ਵਿਸ਼ਵ ਪਲਾਸਟਿਕ ਸਰਜਰੀ ਦਿਵਸ ਮੌਕੇ ਐਸਪੀਐਸ ਹਸਪਤਾਲ ਵੱਲੋਂ ਐਡਵਾਂਸਡ ਪਲਾਸਟਿਕ ਸਰਜਰੀ ਕਲੀਨਿਕ ਦੀ ਸ਼ੁਰੂਆਤ

ਲੁਧਿਆਣਾ   (ਸਮਾਜ ਵੀਕਲੀ)    (ਕਰਨੈਲ ਸਿੰਘ ਐੱਮ.ਏ.) ਵਿਸ਼ਵ ਪਲਾਸਟਿਕ ਸਰਜਰੀ ਦਿਵਸ ਦੇ ਮੌਕੇ ‘ਤੇ ਐਸਪੀਐਸ ਹਸਪਤਾਲ, ਲੁਧਿਆਣਾ ਵੱਲੋਂ ਇੱਕ ਵਿਸ਼ੇਸ਼ ਪ੍ਰੈੱਸ ਕਾਨਫਰੰਸ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਹਸਪਤਾਲ ਨੇ ਆਪਣੇ ਐਡਵਾਂਸਡ ਪਲਾਸਟਿਕ ਸਰਜਰੀ ਕਲੀਨਿਕ ਦੀ ਸ਼ੁਰੂਆਤ ਦਾ ਐਲਾਨ ਕੀਤਾ। ਇਸ ਕਲੀਨਿਕ ਰਾਹੀਂ ਹੁਣ ਮਰੀਜ਼ਾਂ ਨੂੰ ਪਲਾਸਟਿਕ, ਰੀਕੰਸਟਰਕਟਿਵ ਅਤੇ ਐਸਥੈਟਿਕ ਸਰਜਰੀ ਨਾਲ ਸੰਬੰਧਿਤ ਆਧੁਨਿਕ ਅਤੇ ਮਾਹਿਰ ਸੇਵਾਵਾਂ ਇੱਕੋ ਛੱਤ ਹੇਠ ਉਪਲਬਧ ਹੋਣਗੀਆਂ। ਇਸ ਪ੍ਰੈੱਸ ਕਾਨਫਰੰਸ ਵਿੱਚ ਸ਼੍ਰੀ ਯੋਗੇਂਦਰ ਅਵਧਿਆ, ਮੁੱਖ ਸੰਚਾਲਨ ਅਧਿਕਾਰੀ (COO), ਡਾ: ਅਜੈ ਅਬਰੋਲ, ਡਾਇਰੈਕਟਰ –ਪਲਾਸਟਿਕ ਸਰਜਰੀ ਅਤੇ ਡਾ: ਸੰਦੀਪ ਕੌਰ, ਡਿਪਟੀ ਡਾਇਰੈਕਟਰ –ਪਲਾਸਟਿਕ ਸਰਜਰੀ ਨੇ ਹਾਜ਼ਰੀ ਭਰੀ ਅਤੇ ਪਲਾਸਟਿਕ ਸਰਜਰੀ ਦੇ ਖੇਤਰ ਵਿੱਚ ਹੋ ਰਹੀਆਂ ਤਰੱਕੀਆਂ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਸਾਂਝੀ ਕੀਤੀ। “ਪਲਾਸਟਿਕ ਸਰਜਰੀ ਸਿਰਫ਼ ਸੁੰਦਰਤਾ ਲਈ ਨਹੀਂ, ਸਗੋਂ ਜ਼ਿੰਦਗੀ ਨੂੰ ਮੁੜ ਸਧਾਰਨ ਬਣਾਉਣ ਲਈ ਹੈ” – ਡਾ: ਅਜੈ ਅਬਰੋਲ

