ਕੋਲਕਾਤਾ: ਬੀਸੀਸੀਆਈ ਦੇ ਅਗਲੇ ਪ੍ਰਧਾਨ ਸੌਰਵ ਗਾਂਗੁਲੀ ਨੇ ਅੱਜ ਕਿਹਾ ਕਿ ਬੰਗਲਾਦੇਸ਼ ਖ਼ਿਲਾਫ਼ ਤਿੰਨ ਨਵੰਬਰ ਤੋਂ ਸ਼ੁਰੂ ਹੋ ਰਹੀ ਟੀ-20 ਲੜੀ ਖੇਡਣ ਦਾ ਫ਼ੈਸਲਾ ਕਪਤਾਨ ਵਿਰਾਟ ਕੋਹਲੀ ਨੇ ਕਰਨਾ ਹੈ। ਅੰਦਾਜ਼ੇ ਲਾਏ ਜਾ ਰਹੇ ਹਨ ਕਿ ਕੋਹਲੀ ਟੀ-20 ਲੜੀ ’ਚੋਂ ਬਾਹਰ ਰਹਿ ਸਕਦਾ ਹੈ, ਪਰ ਇੰਦੌਰ ਅਤੇ ਕੋਲਕਾਤਾ ਵਿੱਚ ਦੋ ਟੈਸਟ ਖੇਡੇਗਾ। ਕੋਹਲੀ ਨੇ ਵੱਖ ਵੱਖ ਵੰਨਗੀਆਂ ਵਿੱਚ 56 ਵਿੱਚੋਂ 48 ਮੈਚ ਖੇਡੇ ਹਨ। ਗਾਂਗੁਲੀ ਨੇ ਇੱਥੇ ਬੰਗਾਲ ਕ੍ਰਿਕਟ ਐਸੋਸੀਏਸ਼ਨ ਦਫ਼ਤਰ ’ਤੇ ਪੱਤਰਕਾਰਾਂ ਨੂੰ ਕਿਹਾ, ‘‘ਮੈਂ 24 ਅਕਤੂਬਰ ਨੂੰ ਕੋਹਲੀ ਨੂੰ ਮਿਲਾਂਗਾ। ਉਸ ਨਾਲ ਇਸ ਸਬੰਧੀ ਗੱਲਬਾਤ ਕਰਾਂਗਾ।’’
