ਮਹਿਤਪੁਰ (ਸਮਾਜ ਵੀਕਲੀ) (ਹਰਜਿੰਦਰ ਸਿੰਘ ਚੰਦੀ): ਅੱਜ ਇਥੇ ਕੁੱਲ ਹਿੰਦ ਕਿਸਾਨ ਸਭਾ ਅਤੇ ਸਰਬ ਭਾਰਤ ਨੌਜਵਾਨ ਸਭਾ ਵੱਲੋਂ ਮਹਿਤਪੁਰ ਇਲਾਕੇ ਵਿੱਚ ਸ਼ਰੇਆਮ ਨਸ਼ਾ ਵਕਾਉਣ ਵਾਲੇ ਐਸ ਐਚ ਓ ਮਹਿਤਪੁਰ ਦੇ ਪੁਤਲੇ ਫੂਕਣ ਦੇ ਦਿੱਤੇ ਪ੍ਰੋਗਰਾਮ ਦੀ ਕੜੀ ਵਜੋਂ ਅੱਜ ਸੱਤਵੇਂ ਦਿਨ ਕੁੱਲ ਹਿੰਦ ਕਿਸਾਨ ਸਭਾ ਦੇ ਜਿਲ੍ਹਾ ਸਕੱਤਰ ਦਿਲਬਾਗ ਸਿੰਘ ਸਤਨਾਮ ਸਿੰਘ ਬਿੱਲੇ ਤੇ ਸਰਬ ਭਾਰਤ ਨੌਜਵਾਨ ਸਭਾ ਦੇ ਆਗੂ ਗੁਰਭੇਜ ਸਿੰਘ ਬੰਟੀ ਦੀ ਅਗਵਾਈ ਹੇਠ ਨਕੋਦਰ ਜਗਰਾਓਂ ਰੋਡ ਟੋਲ ਪਲਾਜ਼ਾ ਤੇ ਅੈਸ ਐਚ ਓ ਮਹਿਤਪੁਰ ਦਾ ਪੁਤਲਾ ਫੂਕਿਆ ਗਿਆ।
ਇਸ ਮੌਕੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਜ਼ਿਲ੍ਹਾ ਸਕੱਤਰ ਦਿਲਬਾਗ ਸਿੰਘ ਚੰਦੀ ਨੇ ਕਿਹਾ ਕਿ ਪ੍ਰਸ਼ਾਸਨ ਅਧਿਕਾਰੀਆਂ ਵੱਲੋਂ ਸੰਯੁਕਤ ਕਿਸਾਨ ਮੋਰਚੇ ਦੇ ਆਗੂਆਂ ਨਾਲ ਵਾਅਦਾ ਖਿਲਾਫੀ ਕਰਕੇ ਐਸ ਐਚ ਓ ਮਹਿਤਪੁਰ ਨੂੰ ਇਲਾਕੇ ਵਿੱਚ ਨਸ਼ਾ ਵਕਾਉਣ ਅਤੇ ਨਜਾਇਜ ਮਾਈਨਿੰਗ ਕਰਾਉਣ ਦੀ ਖੁੱਲ੍ਹ ਦੇ ਦਿੱਤੀ। ਜਿਸ ਨਾਲ ਇਲਾਕੇ ਵਿੱਚ ਪਹਿਲਾਂ ਨਾਲੋਂ ਜ਼ਿਆਦਾ ਮੋਟਰਸਾਈਕਲ ਚੋਰੀ ਸਕੂਲਾਂ ਵਿੱਚੋਂ ਐਲ ਸੀ ਡੀ ਚੋਰੀ ਡਿਸਪੈਂਸਰੀਆਂ ਵਿਚੋਂ ਟੂਟੀਆਂ ਦਾ ਸਮਾਨ ਚੋਰੀ ਖੜੇ ਵਾਹਨਾਂ ਵਿੱਚੋਂ ਬੈਟਰੀਆਂ ਚੋਰੀ ਪਰ ਮਹਿਤਪੁਰ ਪੁਲਿਸ ਦਾ ਧਿਆਨ ਕਿ ਅੱਜ ਕਿਹੜੇ ਇਲਾਕੇ ਵਾਲੇ ਠੇਕੇਦਾਰ ਦੀ ਮਾਈਨਿੰਗ ਕਰਨ ਦੀ ਵਾਰੀ ਹੈ।
ਬਾਕੀ ਕਰੋ ਮੋਜਾ। ਕਿਸੇ ਮਾਂ ਦਾ ਪੁੱਤ ਭੈਣ ਦਾ ਭਰਾ ਨਸ਼ੇ ਨਾਲ ਮਰਜੇ ਸਾਨੂੰ ਕੀ ਅਸੀਂ ਕੀ ਲੈਣਾ ਦੇਣਾ ਦੀ ਇਸ ਸੋਚ ਵਾਲੇ ਐਸ ਐਚ ਓ ਮਹਿਤਪੁਰ ਦੇ ਖਿਲਾਫ ਵਿਭਾਗੀ ਕਾਰਵਾਈ ਕਰਾਉਣ ਲਈ 11 ਅਕਤੂਬਰ ਨੂੰ ਕੀਤਾ ਜਾਵੇਗਾ ਡੀ ਐਸ ਪੀ ਸ਼ਾਹਕੋਟ ਦੇ ਦਫਤਰ ਦਾ ਘਿਰਾਓ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਜਸਪਾਲ ਸਿੰਘ, ਮਨਜਿੰਦਰ ਸਿੰਘ, ਯੁਵਰਾਜ ਸਿੰਘ ,ਲੱਖਾ ਸਿੰਘ, ਅਵਤਾਰ ਸਿੰਘ ਆਦਿ ਹਾਜ਼ਰ ਸਨ।
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