ਡਾ: ਅਜੈ ਅਬਰੋਲ ਨੇ ਕਿਹਾ ਕਿ ਅੱਜ ਵੀ ਬਹੁਤ ਸਾਰੇ ਲੋਕ ਪਲਾਸਟਿਕ ਸਰਜਰੀ ਨੂੰ ਕੇਵਲ ਕਾਸਮੈਟਿਕ ਸਰਜਰੀ ਨਾਲ ਜੋੜ ਕੇ ਦੇਖਦੇ ਹਨ, ਜਦਕਿ ਇਹ ਮੈਡੀਕਲ ਸਾਇੰਸ ਦੀ ਇੱਕ ਅਜਿਹੀ ਵਿਸ਼ੇਸ਼ ਸ਼ਾਖਾ ਹੈ ਜੋ ਹਾਦਸਿਆਂ ਵਿੱਚ ਜ਼ਖ਼ਮੀ ਹੋਏ ਮਰੀਜ਼ਾਂ, ਅੱਗ ਨਾਲ ਜਲੇ ਹੋਏ ਲੋਕਾਂ, ਜਨਮ ਤੋਂ ਮੌਜੂਦ ਵਿਕਾਰਾਂ, ਕੈਂਸਰ ਦੀ ਸਰਜਰੀ ਤੋਂ ਬਾਅਦ ਸਰੀਰ ਦੇ ਮੁੜ ਨਿਰਮਾਣ, ਹੱਥਾਂ ਅਤੇ ਚਿਹਰੇ ਦੀਆਂ ਗੰਭੀਰ ਸੱਟਾਂ, ਡਾਇਬੀਟਿਕ ਫੁੱਟ ਅਤੇ ਜਟਿਲ ਜ਼ਖ਼ਮਾਂ ਦੇ ਇਲਾਜ ਵਿੱਚ ਅਹਿਮ ਭੂਮਿਕਾ ਨਿਭਾਉਂਦੀ ਹੈ। ਉਨ੍ਹਾਂ ਕਿਹਾ ਕਿ ਐਸਪੀਐਸ ਹਸਪਤਾਲ ਵਿੱਚ ਅਤਿਆਧੁਨਿਕ ਮਾਈਕ੍ਰੋਸਰਜਰੀ ਤਕਨੀਕ, ਆਧੁਨਿਕ ਆਪਰੇਸ਼ਨ ਥੀਏਟਰ ਅਤੇ ਤਜਰਬੇਕਾਰ ਮਾਹਿਰਾਂ ਦੀ ਟੀਮ ਰਾਹੀਂ ਮਰੀਜ਼ਾਂ ਨੂੰ ਅੰਤਰਰਾਸ਼ਟਰੀ ਮਿਆਰਾਂ ਅਨੁਸਾਰ ਇਲਾਜ ਮੁਹੱਈਆ ਕਰਵਾਇਆ ਜਾ ਰਿਹਾ ਹੈ। ਸਾਡਾ ਮਕਸਦ ਸਿਰਫ਼ ਸਫਲ ਸਰਜਰੀ ਕਰਨਾ ਨਹੀਂ, ਸਗੋਂ ਮਰੀਜ਼ ਨੂੰ ਉਸ ਦਾ ਆਤਮਵਿਸ਼ਵਾਸ, ਕਾਰਗੁਜ਼ਾਰੀ ਅਤੇ ਜੀਵਨ ਦੀ ਗੁਣਵੱਤਾ ਵਾਪਸ ਦੇਣਾ ਹੈ।

“ਸਮੇਂ ਸਿਰ ਇਲਾਜ ਨਾਲ ਮਿਲਦੇ ਹਨ ਬਿਹਤਰ ਨਤੀਜੇ” – ਡਾ: ਸੰਦੀਪ ਕੌਰ

ਡਾ: ਸੰਦੀਪ ਕੌਰ ਨੇ ਕਿਹਾ ਕਿ ਪਲਾਸਟਿਕ ਸਰਜਰੀ ਵਿੱਚ ਸਮੇਂ ਸਿਰ ਮਾਹਿਰ ਡਾਕਟਰ ਨਾਲ ਸੰਪਰਕ ਕਰਨਾ ਬਹੁਤ ਮਹੱਤਵਪੂਰਨ ਹੁੰਦਾ ਹੈ। ਅੱਜ ਦੀਆਂ ਆਧੁਨਿਕ ਤਕਨੀਕਾਂ ਨਾਲ ਕਈ ਅਜਿਹੀਆਂ ਸਮੱਸਿਆਵਾਂ ਦਾ ਸਫਲ ਇਲਾਜ ਸੰਭਵ ਹੈ, ਜਿਨ੍ਹਾਂ ਨੂੰ ਪਹਿਲਾਂ ਬਹੁਤ ਮੁਸ਼ਕਲ ਮੰਨਿਆ ਜਾਂਦਾ ਸੀ। ਉਨ੍ਹਾਂ ਦੱਸਿਆ ਕਿ ਹਰੇਕ ਮਰੀਜ਼ ਲਈ ਉਸ ਦੀ ਲੋੜ ਅਨੁਸਾਰ ਵਿਅਕਤੀਗਤ ਇਲਾਜ ਯੋਜਨਾ ਤਿਆਰ ਕੀਤੀ ਜਾਂਦੀ ਹੈ, ਜਿਸ ਨਾਲ ਮਰੀਜ਼ ਜਲਦੀ ਸਿਹਤਯਾਬ ਹੋ ਕੇ ਆਮ ਜੀਵਨ ਵੱਲ ਵਾਪਸ ਲੌਟ ਸਕਦਾ ਹੈ।

