ਸ਼ੁਭ ਸਵੇਰ ਦੋਸਤੋ

(ਸਮਾਜ ਵੀਕਲੀ) ਆਪ ਜੀ ਦੇ ਧਿਆਨ ਹਿਤ ਨਿਮਰ ਬੇਨਤੀ ਹੈ ਕਿ ਕਿਤਾਬ ‘ਆਪੇ ਦੇ ਰੂ-ਬਰੂ’ ਪਾਠਕਾਂ ਨੂੰ ਸਮਰਪਿਤ ਕਰਨ ਸਬੰਧੀ ਸਮਾਰੋਹ ਅੱਜ 02 ਨਵੰਬਰ 2024 ਸ਼ਨੀਵਾਰ ਨੂੰ ਸਵੇਰੇ ਤਕਰੀਬਨ 10:00 ਕੁ ਵਜੇ ਨਾਲ ‘ਟੀਚਰਜ਼ ਹੋਮ’ ਬਠਿੰਡਾ ਵਿਖੇ ਸ਼ੁਰੂ ਹੋਵੇਗਾ ਜੀ। ਇਸ ਮੁਬਾਰਕ ਮੌਕੇ ਤੇ ਸਾਹਿਤ ਨੂੰ ਪਿਆਰ ਕਰਨ ਵਾਲੇ ਸੁਹਿਰਦ ਪਾਠਕਾਂ, ਲੇਖਕਾਂ ਅਤੇ ਮਿੱਤਰਾਂ/ਪਿਆਰਿਆਂ/ਸੁਨੇਹੀਆਂ ਨੂੰ ਖੁੱਲ੍ਹਾ ਸੱਦਾ ਹੈ ਕਿ ਆਪ ਜੀ ਆਪਣੇ ਸਮੇਂ ਦੀ ਵਿਉਂਤਬੰਦੀ ਕਰਦੇ ਹੋਏ, ਆਪਣੇ ਪਰਿਵਾਰ ਅਤੇ ਬੱਚਿਆਂ ਸਮੇਤ ਸ਼ਾਮਲ ਹੋਣਾ ਜੀ, ਆਪ ਜੀ ਜ਼ਰੂਰ ਕੁੱਝ ਵਧੀਆ ਮਹਿਸੂਸ ਕਰੋਗੇ ਜੀ।
ਕਿਉਂਕਿ ਇਸ ਮੁਹੱਬਤੀ ਸਮਾਗਮ ‘ਚ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕਰ ਕੇ ਤਸ਼ਰੀਫ਼ ਫਰਮਾ ਹੋਣਗੀਆਂ, ਪੰਜਾਬੀ ਸਾਹਿਤਕ ਜਗਤ ਦੀਆਂ ਬਹੁ-ਪੱਖੀ ਸਖਸ਼ੀਅਤਾਂ ਜਨਾਬ ਜਰਨੈਲ ਘੁਮਾਣ ਸਾਹਬ, ਭਿੰਦਰ ਡੱਬਵਾਲੀ ਸਾਹਬ, ਜਨਕ ਸੰਗਤ ਸਾਹਬ, ਅਸ਼ੋਕ ਬਾਂਸਲ ਸਾਹਬ, ਮਾਸਟਰ ਮਹਿੰਦਰ ਪਾਲ ਮਾਨਸਾ, ਗਾਇਕ ਵੀਰ ਭਿੰਦੇ ਸ਼ਾਹ ਰਾਜੋਵਾਲੀਆਂ, ਬਲਵੀਰ ਲਹਿਰਾ, ਸੁਖਪਾਲ ਪਾਲੀ, ਕੁਲਵਿੰਦਰ ਕੰਵਲ, ਧਰਮਵੀਰ ਥਾਂਦੀ, ਗੁਰਵਿੰਦਰ ਬਰਾੜ, ਬਲਵੀਰ ਚੋਟੀਆਂ, ਜਸ ਸੰਧੂ, ਦਿਲਬਾਗ ਚਹਿਲ, ਰਛਪਾਲ ਉੱਪਲ, ਜੱਗਾ ਸੂਤਰੀਆਂ, ਗੁਰਦਾਸ ਸੰਧੂ, ਨਵਦੀਪ ਧੌਲਾ, ਨਵਦੀਪ ਸੰਧੂ, ਗੁਰਚਰਨ ਚੰਨੀ, ਗਾਇਕਾ ਰਮਨ ਗਿੱਲ, ਕਿਰਨ ਖਾਨ ਤੇ ਗੁਰਪ੍ਰੀਤ ਕੌਰ ਅਤੇ ਗੀਤਕਾਰਾਂ ਦੀ ਦੁਨੀਆਂ ਵਿੱਚੋਂ ਵੀਰ ਮਨਪ੍ਰੀਤ ਟਿਵਾਣਾ, ਗੁਰਤੇਜ ਉਗੋਕੇ, ਅਵਿਨਾਸ਼ ਗੋਦਾਰਾ, ਸ਼ੇਖਰ ਤਲਵੰਡੀ, ਸੇਵਕ ਖੋਖਰ, ਕੁਲਵਿੰਦਰ ਸਿੱਧੂ ‘ਕਾਮੇਕਾ’ ਅਤੇ ਰਾਜ ਭੁੱਲਰ।
ਮੰਚ ਸੰਚਾਲਕ ਦੀ ਸਾਰੀ ਜ਼ੁੰਮੇਵਾਰੀ ਵਿਸ਼ਵ ਪ੍ਰਸਿੱਧ ਵੀਰ ‘ਜਗਦੀਪ ਜੋਗਾ’ ਸਾਹਬ ਦੀ ਹੋਵੇਗੀ, ਨਾਲ ਹੀ ‘ਕੈਫੇ ਵਰਲਡ ਪਬਲੀਕੇਸ਼ਨ’ ਤੋਂ ਵੀਰ ‘ਸੁਖਰਾਜ’ ਵੱਲੋਂ ਕਿਤਾਬਾਂ ਦੀ ਪ੍ਰਦਰਸ਼ਨੀ ਵਿਲੱਖਣ ਤਰੀਕੇ ਨਾਲ ਲਾਈ ਜਾਵੇਗੀ, ਆਪਾਂ ਤੰਦਰੁਸਤ ਸਮਾਜ ਦੀ ਨੀਂਹ ਮਜ਼ਬੂਤ ਕਰਨ ਲਈ, ਕਿਤਾਬਾਂ ਖਰੀਦ ਕੇ ਪੜ੍ਹਣ ਦੀ ਆਦਤ ਨੂੰ ਪੱਕੀ ਕਰੀਏ ਜੀ।
ਹਰਫੂਲ ਸਿੰਘ ਭੁੱਲਰ ਮੰਡੀ ਕਲਾਂ 9876870157 

ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly