ਹੁਸ਼ਿਆਰਪੁਰ (ਸਮਾਜ ਵੀਕਲੀ) (ਸਤਨਾਮ ਸਿੰਘ ਸਹੂੰਗੜਾ) ਪ੍ਰਧਾਨ ਸਨੇਹ ਜੈਨ ਦੀ ਅਗਵਾਈ ਵਿੱਚ ਰੋਟਰੀ ਕਲੱਬ ਵੱਲੋਂ ਜ਼ਿਲ੍ਹਾ ਨਸ਼ਾ ਛੁਡਾਊ ਅਤੇ ਮੁੜ ਵਸੇਵਾ ਕੇਂਦਰ ਹੁਸ਼ਿਆਰਪੁਰ ਵਿਖੇ ਮਰੀਜ਼ਾਂ ਲਈ ਪੀਣ ਵਾਲੇ ਪਾਣੀ ਲਈ ਵਾਟਰ ਕੂਲਰ ਦਾਨ ਕੀਤਾ ਗਿਆ, ਜਿਸ ਦਾ ਉਦਘਾਟਨ ਕਲੱਬ ਦੇ ਸਾਰੇ ਮੈਂਬਰਾਂ ਨੇ ਕੀਤਾ। ਇਸ ਮੌਕੇ ਸਕੱਤਰ ਟਿਮਾਟਨੀ ਆਹਲੂਵਾਲੀਆ ਨੇ ਦੱਸਿਆ ਕਿ ਜ਼ਿਲ੍ਹਾ ਨਸ਼ਾ ਛੁਡਾਊ ਅਤੇ ਮੁੜ ਵਸੇਵਾ ਕੇਂਦਰ ਵਿਖੇ ਕਰੀਬ 60 ਮਰੀਜ਼ ਆਏ ਹਨ। ਪੀਣ ਲਈ ਠੰਡਾ ਅਤੇ ਸਾਫ ਪਾਣੀ ਮੁਹੱਈਆ ਕਰਵਾਉਣ ਲਈ ਰੋਟਰੀ ਕਲੱਬ ਹੁਸ਼ਿਆਰਪੁਰ ਨੇ ਉਨ੍ਹਾਂ ਦੀ ਮੰਗ ‘ਤੇ ਪਹਿਲ ਕਦਮੀ ਕੀਤੀ ਹੈ- ਵੋਲਟਾਸ ਕੰਪਨੀ ਦਾ 40 ਲੀਟਰ ਵਾਟਰ ਕੂਲਰ ਮੁਹੱਈਆ ਕਰਵਾਇਆ ਗਿਆ। ਚੇਅਰਮੈਨ ਸਨੇਹ ਜੈਨ ਨੇ ਨਵੇਂ ਪ੍ਰੋਜੈਕਟਾਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਤੋਂ ਪਹਿਲਾਂ 2022 ਵਿੱਚ ਸਾਬਕਾ ਪ੍ਰਧਾਨ ਰਾਜਿੰਦਰ ਮੌਦਗਿਲ ਦੀ ਅਗਵਾਈ ਹੇਠ ਮਰੀਜ਼ਾਂ ਨੂੰ ਇੱਕ ਵੱਡਾ ਡੈਜ਼ਰਟ ਕੂਲਰ, ਕੁਰਸੀਆਂ, ਸਾਊਂਡ ਸਿਸਟਮ ਅਤੇ ਸਮੇਂ-ਸਮੇਂ ‘ਤੇ ਹੋਰ ਸਮਾਨ ਦਿੱਤੇ ਗਏ ਤਾਂ ਜੋ ਨਸ਼ਾ ਛੁਡਾਊ ਮਰੀਜ਼ ਆਪਣੀ ਜ਼ਿੰਦਗੀ ਸਹੀ ਢੰਗ ਨਾਲ ਜੀ ਸਕਣ। ਇਸ ਮੌਕੇ ਸਾਬਕਾ ਪ੍ਰਧਾਨ ਰਜਿੰਦਰ ਮੌਦਗਿਲ ਅਤੇ ਯੋਗੇਸ਼ ਚੰਦਰ ਨੇ ਵੀ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਇਸ ਮੌਕੇ ਸ੍ਰੀਮਤੀ ਸਨੇਹ ਜੈਨ, ਟਿਮਾਟਨੀ ਆਹਲੂਵਾਲੀਆ, ਸ੍ਰੀ ਯੋਗੇਸ਼ ਚੰਦਰ, ਸ੍ਰੀ ਰਾਜਿੰਦਰ ਮੌਦਗਿਲ, ਸ੍ਰੀਮਤੀ ਓਮ ਕਾਂਤਾ, ਸ੍ਰੀਮਤੀ ਨੀਨਾ ਜੈਨ, ਲੇਪੀ ਆਹਲੂਵਾਲੀਆ, ਸ੍ਰੀ ਅਸ਼ੋਕ ਜੈਨ, ਸ੍ਰੀ ਰਵੀ ਜੈਨ, ਸ੍ਰੀਮਤੀ ਸੁਮਨ ਨਈਅਰ, ਸ੍ਰੀ ਸੰਜੀਵ ਕੁਮਾਰ, ਡਾ: ਰਣਜੀਤ, ਸ੍ਰੀ ਚੰਦਨ ਸਰੀਨ, ਸੁਰਿੰਦਰ ਕੁਮਾਰ, ਡਾ: ਸ਼ੁਭਕਰਮਨਜੀਤ ਸਿੰਘ ਬਾਵਾ, ਡਾ. ਸਾਹਿਲਦੀਪ ਸਲਹਾਨ, ਨੀਸ਼ਾ ਰਾਣੀ, ਸੰਦੀਪ ਕੁਮਾਰੀ, ਪ੍ਰਸ਼ਾਂਤ ਆਦਿਆ ਆਦਿ ਮੌਜੂਦ ਸਨ।
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