“ਵਿਸ਼ਵ-ਪੱਧਰੀ ਸਿਹਤ ਸੇਵਾਵਾਂ ਮੁਹੱਈਆ ਕਰਵਾਉਣਾ ਸਾਡੀ ਵਚਨਬੱਧਤਾ ਹੈ” – ਯੋਗੇਂਦਰ ਅਵਧਿਆ

ਐਸਪੀਐਸ ਹਸਪਤਾਲ ਦੇ ਮੁੱਖ ਸੰਚਾਲਨ ਅਧਿਕਾਰੀ ਸ਼੍ਰੀ ਯੋਗੇਂਦਰ ਅਵਧਿਆ ਨੇ ਕਿਹਾ ਕਿ ਐਸਪੀਐਸ ਹਸਪਤਾਲ ਦਾ ਉਦੇਸ਼ ਪੰਜਾਬ ਅਤੇ ਨੇੜਲੇ ਰਾਜਾਂ ਦੇ ਲੋਕਾਂ ਨੂੰ ਵਿਸ਼ਵ-ਪੱਧਰੀ ਸੁਪਰ ਸਪੈਸ਼ਲਟੀ ਸਿਹਤ ਸੇਵਾਵਾਂ ਉਨ੍ਹਾਂ ਦੇ ਆਪਣੇ ਸ਼ਹਿਰ ਵਿੱਚ ਹੀ ਉਪਲਬਧ ਕਰਵਾਉਣਾ ਹੈ। ਉਨ੍ਹਾਂ ਕਿਹਾ ਕਿ ਐਡਵਾਂਸਡ ਪਲਾਸਟਿਕ ਸਰਜਰੀ ਕਲਿਨਿਕ ਦੀ ਸ਼ੁਰੂਆਤ ਇਸੇ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਕਦਮ ਹੈ। ਅਸੀਂ ਨਵੀਂ ਤਕਨੀਕ, ਤਜਰਬੇਕਾਰ ਡਾਕਟਰਾਂ ਅਤੇ ਮਰੀਜ਼-ਕੇਂਦਰਿਤ ਸੇਵਾਵਾਂ ਰਾਹੀਂ ਹਰ ਮਰੀਜ਼ ਨੂੰ ਉੱਚ ਗੁਣਵੱਤਾ ਵਾਲਾ ਇਲਾਜ ਦੇਣ ਲਈ ਵਚਨਬੱਧ ਹਾਂ।

