*ਸ਼ਬਦ ਨੂੰ ਮਿਲ ਰਿਹੈ ਭਰਵਾਂ ਹੁੰਗਾਂਰਾ-ਮਨੀ ਲੋਹਟੀਆ*
ਅੱਪਰਾ, (ਸਮਾਜ ਵੀਕਲੀ)-ਪਿੰਡ ਛੋਕਰਾਂ ਦੇ ਵਸਨੀਕ ਨੌਜਵਾਨ ਪੰਜਾਬੀ ਗਾਇਕ ਮਨੀ ਲੋਹਟੀਆ ਦੇ ਪਹਿਲੇ ਧਾਰਮਿਕ ਟਰੈਕ ‘ਮੇਰਾ ਸਤਿਗੁਰੂ’ ਦਾ ਪੋਸਟਰ ਰੀਲੀਜ਼ ਹੋ ਚੁੱਕਾ ਹੈ। ਮਨੀ ਦੇ ਧਾਰਮਿਕ ਗੀਤ ਦਾ ਪੋਸਟਰ ਮਹਾਰਾਜ ਈਸ਼ਰ ਦਾਸ ਜੀ ਡੇਰਾ ਪ੍ਰੇਮਪੁਰਾ ਜਗਤਪੁਰ ਬਘੌਰਾ ਵਲੋਂ ਸੰਤ ਅਮਰੀਕ ਦਾਸ ਜੀ ਤੇ ਮੱਖਣ ਦਾਸ ਛਿੰਦਰ ਦਾਸ ਜੀ ਨੇ ਆਪਣੇ ਕਰ ਕਮਲਾਂ ਨਾਲ ਕੀਤਾ। ਗਾਇਕ ਮਨੀ ਲੋਹਟੀਆ ਦਾ ਉਕਤ ਸ਼ਬਦ ਯੂ-ਟਿਊਬ ’ਤੇ ਵਰਲਡ ਵਾਈਡ ਲਾਂਚ ਹੋ ਚੁੱਕਾ ਹੈ ਤੇ ਸ਼ਬਦ ਨੂੰ ਦੇਸ਼-ਵਿਦੇਸ਼ ’ਚ ਬੈਠੇ ਪੰਜਾਬੀਆਂ ਵਲੋਂ ਬਹੁਤ ਪਿਆਰ ਮਿਲ ਰਿਹਾ ਹੈ।
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਗਾਇਕ ਮਨੀ ਲੋਹਟੀਆ ਨੇ ਦੱਸਿਆ ਕਿ ਇਸ ਧਾਰਮਿਕ ਟਰੈਕ ਨੂੰ ਡੀ. ਐਸ. ਮਿਊਜ਼ਿਕ ਕੰਪਨੀ ਤੇ ਪ੍ਰੋਡਿਊਸਰ ਧੰਨਪਤ ਰਾਏ (ਯੂ. ਐਸ. ਏ.) ਵਲੋਂ ਮਾਰਕੀਟ ’ਚ ਪੇਸ਼ ਕੀਤਾ ਜਾ ਰਿਹਾ ਹੈ। ਇਸ ਗੀਤ ਨੂੰ ਸੋਡੀ ਬੁੱਢਣਵਾਲੀਆ ਨੇ ਕਲਮਬੱਧ ਕੀਤਾ ਹੈ, ਜਦਕਿ ਦੇਵ ਹਿੱਪਹੋਪਰ ਨੇ ਇਸ ਦੀ ਮਿਊਜ਼ਿਕ ਤਿਆਰ ਕੀਤਾ ਹੈ। ਇਸ ਗੀਤ ਦਾ ਵੀਡੀਓ ਇਮਤਿਆਜ਼ ਅਲੀ ਨੇ ਤਿਆਰ ਕੀਤਾ ਹੈ। ਮਨੀ ਲੋਹਟੀਆ ਨੇ ਦੱਸਿਆ ਕਿ ਇਸ ਗੀਤ ਨੂੰ ਮਾਰਕੀਟ ’ਚ ਉਤਾਰਨ ਲਈ ਲਾਡੀ ਫੈਮਨੀਲਾ ਤੇ ਸਮੂਹ ਲੋਹਟ ਪਰਿਵਾਰ ਦਾ ਵੀ ਵੱਡਾ ਯੋਗਦਾਨ ਹੈ।
