ਨਵੀਂ ਦਿੱਲੀ— ਇਜ਼ਰਾਈਲ ਅਤੇ ਲੇਬਨਾਨ ਵਿਚਾਲੇ ਵਧਦੇ ਤਣਾਅ ਦੇ ਮੱਦੇਨਜ਼ਰ ਕਈ ਏਅਰਲਾਈਨਾਂ ਨੇ ਯਾਤਰੀਆਂ ਦੀ ਸੁਰੱਖਿਆ ਨੂੰ ਧਿਆਨ ‘ਚ ਰੱਖਦੇ ਹੋਏ ਮੱਧ ਪੂਰਬ ‘ਚ ਆਪਣੀਆਂ ਉਡਾਣਾਂ ਮੁਅੱਤਲ ਕਰ ਦਿੱਤੀਆਂ ਹਨ। ਅਜਿਹੇ ‘ਚ ਮੱਧ ਪੂਰਬ ਦੀ ਯਾਤਰਾ ਕਰਨ ਦੀ ਯੋਜਨਾ ਬਣਾ ਰਹੇ ਯਾਤਰੀਆਂ ਨੂੰ ਏਅਰ ਇੰਡੀਆ, ਏਅਰ ਫਰਾਂਸ-ਕੇਐੱਲਐੱਮ, ਲੁਫਥਾਂਸਾ, ਕੈਥੇ ਪੈਸੀਫਿਕ ਅਤੇ ਡੈਲਟਾ ਏਅਰਲਾਈਨਜ਼ ਸਮੇਤ ਕਈ ਕੰਪਨੀਆਂ ਨੇ ਤੇਲ ਅਵੀਵ, ਬੇਰੂਤ ਅਤੇ ਹੋਰ ਮੰਜ਼ਿਲਾਂ ਲਈ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਸੁਰੱਖਿਆ ਕਾਰਨਾਂ ਕਰਕੇ ਤੇਲ ਅਵੀਵ ਲਈ ਸੇਵਾਵਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ, ਜਾਣਕਾਰੀ ਮੁਤਾਬਕ ਭਾਰਤੀ ਏਅਰਲਾਈਨ ਕੰਪਨੀ ਏਅਰ ਇੰਡੀਆ ਨੇ ਅਗਲੇ ਨੋਟਿਸ ਤੱਕ ਤੇਲ ਅਵੀਵ ਲਈ ਸਾਰੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਅਲਜੀਰੀਆ ਦੀ ਏਅਰਲਾਈਨ ਏਅਰ ਅਲਜੀਰੀ ਨੇ ਅਗਲੇ ਨੋਟਿਸ ਤੱਕ ਲੇਬਨਾਨ ਲਈ ਆਪਣੀਆਂ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਏਅਰ ਫਰਾਂਸ-ਕੇਐਲਐਮ ਨੇ 19 ਸਤੰਬਰ ਤੱਕ ਬੇਰੂਤ ਅਤੇ ਤੇਲ ਅਵੀਵ ਲਈ ਸੇਵਾਵਾਂ ਮੁਅੱਤਲ ਕਰ ਦਿੱਤੀਆਂ ਸਨ, ਜੋ ਕਿ ਬੰਦ ਹਨ। ਇਸ ਤੋਂ ਇਲਾਵਾ ਕੇਐਲਐਮ ਨੇ 26 ਅਕਤੂਬਰ ਤੱਕ ਤੇਲ ਅਵੀਵ ਲਈ ਸਾਰੀਆਂ ਉਡਾਣਾਂ ਅਤੇ ਬੇਰੂਤ ਅਤੇ ਹੋਰ ਮੰਜ਼ਿਲਾਂ ਲਈ ਸੇਵਾਵਾਂ 31 ਮਾਰਚ 2025 ਤੱਕ ਮੁਅੱਤਲ ਕਰ ਦਿੱਤੀਆਂ ਹਨ। ਕੈਥੇ ਪੈਸੀਫਿਕ ਨੇ ਮਾਰਚ 2025 ਤੱਕ ਤੇਲ ਅਵੀਵ ਲਈ ਉਡਾਣਾਂ ਨੂੰ ਮੁਅੱਤਲ ਕਰ ਦਿੱਤਾ ਹੈ। ਡੈਲਟਾ ਏਅਰਲਾਈਨਜ਼ ਨੇ 31 ਦਸੰਬਰ, 2024 ਤੱਕ ਨਿਊਯਾਰਕ ਅਤੇ ਤੇਲ ਅਵੀਵ ਵਿਚਕਾਰ ਉਡਾਣਾਂ ਨੂੰ ਮੁਅੱਤਲ ਕਰ ਦਿੱਤਾ ਹੈ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