ਐਡਵਾਂਸਡ ਪਲਾਸਟਿਕ ਸਰਜਰੀ ਕਲਿਨਿਕ ਵਿੱਚ ਉਪਲਬਧ ਮੁੱਖ ਸੇਵਾਵਾਂ

ਕਾਸਮੈਟਿਕ ਅਤੇ ਐਸਥੈਟਿਕ ਸਰਜਰੀ

ਚਿਹਰੇ ਦੀ ਪਲਾਸਟਿਕ ਅਤੇ ਰੀਕੰਸਟਰਕਟਿਵ ਸਰਜਰੀ

ਹਾਦਸਿਆਂ ਤੋਂ ਬਾਅਦ ਚਿਹਰੇ ਅਤੇ ਸਰੀਰ ਦਾ ਮੁੜ ਨਿਰਮਾਣ

ਅੱਗ ਨਾਲ ਜਲਣ ਤੋਂ ਬਾਅਦ ਰੀਕੰਸਟਰਕਟਿਵ ਸਰਜਰੀ

ਮਾਈਕ੍ਰੋਸਰਜਰੀ

ਹੈਂਡ ਸਰਜਰੀ

ਡਾਇਬੀਟਿਕ ਫੁੱਟ ਅਤੇ ਜਟਿਲ ਜ਼ਖ਼ਮਾਂ ਦਾ ਇਲਾਜ

ਕੈਂਸਰ ਤੋਂ ਬਾਅਦ ਰੀਕੰਸਟਰਕਟਿਵ ਸਰਜਰੀ

ਕਲੇਫ਼ਟ ਲਿਪ ਅਤੇ ਕਲੇਫ਼ਟ ਪੈਲਟ ਦਾ ਇਲਾਜ

ਸਕਾਰ (ਨਿਸ਼ਾਨ) ਰਿਵੀਜ਼ਨ ਸਰਜਰੀ

ਪ੍ਰੈਸ਼ਰ ਸੋਰ ਅਤੇ ਸਾਫਟ ਟਿਸ਼ੂ ਰੀਕੰਸਟਰਕਸ਼ਨ

ਇਸ ਮੌਕੇ ਡਾਕਟਰਾਂ ਨੇ ਪਲਾਸਟਿਕ ਸਰਜਰੀ ਨਾਲ ਜੁੜੀਆਂ ਕਈ ਗਲਤ ਧਾਰਨਾਵਾਂ ਨੂੰ ਵੀ ਦੂਰ ਕੀਤਾ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਹਾਦਸੇ, ਅੱਗ ਨਾਲ ਜਲਣ, ਜਨਮ ਤੋਂ ਮੌਜੂਦ ਵਿਕਾਰ, ਕੈਂਸਰ ਦੀ ਸਰਜਰੀ ਤੋਂ ਬਾਅਦ ਰੀਕੰਸਟਰਕਸ਼ਨ ਜਾਂ ਕਿਸੇ ਵੀ ਜਟਿਲ ਜ਼ਖ਼ਮ ਦੀ ਸਥਿਤੀ ਵਿੱਚ ਬਿਨਾਂ ਦੇਰੀ ਕੀਤੇ ਮਾਹਿਰ ਪਲਾਸਟਿਕ ਸਰਜਨ ਨਾਲ ਸੰਪਰਕ ਕੀਤਾ ਜਾਵੇ। ਪ੍ਰੈੱਸ ਕਾਨਫਰੰਸ ਦੇ ਅੰਤ ਵਿੱਚ ਮੀਡੀਆ ਪ੍ਰਤੀਨਿਧੀਆਂ ਨਾਲ ਪ੍ਰਸ਼ਨ-ਉੱਤਰ ਸੈਸ਼ਨ ਵੀ ਕੀਤਾ ਗਿਆ, ਜਿਸ ਦੌਰਾਨ ਪਲਾਸਟਿਕ ਸਰਜਰੀ ਦੇ ਖੇਤਰ ਵਿੱਚ ਹੋ ਰਹੀਆਂ ਨਵੀਆਂ ਤਕਨੀਕਾਂ, ਮਰੀਜ਼ਾਂ ਦੀ ਸੁਰੱਖਿਆ ਅਤੇ ਇਲਾਜ ਦੇ ਬਿਹਤਰ ਨਤੀਜਿਆਂ ਬਾਰੇ ਵਿਸਥਾਰ ਨਾਲ ਚਰਚਾ ਕੀਤੀ ਗਈ।

ਐਸਪੀਐਸ ਹਸਪਤਾਲ ਦਾ ਐਡਵਾਂਸਡ ਪਲਾਸਟਿਕ ਸਰਜਰੀ ਕਲੀਨਿਕ ਪੰਜਾਬ ਵਿੱਚ ਪਲਾਸਟਿਕ ਅਤੇ ਰੀਕੰਸਟਰਕਟਿਵ ਸਰਜਰੀ ਦੇ ਖੇਤਰ ਵਿੱਚ ਵਿਸ਼ਵ-ਪੱਧਰੀ ਅਤੇ ਸੰਪੂਰਨ ਇਲਾਜ ਸੇਵਾਵਾਂ ਪ੍ਰਦਾਨ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਸਾਬਤ ਹੋਵੇਗਾ।

ਸਮਾਜਵੀਕਲੀ’ ਐਪਡਾਊਨਲੋਡਕਰਨਲਈਹੇਠਦਿਤਾਲਿੰਕਕਲਿੱਕਕਰੋ
https://play.google.com/store/apps/details?id=in.yourhost.samajweekly