(ਸਮਾਜ ਵੀਕਲੀ)
ਆ ਰਿਹਾ ਸ਼ਹੀਦੀ ਦਿਹਾੜਾ ,
ਹੋ ਰਹੀਆ ਤਿਆਰੀਆਂ,
ਆਵੇਗਾ ਹੜ੍ਹ ,
ਇਨਕਲਾਬ ਦੇ ਨਾਅਰਿਆਂ ਦਾ।
ਉਹ ਵੀ ਵੱਧ ਵੱਧ ਕੇ ਨਾਅਰੇ ਲਾਉਂਣਗੇ,
ਜਿਨ੍ਹਾਂ ਨੂੰ ਇਨਕਲਾਬ
ਦਾ ਅਰਥ ਵੀ ਪਤਾ ਨਹੀਂ ਹੋਣਾ।
ਇੰਝ ਮਹਿਸੂਸ ਹੋਵੇਗਾ ਕਿ ਬੱਸ,
ਹੁਣ ਤਾਂ ਇਨਕਲਾਬ ਆ ਗਿਆ ਹੈ,
ਦਿਨ ਲੰਘਦੇ ਫਿਰ ਉਸੇ ਤਰ੍ਹਾਂ ,
ਉਨ੍ਹਾਂ ਲੀਡਰਾਂ ਦੀਆਂ ਚਾਪਲੂਸੀਆਂ
ਤੇ ਲੱਗ ਜਾਣਗੇ ।
ਫਿਰ ਸਾਥ ਉਨ੍ਹਾਂ ਦਾ ਦੇਣਗੇ,
ਜਿਹੜੇ ਲੋਕਾਂ ਨੂੰ ਲੁੱਟਦੇ ਹੋਣ।
ਬੱਸ ਇੱਕ ਦਿਨ ਦਾ ਹੀ ਬਣਕੇ
ਰਹਿ ਜਾਂਦਾ ਹੁਣ ਸ਼ਹੀਦੀ ਦਿਹਾੜਾ।
ਕੋਈ ਆਖੇਗਾ ਭਗਤ ਸਿੰਘ ,
ਧਰਮਾਂ ਦਾ ਨਹੀਂ ਸੀ ,
ਆਖਣਗੇ ਉਹ ਤਾ ਨਾਸਤਿਕਾਂ ਦਾ ਹੀ ਹੈ,
ਸਿਰਫ ਨਾਸਤਿਕ ਆਸਤਿਕ ,
ਵਿੱਚ ਉਲਝ ਕੇ ਰਹਿ ਜਾਣਗੇ ,
ਭਗਤ ਸਿੰਘ ਤੇਰੇ ਸਮਰਥਕ ।
ਇੰਝ ਆਪਸੀ ਉਲਝਦੇ ਉਲਝਦੇ ,
ਇੱਕ ਹੋਰ ਸ਼ਹੀਦੀ ਦਿਹਾੜਾ ਬੀਤ ਜਾਵੇਗਾ।
ਬਲਕਾਰ ਸਿੰਘ “ਭਾਈ ਰੂਪਾ”
ਰਾਮਪੁਰਾ ਫੂਲ, ਬਠਿੰਡਾ
8727092570
