ਬੰਗਾ (ਸਮਾਜ ਵੀਕਲੀ) (ਚਰਨਜੀਤ ਸੱਲ੍ਹਾ ) ਐਫ਼ ਸੀ ਐਸ ਅਦਰਸ਼ ਸੀ ਸੈਕੰਡਰੀ ਸਕੂਲ ਜੰਡਿਆਲਾ ਦੀ ਟੀਮ ਚੈਸ ਟੀਮ ਵੱਲੋਂ ਬਲਾਕ ਲੈਵਲ ਤੇ ਜਿੱਤ ਹਾਸਿਲ ਕੀਤੀ ਹੈ। ਇਹ ਚੈਸ ਕੰਪੀਟੀਸ਼ਨ ਫਰਾਲਾ ਸਰਕਾਰੀ ਸਕੂਲ ਦੇ ਵਿੱਚ ਹੋਇਆ। ਇਸ ਕੰਪੀਟੀਸ਼ਨ ਵਿੱਚ ਫਰਾਲਾ ਸਰਕਾਰੀ ਸਕੂਲ, ਸੂੰਢ ਸਰਕਾਰੀ ਸਕੂਲ, ਮੰਢਾਲੀ ਸਰਕਾਰੀ ਸਕੂਲ ਅਤੇ ਐਫ਼ ਸੀ ਐਸ ਆਦਰਸ਼ ਸੀ ਸੈ ਸਕੂਲ ਜੰਡਿਆਲਾ ਦੀਆਂ ਟੀਮਾਂ ਨੇ ਭਾਗ ਲਿਆ ਅਤੇ ਹੋਣਹਾਰ ਵਿਦਿਆਰਥੀ ਨੇ ਆਪਣੀ ਕਲਾਂ ਦਾ ਪ੍ਰਦਰਸ਼ਨ ਬਹੁਤ ਹੀ ਵਧੀਆ ਢੰਗ ਨਾਲ ਕੀਤਾ। ਜਿਨ੍ਹਾਂ ਵਿੱਚੋਂ ਆਦਰਸ਼ ਸਕੂਲ ਜੰਡਿਆਲਾ ਦੀ ਟੀਮ ਬਹੁਤ ਹੀ ਸ਼ਾਨਦਾਰ ਜਿੱਤ ਪ੍ਰਾਪਤ ਕੀਤੀ ਅਤੇ ਹਰੇਕ ਵਿਦਿਆਰਥੀ ਨੇ ਟੀਮ ਨੂੰ ਜਿੱਤ ਦਿਵਾਉਣ ਲਈ ਵਧੀਆ ਰੋਲ ਅਦਾ ਕੀਤਾ। ਐਫ਼ ਸੀ ਐਸ ਆਦਰਸ਼ ਸੀਨੀਅਰ ਸੈਕੰਡਰੀ ਸਕੂਲ ਜੰਡਿਆਲਾ ਦੀ ਟੀਮ ਵਿੱਚ ਯੁਵਰਾਜ ਲੱਧੜ, ਗੁਰਪ੍ਰੀਤ ਸਿੰਘ, ਪ੍ਰਤੀਕ, ਫਤਿਹ ਸਿੰਘ, ਸੁਖਜੀਤ ਸਿੰਘ ਸੰਧੀ ਸ਼ਾਮਲ ਸਨ। ਟੀਮ ਦੀ ਅਗਵਾਈ ਇਨ੍ਹਾਂ ਦੇ ਪੀ ਟੀ ਟੀਚਰ ਮਨਵੀਰ ਗਿੱਲ ਅਤੇ ਮਨਪ੍ਰੀਤ ਸਿੰਘ ਕਰ ਰਹੇ ਸਨ। ਇਹਨਾਂ ਦੇ ਨਾਲ ਡਾ ਸੁਧੀਰ ਕੁਮਾਰ ਵੀ ਸਨ। ਇਸ ਮੌਕੇ ਜਿੱਤ ਦੀ ਖੁਸ਼ੀ ਵਿੱਚ ਪ੍ਰਿੰਸੀਪਲ ਅੰਮਿਤ ਕੌਂਸਲ ਨੇ ਟੀਮ ਦੇ ਪਲੇਅਰ ਨੂੰ ਵਧਾਈਆਂ ਦਿੱਤੀਆਂ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
