(ਸਮਾਜ ਵੀਕਲੀ)
ਵੋਟਾਂ ਬਦਲੇ ਖੁਸ਼ੀਆਂ ਤਲਾਸ਼ਦੇ ਰਹੇ
ਤਾਂਹੀਓਂ ਤਾਂ ਬਣੇ ਜੋਕਰ ਤਾਸ਼ ਦੇ ਰਹੇ ।
ਕੁਰਸੀ ਕੁਰਸੀ ਰਹੇ ਖੇਡਦੇ ਹਾਕਮ
ਤੇ ਅਸੀਂ ਪਾਵਿਆਂ ਵੱਲ ਹੀ ਝਾਕਦੇ ਰਹੇ ।
ਜਸ਼ਨ ਏ ਅਜ਼ਾਦੀ ਹਰ ਸਾਲ ਉਨ੍ਹਾਂ ਦਾ
ਤੇ ਅਸੀਂ ਪੈਰੀਂ ਬੇੜੀਆਂ ਹੀ ਕਿਆਸਦੇ ਰਹੇ ।
ਕਾਫ਼ਲੇ ਬਣਾ ਤੁਰਦੇ ਤਾਂ ਮਿਲਦੇ ਹੱਕ ਵੀ
ਪਰ ਅਸੀਂ ਘੂਕ ਸੁੱਤੇ ਵਾਂਗ ਲਾਸ਼ ਦੇ ਰਹੇ ।
ਭਟਕਦੇ ਟੁੱਕਰ ਦੇ ਟੁਕੜਿਆਂ ਲਈ ਦੇਖੋ
ਹੁਣ ਨਾ ਜ਼ਮੀਂ ਦੇ ਰਹੇ ਨਾ ਅਕਾਸ਼ ਦੇ ਰਹੇ।
ਜਾਗ ਪਏ ਨੇ ਹੁਣ ਕੁਝ ਕੁ ਜਿਊਣੇ ਵਰਗੇ
ਜੋ ਗੁਣਗਣਾਉੰਦੇ ਗੀਤ.. ਪਾਸ਼ ਦੇ ਰਹੇ ।
ਵੋਟਾਂ ਬਦਲੇ ਖੁਸ਼ੀਆਂ ਤਲਾਸ਼ਦੇ ਰਹੇ
ਤਾਂਹੀਓਂ ਤਾਂ ਬਣੇ ਜੋਕਰ ਤਾਸ਼ ਦੇ ਰਹੇ ।
ਜਤਿੰਦਰ ਭੁੱਚੋ
9501475400
‘ਸਮਾਜ ਵੀਕਲੀ’ ਐਪ ਡਾਊਨਲੋਡ ਕਰਨ ਲਈ ਹੇਠ ਦਿਤਾ ਲਿੰਕ ਕਲਿੱਕ ਕਰੋ
https://play.google.com/store/apps/details?id=in.yourhost.samajweekly
