਕ ਭੋਲਾ ਸਿੰਘ ਸੰਘੇੜਾ ਅਤੇ ਪਿ੍ਰੰਸੀਪਲ ਹਰੀਸ਼ ਬਾਂਸਲ ਨੇ ਵੀ ਆਪੋ-ਆਪਣੇ ਵਿਚਾਰ ਪੇਸ਼ ਕੀਤੇ। ਉਪਰੰਤ ਲੇਖਕ ਦਾ ਵੀ ਸਨਮਾਨ ਕੀਤਾ ਗਿਆ ਅਤੇ ਲੇਖਕ ਵਲੋਂ ਆਪਣੀ ਸਿਰਜਣ ਪ੍ਰਕਿ੍ਰਆ ਬਾਰੇ ਜਾਣਕਾਰੀ ਦਿੱਤੀ ਗਈ। ਜੋਗਿੰਦਰ ਸਿੰਘ ਨਿਰਾਲਾ (ਡਾ.) ਨੇ ਆਪਣੇ ਪ੍ਰਧਾਨਗੀ ਭਾਸ਼ਨ ਵਿੱਚ ਕਿਹਾ ਕਿ ਲੇਖਕ ਪਾਠਕ ਸਾਹਿਤ ਸਭਾ ਵੱਲੋਂ ਇਹ ਯਾਦਗਾਰੀ ਸਨਮਾਨ ਅਤੇ ਪੁਸਤਕ ਲੋਕ ਅਰਪਣ ਦੀ ਵਧੀਆ ਪਿਰਤ ਪਾਈ ਗਈ ਹੈ। ਸਾਨੂੰ ਆਪਣੀ ਲੇਖਣ ਸਬੰਧੀ ਕਾਰਜਸ਼ੀਲ ਰਹਿਣਾ ਚਾਹੀਦਾ ਹੈ।
ਸਮਾਗਮ ਵਿੱਚ ਵਿਦਵਾਨ ਸਾਹਿਤਕਾਰ ਸੁਰਜੀਤ ਲ਼ੀ ਨੂੰ ਸ਼ਰਧਾਂਜਲੀ ਦਿੱਤੀ ਗਈ ਅਤੇ ਕਵੀ ਦਰਬਾਰ ਕਰਵਾਇਆ ਗਿਆ ਜਿਸ ਵਿੱਚ ਕਲਾਕਾਰ ਸਾਹਿਤਕ ਦੇ ਸੰਪਾਦਕ ਕੰਵਰਜੀਤ ਭੱਠਲ ਰਜਨੀਸ਼ ਕੌਰ ਬਬਲੀ ਜਸਪ੍ਰੀਤ ਕੌਰ ਬੱਬੂ ਅਨਿਲ ਸ਼ੌਂਰੀ (ਡਾ.) ਗਮਦੂਰ ਸਿੰਘ ਰੰਗੀਲਾ ਹਾਕਮ ਸਿੰਘ ਭੁੱਲਰ ਮਨਦੀਪ ਕੋਰ ਭਦੌੜ ਚਰਨ ਸਿੰਘ ਭਦੌੜ ਪਾਲ ਸਿੰਘ ਲਹਿਰੀ ਹਾਕਮ ਸਿੰਘ ਰੂੜੇਕੇ ਅੰਜਨਾ ਮੈਨਨ ਮੇਜਰ ਸਿੰਘ ਰਾਜਗੜ੍ਹ ਸੰਪੂਰਨ ਸਿੰਘ ਟੱਲੇਵਾਲੀਆ (ਡਾ.) ਰਘਬੀਰ ਸਿੰਘ ਗਿੱਲ ਕੱਟੂ ਮਨਦੀਪ ਕੁਮਾਰ ਸਾਗਰ ਸਿੰਘ ਸਾਗਰ ਹਰਦੀਪ ਬਾਵਾ ਨਰਿੰਦਰ ਕੌਰ ਚਤਿੰਦਰ ਸਿੰੰਘ ਰੁਪਾਲ ਜਵਾਲਾ ਸਿੰਘ ਮੌੜ ਨੇ ਭਾਗ ਲਿਆ।
ਇਹਨਾਂ ਤੋਂ ਇਲਾਵਾ ਸੁਖਵਿੰਦਰ ਸਿੰਘ ਬਾਲੀਆਂ ਜਪਿੰਦਰ ਸਿੰਘ ਮਹਿੰਦਰ ਸਿੰਘ ਰਾਹੀ ਗਿ. ਕਰਮ ਸਿੰਘ ਭੰਡਾਰੀ ਸੁਦਰਸ਼ਨ ਕੁਮਾਰ ਗੁੱਡੂ ਚਰਨ ਸਿੰਘ ਭੋਲਾ ਉਪਾਸ਼ਨ ਸਿੰਘ ਰਿੰਪੀ ਕੌਰ ਜਸਮੀਨ ਕੌਰ ਹਰਦੀਪ ਕੌਰ ਕੁਲਰੋਨਕ ਸਿੰਘ ਚੰਡਿਹੋਕ ਰਣਦੀਪ ਰਾਣੀ ਜਗਦੀਪ ਸ਼ਰਮਾ ਸੰਤੋਖ ਸਿੰਘ ਮਨਜਿੰਦਰ ਸਿੰਘ ਪ੍ਰਮੇਸ਼ਵਰ ਲਾਲ ਸ਼ਰਮਾ ਪੱਤਰਕਾਰ ਅਸ਼ੋਕ ਭਾਰਤੀ ਲਖਵਿੰਦਰ ਸ਼ਰਮਾ ਹਰਦੀਪ ਸਿੰਘ ਚੰਨਣਵਾਲ ਬਲਵਿੰਦਰ ਸਿੰਘ ਸਿੱਧੂ ਚੰਨਣਵਾਲ ਕਮਲਜੀਤ ਕੌਰ ਤੇਜਪਾਲ ਰਾਏਸਰ ਸਤਨਾਮ ਕੁਮਾਰ ਨਰਦੇਵ ਸਿੰਘ ਗੁਰਬਾਜ ਸਿੰਘ ਵਿਰਕ ਉਰਵਸ਼ੀ ਗੁਪਤਾ ਬਿੱਟੂ ਸਿੰਘ ਚਰਨ ਸਿੰਘ ਝਲੂਰ ਦਰਸ਼ਨ ਸਿੰਘ ਗੁਰੂ ਮਨਜੀਤ ਸਿੰਘ ਸਾਗਰ ਸੁਰਜੀਤ ਸਿੰਘ ਦਿਹੜ ਆਦਿ ਸਮਾਗਮ ਵਿੱਚ ਹਾਜਰ ਸਨ।
ਤੇਜਿੰਦਰ ਚੰਡਿਹੋਕ
ਸਾਹਿਤ ਸੰਪਾਦਕ।
‘ਸਮਾਜਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
