* ਗੰਭੀਰ ਮਸਲੇ *

   (ਸਮਾਜ ਵੀਕਲੀ)  ਦੁਨੀਆਂ ਤੇ ਕੋਈ ਕਰਾਮਾਤ ਨਹੀਂ ਹੁੰਦੀ l ਕਰਾਮਾਤਾਂ ਨਾਲ ਕਦੇ ਵੀ ਕੋਈ ਕੰਮ ਨਹੀਂ ਹੁੰਦਾ l

ਜੋ ਸਾਨੂੰ ਕਰਾਮਾਤ ਲਗਦੀ ਹੈ ਉਸ ਬਾਰੇ ਵਿਗਿਆਨਿਕ ਨਜ਼ਰੀਏ ਨਾਲ ਖੋਜ਼ ਕਰਨ ਤੇ ਕਾਰਣ ਨਜ਼ਰ ਆਉਂਦੇ ਹਨ l

ਕਰਾਮਾਤ ਦਾ ਨਾਮ ਲੈ ਕੇ ਜਾਂ ਕਰਾਮਾਤ ਕਹਿ ਕੇ ਦੂਜਿਆਂ ਨੂੰ ਲੁੱਟਿਆ ਜਾਂਦਾ ਹੈ l

ਡੇਰਿਆਂ ਤੇ ਜਾਣ ਵਾਲੇ ਅਤੇ ਕਰਾਮਾਤ ਹੋਣ ਦੀ ਆਸ ਰੱਖਣ ਵਾਲੇ ਪਹਿਲਾਂ ਹੀ ਮਾਨਸਿਕ ਰੋਗੀ ਹੁੰਦੇ ਹਨ ਅਤੇ ਉੱਥੇ ਜਾਣ ਤੋਂ ਬਾਦ ਗੰਭੀਰ ਮਾਨਸਿਕ ਰੋਗੀ ਬਣ ਜਾਂਦੇ ਹਨ l

ਗੰਭੀਰ ਮਾਨਸਿਕ ਰੋਗੀਆਂ ਦਾ ਆਰਥਿਕ, ਮਾਨਸਿਕ ਅਤੇ ਸਰੀਰਕ ਸ਼ੋਸ਼ਣ ਹੁੰਦਾ ਹੈ ਜੋ ਪੀੜ੍ਹੀ ਦਰ ਪੀੜ੍ਹੀ ਚੱਲਦਾ ਹੈ l

ਸਾਧਾਂ ਸੰਤਾਂ ਨੂੰ ਮੱਥੇ ਟੇਕ ਕੇ ਕੰਮ ਕਰਵਾਉਣ ਵਾਲਿਆਂ ਨੂੰ ਕਦੇ ਵੀ ਆਪਣੇ ਆਪ ਤੇ ਮਾਣ ਨਹੀਂ ਹੁੰਦਾ ਭਾਵ ਉਨ੍ਹਾਂ ਦਾ ਸੈਲਫ ਕੌਨਫੀਡੈਂਸ (Self confidence) ਮਰ ਜਾਂਦਾ ਹੈ l

ਇਹ ਗੱਲ ਸਮਝ ਲੈਣੀ ਚਾਹੀਦੀ ਹੈ ਕਿ ਸਭ ਮਸਲਿਆਂ ਦਾ ਹੱਲ ਸੌਖਾ ਨਹੀਂ ਹੁੰਦਾ ਹੈ ਪਰ ਗਲਤ ਰਾਹ ਅਪਣਾਉਣ ਨਾਲ ਮਸਲੇ ਹੋਰ ਗੰਭੀਰ ਬਣ ਜਾਂਦੇ ਹਨ l