(ਸਮਾਜ ਵੀਕਲੀ)
ਸਾਨੂੰ ਪਿੱਠ ਵਿਖਾਈ ਬਰਖ਼ੁਰਦਾਰਾਂ ਨੇ ।
ਗੈਰਾਂ ਨਾਲ ਨਿਭਾਈ ਬਰਖ਼ੁਰਦਾਰਾਂ ਨੇ ।
ਸਾਡੇ ਵੱਲੋਂ ਕੀਤੇ ਹੋਏ ਅਹਿਸਾਨਾਂ ਦੀ ,
ਕਦਰ ਜਰਾ ਨਾ ਪਾਈ ਬਰਖ਼ਰਦਾਰਾ ਨੇ।
ਭੁੱਲ-ਭੁਲਾ ਕੇ ਗੱਲਾਂ ਮੋਹ ਪਿਆਰ ਦੀਆਂ ,
ਕੀਤੀ ਹੱਥੋਪਾਈ ਬਰਖ਼ੁਦਾਰਾਂ ਨੇ ।
ਆਪਣਿਆਂ ਦੇ ਗਿੱਟੇ ਗੋਡੇ ਭੰਨਦਿਆਂ ,
ਵਰਤੀ ਨਾ ਨਰਮਾਈ ਬਰਖ਼ੁਦਾਰਾਂ ਨੇ ।
ਸੇਵਾ ਕਹਿ ਕੇ ਅਕਸਰ ਹੀ ਛਕਿਆ ਮੇਵਾ ,
ਪੂਰੀ ਅੱਤ ਕਰਾਈ ਬਰਖ਼ੁਰਦਾਰਾਂ ਨੇ ।
ਸਾਡੇ ਜਖ਼ਮਾਂ ਉੱਤੇ ਲੂਣ ਛਿੜਕ ਫਿਰ ਵੀ ,
ਸੰਤੁਸ਼ਟੀ ਨਾ ਪਾਈ ਬਰਖ਼ੁਰਦਾਰਾਂ ਨੇ ।
ਮਾਫ਼ ਕਦੇ ਨਾ ਵਕਤ ਨਿਸ਼ਾਨ ਸਿਆਂ ਕਰਦਾ,
ਪਰ ਇਹ ਗੱਲ ਭੁਲਾਈ ਬਰਖ਼ੁਰਦਾਰਾਂ ਨੇ ।
ਨਿਸ਼ਾਨ ਸਿੰਘ
ਪਿੰਡ ਤੇ ਡਾਕ : ਜੌੜਾ ਸਿੰਘਾ
ਜ਼ਿਲ੍ਹਾ : ਗੁਰਦਾਸਪੁਰ
ਫੋਨ : 9646540249
ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
