ਰਾਜਪੁਰਾ, (ਸਮਾਜ ਵੀਕਲੀ): ਅੱਜ ਗਣਤੰਤਰ ਦਿਹਾੜੇ ਦੇ ਸਮਾਗਮ ਸਮੇਂ ਨੀਨਾ ਮਿੱਤਲ ਐੱਮ.ਐੱਲ.ਏ. ਰਾਜਪੁਰਾ ਅਤੇ ਡਾ. ਸੰਜੀਵ ਕੁਮਾਰ ਐੱਸ.ਡੀ.ਐੱਮ. ਰਾਜਪੁਰਾ ਵੱਲੋਂ ਲੋਕ ਫ਼ਨਕਾਰ ਰੋਮੀ ਘੜਾਮੇਂ ਵਾਲ਼ਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਜਿਸ ਬਾਰੇ ਰੋਮੀ ਨੇ ਸ਼ੁਕਰਾਨਾ ਕਰਦਿਆਂ ਦੱਸਿਆ ਕਿ ਗੁਰਲਾਲ ਸਿੰਘ ਐੱਮ.ਐੱਲ. ਏ. ਘਨੌਰ ਅਤੇ ਬਲਜਿੰਦਰ ਸਿੰਘ ਮੰਡਿਆਣਾ ਸਮਾਜ ਸੇਵੀ ਵੱਲੋਂ ਉਨ੍ਹਾਂ ਦਾ ਨਾਮ ਗਾਇਕ, ਸਾਹਿਤਕਾਰ, ਪੱਤਰਕਾਰ ਤੇ ਖਿਡਾਰੀ ਵਜੋਂ ਖ਼ਾਸ ਤੌਰ ‘ਤੇ ਸੁਝਾਇਆ ਗਿਆ ਸੀ। ਇਸ ਮੌਕੇ ਸੁਰਿੰਦਰ ਮੋਹਨ ਡੀ.ਐੱਸ.ਪੀ.(ਸਰਕਲ ਰਾਜਪੁਰਾ), ਰਾਜੀਵ ਕੁਮਾਰ ਨਾਇਬ ਤਹਿਸੀਲਦਾਰ, ਰਵਿੰਦਰ ਸਿੰਘ ਕਾਕਾ ਐੱਮ.ਡੀ. ਅਰਨਮ ਆਇਲ ਕੈਰੀਅਰ, ਅੰਗਰੇਜ ਸਿੰਘ ਘੜਾਮਾਂ ਤੇ ਹੋਰ ਪਤਵੰਤੇ ਸੱਜਣ ਹਾਜ਼ਰ ਸਨ ਅਤੇ ਰਣਬੀਰ ਕੌਰ ਬੱਲ ਯੂ.ਐੱਸ.ਏ., ਬਲਬੀਰ ਸਿੰਘ ਯੂ.ਐੱਸ.ਏ., ਬਲਿਹਾਰ ਲੇਲ੍ਹ ਯੂ.ਐੱਸ.ਏ., ਨਰਮੈਲ ਸੰਧੂ ਯੂ.ਐੱਸ.ਏ., ਦਲਜੀਤ ਸਿੰਘ ਹੋਬੀ ਕੈਨੇਡਾ ਅਤੇ ਜਸਬੀਰ ਸਿੰਘ ਕੈਨੇਡਾ ਨੇ ਮੁਬਾਰਕਬਾਦ ਦਿੱਤੀ।
